8-dekabr – O‘zbekiston Respublikasi Konstitutsiyasi kuni barchamizga muborak bo'lsin!

Mustaqil davlatimizning asosiy qonuni – Konstitutsiyamiz Vatanimiz tinchligi, taraqqiyoti va fuqarolar huquqlarining ishonchli kafolati hisoblanadi.

Bizning jamoamiz ham o‘z faoliyati bilan mamlakatimiz taraqqiyotiga hissa qo‘shmoqda. Har biringizning mehnatingiz, fidoyiligingiz va tashabbuskorligingiz davlatimizning yanada yuksalishiga xizmat qilayotgani bilan faxrlanamiz.

Ushbu muhim kunda Sizlarga mustahkam sog‘lik, cheksiz ilhom va yangi yutuqlar tilayman. Kelajakda ham birgalikda Konstitutsiyada belgilangan huquq va imkoniyatlarni rivojlantirish, ta'lim va ilm-fanni yuksaltirish yo‘lida katta zafarlar sari intilamiz.

Konstitutsiya kuni barchamizga muborak bo‘lsin!

Hurmat bilan,
Iskandar Yuldashev