للناس إللي يسألون وين الفويسات هذا اول فويس ( ملاحظة صوتية او تسجيل صوتي)
اسمعوها زين زين ??

باذن الله انكم تكونون سمعتوا الفويسات حقت سارة الله يسعدها ؛ لعل تكون رساله لكم جميعا او لاحدكم ؛ الفويسات كلها مفيدة جدا
و فيه موضوعين بتكلم فيه معاكم
اول موضوع هو ١-الرسايل الربانية
وثاني موضوع هو ٢- موانع إجابة الدعاء
باذن الله برسله لكم يا اليوم بالليل
او بكرة الجمعه او بعد بكرة السبت
ان جاء يوم الاحد و ما رسلته لكم
بالله ذكروني لان صدق من كثر الضغط والشغل أنسى كثير بشكل مو طبيعي
طبعا ذكروني وكلموني في صفحتي في الانستغرام عبر الرسائل الخاصة
وهذا الرابط ;

https://www.instagram.com/beaii.16/

#بسمه

اذكركم بصيام الخميس غدًا
( استغفروا حتى تكونون من المستغفرين بالاسحار)

كتبت كلام لبنات قروبي ( الزواج من انسان معين )
و برسله لكم هنا بعد علشان تستفيدون من كلامي اللي قلته بالقروب لهم ؛ كلامي لهم ولكم ⬇️
اول شي ابيكم ما تيأسوا من رحمة الله ؛ و لا تفكرون في اي فكرة سلبيه و تعيشون معاها و تخلونها تتمكن منكم ؛ راقبوا كلماتكم افكاركم
ان كنتي من الناس اللي تقول دعوتي مستحيله و تحتاج ألى معجزة علشان تصير على ارض الواقع والكلام ذا ؛ ستووووووب وقفي ❌
جيبوا ورقه وقلم و اسالوا انفسكم ( انا وش يخليني اخاف وانا اطلب من الله وادعي رب العالمين اللي اوجدني من العدم )
لا تجاوبون على طول خذوا وقتكم لحد ما تعرفون الشي اللي مخزن بعقولكم و اللي مخليكم تعيشون بدوامه الحزن واليأس و الاحباط ؛ و بنات نصيحه من اخت لكم لاني اعتبر كل بنت هنا بالقروب اخت لي
ابعدوا عن الناس السلبية و اللي بس تتشكى ؛ ابعدوا عن التعليقات السلبية و لا تخلونها تأثر عليكم ؛ ابعدوا عن كل شي يزعزع الايمان الداخلي اللي بقلوبكم ؛ بنات تدبروا و تفكروا دايما بقدرة الله ؛ خلقك وسواك وعدلك هل عاجز عن انه يجمعك بواحد تحبينه حب طاهر ونقي ؟ و تتمني انه يكون لك زوج بشرع الله وحلاله ؟
و لا تربطون أقداركم باقدار غيركم لا تقولون فلانه صار لها سنين تدعي و ما تزوجت او فلانه تركت دعوتها او او الخ ؛ انتم ما تعرفون مدى قوة اليقين الداخلي اللي جوات هالانسانه حتى لو عندها اكاونت ديني ما نقدر نحكم على احد احنا ما نعرف وش الظروف اللي يمر فيه الشخص ؛ وممكن ربنا ياخر الاجابه لها لان عوضها بيكون مبهر و مدهش ( احنا ما نقدر نحدد ليش ما تحقق لها طلبها )
و كمان بنات لا تشوفون موضوع الزواج وكأنه معجزه ( كل الناس تتزوج صح ؟) اكيد
زواج تقليدي او زواج حب
و نصيبكم راح يجي بالوقت الخير و المناسب كل اللي عليكم تحسنون ظنكم بالله ؛ و حبوا انفسكم و ارفعوا الاستحقاق عندكم اسالوا انفسكم وش الشي اللي يرضيني و يسعدني مثلا وحده تقول الرسم و هكذا
و لا تقعدون طول الوقت تفكرون بدعوتكم علشان ما يصير عندكم تعلق لان التعلق يعيق الاجابه على فكره و يصير حرمان لا سمح الله ؛ عيشوا يومكم و استشعروا كل النعم اللي انعمها الله عليكم السمع والبصر نعمه و غيرهم من النعم يارب لك الحمد وترا ربنا يحب الحامدين والشاكرين و يزيد اللي يحمده و يشكره من النعم فخلوا لسانكم دايما يحمد الله و يشكره
ومهما حصل و صار معاكم لا توقفون ابدا و لا تسمحون لاحد يقولكم شر وانصرفت حتى لو نفسكم ما تدرون ممكن هذا الاختبار الاخير و تخربين على نفسك بالاستعجال و سوء الظن
الدعوات مجابه و مصيرها تتحقق
وراح تجي باذن الله لكن اصبروا و ادعوا و لا تيأسوا ابدا ?

