NSP mentorlik kursi

Oxirgi natijalardan keyin kursingizda qatnashmoqchiman deganlar soni yanayam ortdi. Kursni reklama qilisham shart emas, yutganlar o’zi tavsiya qilishadi:)

Ko’pchilik qachon ochiladi, qachon boshlanadi, deb savol bermoqda. Kursga qabulni ochaman, kim qatnashgisi kelsa, joy egallab qo’yishi mumkin.

Kurs avgustda boshlanadi. Individual va guruh bilan qatnashish imkoniyatlari mavjud.

Qatnashmoqchi bo’lganlar @Ozodakhon_work ga yozishingiz mumkin.

Individual ishlamoqchi bo’lganlar bilan hozirdan ish boshlay olamiz. Avgustda to’yingiz ekan, bu kursga ta’sir qilmaydimi, deyishibdi. Yo’q, kursni oilaviy ishga ta’sir qiladigan joyi bo’lmaydi.

Kursga qabul 1-avgustgacha davom etadi.

Quvonchli xabarlar to’plami

Yaqin bir hafta quvonchli xabarlarga to’la bo’ldi, Xudoga shukr.

1. GKS bo’yicha Kamola Hamidova bilan birgalikda tashkil qilingan kursimizda ishtirokchilarga natijalar kela boshladi. Hozircha 1 nafar ishtirokchimiz GKS grantini mutlaq g’olibi bo’ldi.

2. Magistrlik disstertatsiyamni yoqladim. Juda katta maqtanishli ish emas. Lekin shu bosqichgacha yetib kelolganimdan xursandman. 93 ball bilan baholashdi ishimizni.

3. NSP natijalari e’lon qilindi. Natijalar har mavsumda chiqqan kun telegramim portlab ketadi. Ko’pchilikni quvonchiga sababchi qilayotganiga shukr. Yutganlar ko’p, sanab chiqa olmadim:)

Shu o’rinda eng ko’p berilgan savolga oydinlik kiritaman. Keyingi mavsum uchun NSP mentorlik kursimiz avgust oyida e’lon qilinadi. Ungacha sabr qilib turasizlar.

Yaxshi yangiliklar ko’p bo’lsin. Izohda odamlarning quvonchlaridan bir shingil ulashaman.

Yevropada sizga yoqmaydigan culture-shock
Burun qoqish ko’p davlatlarda, Yevropada birinchi guvoh bo’lgan narsamiz, normal holat ekanligi bo’lgan. Ya’ni siz darsdamisiz, restorandami yoki avtobusda — istalgan jamoat joyida burun qoqayotgan (qattiq qoqish?) odamlarga guvoh bo’lasiz.

Exchange davrimiz qish atrofi bo’lgani uchun burun qoquvchilar darsni eshitishga bermas ham edi. Tasavvur qilyapsizmi, naqadar jirkanch?:)

Fiziologik jihatdan esa oqayotgan burundan joyida qutilish kerak ekan. Baribir qanchalik meditsina buni qo’llab-quvvatlasa ham, omma oldida burun qoqishni oqlamasdim. Marhamat, jamoani tark etib, qoqib keling burningizni)

Yevropaga borganlar, sizga nima ko’proq yoqmagan?

*❗️Vakansiya yopildi
Men bilan ko'pchilik bog'landi, orasida bilimli, tajribalilari ham bor, afsuski, eng munosib nomzodni tanlab oldim. Yaxshi ishlar chiqsa, kanalda yozib ketaman.*
7 yoshli koreys qizchaga ingliz tilidan (to’liq ingliz tilida) dars o’tishga o’qituvchi kerak.

Talablari:
— Ingliz tilini kamida C1 darajada bilishi;
— Dars o’tish bo’yicha 2 yillik tajriba;
— Chet el tajribasi ustunlik beradi.
— Zamonaviy dars o’tish metodlari va individual dars o’tish tajribasi yuqori bo’lishi kerak.

Dars vaqti va oylik maosh kelishiladi.

