السلام عليكم ورحمة الله وبركاته
انرتم طلبة 2006 في المرحلة التمهيدية💚..

زي ماكنت عون ل دفعتي ف السيم الاول ان شاء الله نفيدكم ولو بالقليل لدفعتكم ..

وهدوما تجميعات كل شي يخص المواد في القناة ؛

_مادة ؛ علم النبات "𝗕𝗼𝘁𝗮𝗻𝘆".
_مادة ؛ الفيزياء العامة .
_مادة ؛ الكيمياء العامة والعضوية .
_مادة ؛ الحاسوب .
_مادة ؛ إنجليزي 1 .
_مادة ؛ عربي 1.

والسلام عليكم ورحمة الله وبركاته.

وهكي نقولو تم ل سنة التمهيدي ✨*💚..*

بجد كانت اطول سنة واثقلها ع النفس بس مننكرش انّنا قدرنا نتغلبو ع مخاوفنا فيها ، وكل الضغط والتعب سواء النفسي أو الجسدي اللي مرينا بيه فترة التمهيدي ح يفوت ، كله ح يهون ويعدي ،وح ننسوه بمجرد مانلقو ارواحنا ناجحين ان شاء الله ✨💚..

ف بجد نعتبرها اثقل سنه مرت ولكنها الافضل وهالضغط ماصنع منا إلا اشخاص أقوياء وناجحين ،
واللي لفتني السنة هادي برغم ظلم الدكاترة والكلية الاّ انا كنا احنى يد وحدة ماعمره حد قصر في المساعدة يغيب حد يجي بداله حد اقوى منه في المساعدة وهذا يدل ع شي واحد انه احنى دفعه تحب الخير وتساعد باللي عندها سواء ملخصات شروحات وماعندهاش ف الحقد والدوة الثانية
ونحب نوجه شكر خاص للاصحاب القنوات:

العلوم الطبية - الجامعة الأسمرية
طبيات زليتن الدفعة التمهيدية "2005🩺*💙".*

فتح الله عليكم وأعانكم وزادكم من علمه النافع ✨💚..

في نفس هالوقت السنة الجاية ح يكون عندنا أهداف مختلفة ،طموح غير عن توا ،ونقولو سبحان الله كيف فات من شدّتة منسحابوشي يفوت ..

بخطوات ثابتة وبإذن الله مكملين في كل طريق
استعنّا بالله وابدينا فيها ، والحمد لله هانت ومعاش مزال غير النتيجه ، نتيجة تعبنا وحصاد جهدنا، ولكن تستاهلو النجاح ع تعبكم وجهدكم ،والله لايضيع أجر من أحسن عملا✨💚..

وربي معاكم صدقوني مهما كانت النتيجه مهما كانت ،نبيكم ترضو بالنتيجه اللي ربي رزقكم بيها سواء جاتك حلوة أو شينه انت المطلوب منك انك تسعىٰ وترضىٰ عشان ربي يشوف سعيك ورِضاك ف يعطيك ويعوضك بأضعاف رضاك وصبرك 💚..

ويارب تنجحو كلكم وتتفوقو وفي أمان الله وموفقين✨*💚.*

عـطاء🍃..

ف خليك عارف إن السّعي عند ربي مايضيعش،
وإن رزقك من وراه حتاخده بلا ذرة نقصان حاشاه جل جلاله، و كل ماتسعى حتنكتبلك فُرص في أرزاق ثانية تتكافأ بيها بلا سعي بَس لأنك مش مقصر،،
والأرزاق بيد الله تساق ومش بيد العبد ..

السلام عليكم ورحمة الله وبركاته ..
مبارك النجاح لكل مادة صفيتوها ،،
واللي قعدو بعون الله تجيبو فيهم درجه اعلى حتى من الناجح ف السيم الثاني
ومبروك للي طلع من الكلية بكل لانه ارتاح من التمرميد الجاي ،،

للعلم ** لاقدر الله وعندك شك ف ماده أو اثنين في نقل مواد زي العام الماضي ..

السلام عليكم ورحمة الله وبركاته
مبدئيًا هكِ، حط ديما في بالك إن النجاح مش بالحظ، إنما بالتوفيق من الله والأخذ بالأسباب، وحط في بالك إن مش ضروري تكون يا إما ناجح طول عمرك ، يا إما فاشل طول عمرك ، إنما الاثنين يجتمعوا في الإنسان، تكون ناجح في أيام،، وتجيك لحظات فتور وضعف في أيام ،،{وَخُلَقِ الإِنْسَانُ ضَعِيفًا}
ولكن ضروري ترجع تصبي بعد لحظة الضعف؛ بش تأخذ بالأسباب ويوفقك الرحمن في مُرادك.

وفقكم الرحمن وسدَّد خُطاكم
وفتح الله عليكم واعانكم 🍃 ..

سلام دفعتي الجميلة 🍃..
أو نقدر نقول دفعتي المسوسه ،،

وصلت لاخر مسيرتي معاكم ،،
ان شاء الله نكون ماقصرت مع حد واسفه لو ف يوم مارديت ع حد أو غلطت فيه ياريت الكل يسامحني لانه بدون قصد

وبارك الله في كل حد دعالي أو قالي كلمة خير

وبجديات والله في ناس تواصلت معاي ع البوت وخشت قلبي من اول محادثه كانت بينا لدرجه في ناس مش قادرة حتى نسيبهم بس للاسف ضروري ما...

وبنوجه آيتين بسيطات لعلهن غافلات ع حد'

"قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ "

" وَعَسَىٰۤ أَن تَكۡرَهُوا۟ شَیۡـࣰٔا وَهُوَ خَیۡرࣱ لَّكُمۡۖ وَعَسَىٰۤ أَن تُحِبُّوا۟ شَیۡـࣰٔا وَهُوَ شَرࣱّ لَّكُمۡۚ وَٱللَّهُ یَعۡلَمُ وَأَنتُمۡ لَا تَعۡلَمُونَ "

دمتم في أمان الله
والسلام عليكم ورحمة الله وبركاته ..

ساهل بعون الله،، وح تطلعو كلكم راضين

"حسبي الله لا إله الا هو عليه توكلت وهو رب العرش العظيم ..

صبح آخر امتحان 🍃..

من عز عليه امري فليدع لي فإني والله قد غلب عليا امري، ولكم بالمثل ..