#بسمه

‏اي احد يبي ينشر كلامي يسوي تحويل له مع وجود رابط قناتي ??
https://t.me/besooaai

ابتسموا دايما و كونوا بانتظار الفرج ؛ للحزن يوم و للفرح ايام ؛ وتراها قريبة منكم باذن الله ?
#بسمه

لا يشغلكم الشيطان عن #ساعه_الاستجابة
و يخليكم تشوفون اخبار او اي شي
ادعوا و الحوا على الله في الدعاء
لعل اقداركم تتغير في هذا اليوم ؛ و ما تعرفون ممكن ما يجي رمضان الا وانتم متحققه دعواتكم كلها هل نعلم بشي ذا ؟
فاكثروا من الصلاة على النبي وأدعو لنفسكم ولكل شخص تعرفونه وكل شخص ما تعرفونه
على سبيل المثال ( اللهم فرج همي و هم المسلمين)
او ( اللهم استر علي و على بنات المسلمين)
او ( ربي اغفر لي و للمسلمين اجمعين)
هذي دعوات عامة
؛
مثلا وحده من البنات اللي تعرفينهم عندها اختبار الاحد ربي وفق فلانه و الهمها الصواب والدرجات العاليه
او مثلا ربي اسعد بسمه و فرح قلبها و ارزقها الوظيفة اللي تكون امنه و مريحه و خير لها ?
يعني اتمنى ما تنسوني من الدعوات الطيبة و يارب لكم بالمثل باذن الله

تعرفون ان كل دعوة تدعونها لغيركم بالحرف الواحد لكم بمثلها ؟
( طبعا بالخير مو بالشر )

وانتبهوا تدعون على احد بدون اي وجه حق يعني يكون الشخص ما ظلمك ولا اذاك و لا يعرفك و لا سوا شي يضرك في اي شكل من الاشكال
لان هنا الدعوة بترجع لك ( غير مستحقه له ) والله عادل جدا
وادري فيه ناس بيقولون بسمه احيانا أبواب السماء تكون مفتوحه
اعرف لكن من اسماء الله الحسنى ( العدل ) و الدعوة بدون وجه حق مستحيل ربي يظلم عبده واللي يجي للشخص ماله اي علاقه دعوة الشخص ذا وطبعا فيه ناس بيقولون بسمه طيب والمظلوم ما يدعي ؟ الا يدعي على ظالمه و كلنا نعرف ان دعوة المظلوم ليس بينها و بين الله حجاب ؛ لكن انا نقاشي عن اللي يدعون على خلق الله بدون ما يأذيه هالشخص فهمتوا !?
قلت اعلمكم بالنقطة ذي لان اشوف ناس كثير للاسف تدعي على غيرها بدون اي سبب او وجه حق الله يصلحهم و يهديهم وينور على بصيرتهم ولا يبلانا يارب

المهم استغلوا هاللحظات اتركوا جوالاتكم و ادعوا لنفسكم و لمن تحبون
وفقكم الله لما يحبه ويرضاه ?
بخلي هالكلام الى المغرب و بحذفه
اللي تقراه تراك المقصوده برساله علشان تدعين وتتركين جوالك و تكثرين من الصلاة على النبي ?

لعل الفويس رساله لك ?

اهلين برسلكم موضوع ان شاء الله يفيدكم جدا ؛
و ادخلوا قناتي ذي لاني فاتحه المناقشات و سالتهم سؤال جدا جميل
رابط القناه ؛

https://t.me/+qQaHBIKKBCw5OTc0

الصلاة الابراهيمية هي ؛
اللهمَّ صلِّ على محمَّد وعلى آل محمَّد ، كما صليتَ على إبراهيم و على آل إبراهيم، إنَّك حميدٌ مجيد. اللهمَّ بارِك على محمَّد وعلى آل محمَد، كما باركتَ على إبراهيم وعلى آل إبراهيم، إنَّك حميدٌ مجيد.