Sonyaning onasiga Toshkentdagi juda ko’p o’qituvchilar va o’quv markazlari yoqmagan, koreys qizchaning darajasi B1-B2 orasida.

Toshkent city dagi uyiga borib dars o’tish kerak. Qiziquvchi va rostan ishlashga o’zini munosib deb biluvchilar CV va o’zingiz, o’qitish tajribangiz haqida 2 daqiqalik video tayyorlab @Ozodaxonga_bot orqali aloqaga chiqinglar.

Dedlayn bugun ASAP?

Bugundan Yevropa bilan oramizdagi vaqt farqi 3 soatga (endi 4 soat emas) o’zgardi. Bilasizlar, Yevropada Daylight saving time degan narsa bor. Tunlar uzunroq bo’lgan vaqtda 1 soatga vaqt o’zgaradi.

Ha, butun Yevropada shunday, avomatik o’zgaradi. Qo’l soatlar, devorga osilgan mexanik soatlar odamlar tomonidan burab qo’yiladi. Bu voqeaga Yevropada vaqtim o’z ko’zim bilan guvoh bo’lganim haqida aytgandim.

NSP ga topshirayotganlar, endi email yuborib minimum 4 soat emas, 3 soat kutaverasizlar:)

MUHIM: Ariza topshirish so’nngi muddati ham O’zbekiston vaqti bilan 2024-yil 30-aprel soat 19:00 gacha. Yana dedlaynni o’tkazib yubormang:)

NSP dasturiga topshirayotganlar, izohdagi xabarni o’qishni tavsiya qilaman

O’zbek ayollari esini taniganidan buyon turmushga chiqishga, oqila ayol, mehribon ona bo’lishga tayyorlanadi. Erkaklar yaxshi bilmasliklari mumkin, lekin ayol-qizlarga hatto umuman begona odam ham bir ish qilayotganida “bunday qilsang, qaynonang, ketingga tepadi”, “bunday qilsang, ering uydan haydaydi” kabi hazilomus haqiqatlarni doimiy aytib kelishadi.

Bundan tashqari, turli o’quv markazlariga pishiriq pishirish, “super kelinchak” bo’lishga tayyorlov kurslariga qatnaydi. G’irt begona oilani o’z oilasidek qabul qilish, og’zidan chiqayotgan har bir so’zni o’ylab gapirish, kattalar ko’ziga tik qaramaslikka o’rgatiladi o’zbek qizlari.

Turmushga chiqqandan so’ng ham turmush o’rtog’iga yoqish, xiyonatga uchramaslik yo’llari kabi turli kurslarga yoziladi, kattalardan doimiy maslahatlar oladi, bu uchun turli kitoblar o’qiydi. Hammasi esa kimnidir baxtli qilish uchun. Ona bo’lishga tayyorlov, farzand tarbiyasi haqida gapirmoqchi emasman.

Yuqoridagi aytganlarim erkaklar va ayollar baravar qilayotgan bakalavr, magistratura, doktorantura, qolaversa, doimiy pul topishdan tashqari qo’shimcha ishlar.

Hammasidan ortiqchasi esa aksariyat hollarda ayollar faqat bayramdagina qadrlanadi — tug’ilgan kuni va 8-martda.

Butun umrini kim uchundir baxshida qilayotgan ayol har kuni yaxshi muomalaga loyiq, hurmatli erkaklar, har kuni qadrlang, har kuni sevishingizni ayting. Ayamang shirin so’zlaringizni, xafa bo’lsa, ovuting.

Nega ayollar yoshligidan bir umr turmushga tayyorlanadi-da, erkaklarga shu narsani hech kim o’rgatmaydi? Nega ayollarga yaxshi gapirish (normaldan ko’ra yaxshiroq) erkaklarning oriyatiyatiga to’g’ri kelmasligi kerak? Nega ayol faqat bayramlarda eslanadi-da, qolgan payt qo’liga ketmon tutqaziladi?

