اليوم رجعت أعطي دروس مجانية، وبلشنا بحروف الجر، من شوي خلصنا أول جزء من الدرس وانشالله رح نكفي بكرا.

شكراً لكل طالب حضر، ويارب تكونوا استفدتوا.

.
.
.
.
.
.

نصيحة غيرت حياتي، وكانت النصيحة بجمل.

ببداية حياتي المهنية والجامعية كنت متل أي شخص سوري عم أركض لأحضر تدريبات واتعلم، ولكن كنت اركض للمكان يلي بيعطيني شهادة، وفكر أنه بدون شهادة شو رح استفيد..؟

كنت احضر التدريبات يلي فيها شهادات مشان عبّي الـ cv تبعي واتطور (متل ما كنت مفكر).

وكنت بمكان من السذاجة بفضّل الدورات يلي فيها شهادات، على الدورات والتدريبات يلي ما فيها شهادات.

ليوم بتجي إنسانة عظيمة أنا بحترمها جداً، سألتها إذا التدريب الفلاني فيه شهادة، بتقلي: أنا لهلأ ولا مرة قدمت على شغل انسألت شو معي شهادات، اللي بيهم هو الخبرة.

ومن وقتها حرفياً تغيرت حياتي.

صرت احضر أي تدريب بيهمني، وبالفعل لاقيت أنو معظم الدورات يلي حضرتها واستفدت منها كانت بلا شهادات.

ووقت بلشت دوّر على شغل، تماماً متل ما قالت هالإنسانة، ما في ولا مرة قدمت على شغل وسألوني عن شهاداتي..!

دايماً بيسالوني عن خبرتي، وبيقلولي احكيلهن أمثلة، أو يعطوني مواقف ويسألوني كيف بتتصرف فيها.

ولا مرة قالولي يا ترى أيّ شهادة هون بتفيدنا؟

لهيك نصيحة، ركزوا على الخبرة وعلى التعلم وعلى الناس يلي بتتعرفوا عليهم بالتدريبات، وانسوا الشهادات لأن فعلاً ما بتعمل أي فرق.

حتى بالـ cv فيك تحط أي تدريب حضرته ولو بدون شهادة، طالما قادر تفرجي أنك تعلمت منه شي.

والتدريب يلي ما بتعرف تحكي عنه وتفرجي أنك استفدت منه، أحسنلك لا تحطه بالـ cv ولو فيه شهادة.

خبّر رفيقك يلي بحب يجمع شهادات خليه يتوعى. ?

وبالتوفيق للجميع. ❤️

- جورج مراش.

.
.
.
.
.
.
.

مسا الخير..

رح أعطي 3 دروس جديدة على مجموعة الجلسات المجانية خلال هالكم يوم، يلي هنن:

1- الضمائر الشخصية.
2- ضمائر الملكية.
3- حروف الجر.

وسبق وعطيت أول 6 دروس قواعد بالمستوى الأول من اللغة التركية.

1- لينك الانضمام للمجموعة العامة للجلسة:

https://t.me/+aUolfru14OliNmNk

2- لينك مجموعة المناقشة للجلسة:

https://t.me/+7JZYZcO1r1I2MTdk

.
.
.
.
.

جلسات مجانية لأول 6 دروس قواعد بالمستوى الأول من اللغة التركية.

1- لينك المجموعة العامة للجلسة:

https://t.me/+aUolfru14OliNmNk

2- لينك مجموعة المناقشة للجلسة:

https://t.me/+7JZYZcO1r1I2MTdk

.
.
.
.
.

سمية عم تنزل اختبارات كتير لذيذة. ❤️

https://t.me/SososM4

.
.
.

وحدة من طالباتي ضافتني على مجموعة على فيسبوك، هي مجموعة تسويق وكذا، كل حدا عنده مهارة شغل بيع... إلخ بيعرضه بهالكروب.

فأنا تصفحت الكروب يومين، لقيت نسبة كبيرة منهم بتركيا. وكتار عم يسألوا عن شغلات بتركيا.

قلت يا بنت انشري إعلان كورس تركي، هيك هيك الكروب للتسويق، يعني مو مخالفة للقوانين.

نشرت بوست وانحذف، استغربت، أنو أي كتير كروبات بتحذف وما بناقش لأن بيكون أحياناً مخالف لقوانين الكروب حقهن.

بس هاد تحديداً كونه الكل عم يسّوق، استغربت شو الغلط!

ولما سألت، لقيت هالجواب..! ??

مضحك عنجد، هو بس سؤال أنتِ كل عمرك تتعلمي إنكليزي ويمكن لهلأ بتعملي كورسات لتحسني مستواكِ وتنقبلي بشي شغل، يعني نحنا صحبة مع بايدن ولا ترامب، الروح بالروح.

هل كل مغترب هو عدو لإلك؟
أنا عم علّم العدو، ولا عم علّم يلي من طرفنا ومضطر يقعد ببلده؟

بمصر عندهن أدب تركي وعبري، هل مصر عدوتك؟

ليه نروح لبعيد، بسورية كل فرع جامعي في لغة ألماني ولا إنكليزي ولا فرنسي، لا وبالأدب العربي في مادة عبري إجبارية.

الخلاصة، (مَن تعلمَ لغةَ قومٍ أمِنَ مكرَهم). ❤️

.
.
.
.
.

قناة اقتباسات باللغة التركية. ??❤️

https://t.me/ShTurky

.
.
.
.

مبدأياً بعد هاد البوست أغلب يلي سجلوا هنن من الطلاب القديمين يلي حابين يكفوا بمستوى تاني.

لهيك رح افتح A2 (مجموعة)، تكلفته 75$، يلي حابب يسجل يتواصل معي.

.
.
.
.
.