Aziz ayollar, sizlarga faqat bayramdagina beriladigan emas, bir umrlik e’tibor tilayman, har kuni qadrlaning, har kuni seviling, siz bunga loyiqsiz, har bir o’zbek ayoli bunga loyiq♥️

Janubiy Koreyada o’qish uchun imkoniyatlar

Koreyada o’qish uchun ham bir qancha imkoniyatlar mavjud. O’zbeklarning katta qismi universitet tomonidan baho va til sertifikatiga ko’ra beriladigan dasturlar nu ketishadi. Odatda ular 1-yil uchungina amal qilib, natijalar yaxshi bo’lsa, qolgan semestrlar uchun davom ettirish mumkin bo’ladi.

Koreyada o’qish uchun eng yaxshi dastur GKS bo’lib, barcha bosqich talabalariga qatnashishi mumkin. Asosiysi, borish-kelish, kontrakt to’lovi, yashash, viza va sug’urta xarajatlaringiz to’liq qoplanadi.

?GKS dasturi haqida batafsil

GKS yutgan o’zbeklar ichida koreys tilini bilmasdan, IELTS 6.0 va baholar 80%+ holatdagilar mavjud. Ya’ni dasturni yutish imkonsiz emas. Baholaringiz 80% dan kam bo’lsa, universitetda TOP 20 ta talaba qatoriga kirganingiz haqida ma’lumotnoma kerak. Bu yildan boshlab bakalavr bitiruvchi kurs talabalari ham magistratura uchun topshirishlari mumkin.

O’zbeklarga bu bo’yicha yordam bo’lsin deb Kamola Hamidova bilan suhbat o’tkazdik, xabaringiz bor. Qolaversa, mentorlik kursini ham tashkil qilyapmiz.

Kursga esa ertaga (28-fevral) oxirgi qabul kuni. Kurs haqida ma’lumot uchun esa @Ozodakhon_Work akkountiga yozishingiz mumkin. Darslar 1-martdan boshlanadi.

2-mashhur imkoniyat esa KAIST dasturi. Bunda ham KAIST oliygohida barcha bosqich talabalari to’liq grant asosida tahsil olishadi.

?KAIST yutgan o’zbek talabasi bilan suhbat

?KAIST dasturi haqida ma’lumot

KAIST da o’z sohasi bo’yicha kuchli bilimga ega bo’lganlar o’qiydi. Baholar, xalqaro olimpiadalar ahamiyatga olinadi.

Postni Koreyada o’qimoqchi bo’lgan do’stingizga yuborib qo’ying va izohlarda chet elda o’qish bo’yicha savollaringizni qoldirishingiz mumkin?

Italiyada to'liq grant asosida o'qish yoxud oylik 900 yevro stipendiya
Italiya hozirgi kunda xalqaro talabalar uchun keng imkoniyat yaratayotgan ilg'or davlatlardan biri. Shu boisdan ham o'zbek talabalar soni Italiyada ortib bormoqda. Qolaversa, yashash xarajatlari ham qimmat emas. Yevropa Ittifoqiga kirgani sabab butun shengen zonalarda sayohat qilishingiz mumkin. Asosiysi, talabalar uchun part-time ishlar yetarli.

Italian Government Scholarship dasturi orqali ushbu ro'yxatdagi davlat fuqarolari Italiyada mutlaqo tekinga o'qish imkoniyatiga ega bo'lishini bilarmidingiz?

Imkoniyatlari:
— Dastur davomida to'liq kontraktdan ozod etiladi.
— Oyiga 900 yevro stipendiya bilan ta'minlanadi.
— Sug'urta xarajatlari ham qoplanadi.

Quvonarlisi, dastur uchun italyancha o'rganish yoki darajaga ega bo'lish shart emas. Universitetlarda ko'plab o'quv dasturlari Ingliz tilida ham olib boriladi.

Qanday talablar bor deysizmi?Talablari ham osmon emas, asosiysi biror Italiyadagi universitetga qabul qilingan bo'lishingiz kerak. Ingliz tilidan B2 daraja, baholar 70 foizdan yuqori bo'lsa yetarli.

Nega unda hamma o'zbek talabalar Italiyaga "ko'chib" ketmagan?Chunki ular dangasa:) Bundan tashqari, universitetlarga ariza topshirishda 20-40 yevro application fee to'lanadi. Shu sababdan balki ko'p o'zbek topshirmas.

Dasturga hozircha qabul ochilgani yo'q, lekin BU YERDAN ma'lumot o'qib, izlanib tursangiz bo'ladi. Qolaversa, vaqtni bekor ketkazmay, Italiya universitetlariga hujjat topshirib qabul xati olib turishingiz ham mumkin.

Qo'shimchasiga, universitetlarning o'zini ham har xil grantlari mavjud bo'lib, ular haqida har bir universitetning rasmiy saytida tanishasiz.

Xo'sh, haliyam Yevropada o'qish ushalmas orzudek tuyulyaptimi?

@Ozodaxon_blogi

Xalqaro almashinuv dasturlariga qabul qilinish uchun qanday tayyorgarlik ko'rish kerak?
Botda eng ko'p so'ralayotgan savollar hozircha shu ekan, post qilib qo'ya qoldim.
Nafaqat almashinuv dasturlari, balki istalgan grant dasturida qatnashish imkoniyatini qo'lga kiritish uchun quyidagilarga amal qilish foyda beradi:

1. Til bilish darajangizni yaxshilang. Grantlarga ingliz tilidan kamida B2 (IELTS 6.0) darajaga ega bo'lishingiz kerak. tajribamizda IELTS 8.0 darajaga ega bo'lgan nozmodlarning ham ayrim dasturlarga qabul qilinmaganligini hisobga olgan holda aytmoqchimizki, til bilish darajasi yuqori ekanligi ustunlik bermaydi. Lekin "Til bilish darajam A2, dasturda grant yutishimga yordam bering", deganlarga avvalo til darajangizni yaxshilang deya olamiz.

2. Sohangizga doir bilim egallang. Avvalo, yo'nalishingizni, kelajakdagi rejalaringizni aniqlab olib, shu doirada ilmiy, amaliy ishlar, loyihalar qilishni tavsiya qilamiz. Hech bo'lmaganda sohangizga doir xalqaro kurslarda o'qib chiqing, ilmiy kitoblar, maqolalar bilan tanishing. Bir so'z bilan aytganda, sohangizga doir bilimlar ustasi bo'lishga harakat qiling.
3. Amaliyot qiling. Sohangizga doir qilishingiz mumkin bo'lgan eng oddiy (bepul), lekin eng muhim ishlardan biri amaliyot qilishdir. Amaliyot davomida yana nimalar o'rganishingiz, sizga qanday bilimlar kerak bo'lishini tushunishga harakat qiling. DAAD ERP bo'yicha g'olib bo'lgan hamyurtimiz Ismoiljon Karimov ham amaliyot qilish grant yutishda muhim ekanligini ta'kidlagan edi.

4. Digital mahoratingini oshiring. Emaillar bilan ishlash, Microsoft dasturlari, Photoshop, ZOOM, ChatGPT, Google dasturlari (Google Meet, Google Docs, Google sheets va b.) kabi dasturlarni o'rganib chiqing. Chunki chet el universitetlarida digital skillsni bilmaslik, ularga ham, sizga ham qiyinchilik tug'diradi. Vazifalarni onlayn taqdim etasiz. 5. Qo'shimcha til o'rganing. Bormoqchi bo'lgan davlatingiz tilini o'rganish sizga nafaqat grant yutishda balki keyinchalik o'sha yerda yashashda ham ko'proq yordam berishi mumkin.

Qolaversa, asosiysi, topshirayotgan grant dasturi sizning kelajakdagi rejalaringizga yordam berishiga ishonch hosil qiling hamda dastur talablari bilan batafsil tanishib chiqing.

Avvalroq grant yutishga doir umumiy post yozgan edim, qiziq bo'lsa BU YERDAN o'qishingiz mumkin.

@Ozodaxon_blogi