Юрак зарблари (пульс) меъёрида қанча бўлиши кераклигини биласизми?
• Янги туғилган чақалоқ  110-170 та
• 1 ёшгача бўлган болалар учун  102-162 та
• 1-2 ёш — 94-155 та
• 4-6 ёш —86-126 та
• 6-8 ёш —78-118 та
• 8-10 ёш — 68-108 та
• 10-12 ёш — 60-100 та
• 12-15 ёш — 55-95 та
• 50 ёшгача бўлган катталар — 60-80 та
• 50-60 ёш — 65-85 та
• 60-80 ёш — 70-90 та

@XVQQM

Аспириннинг яна бир мўъжизавий таъсири

Оёқларда қадоқлар пайдо бўлганда- Аспирин сизга ёрдам беради.

Бунинг учун: 7 дона Аспирин таблеткасини майдалаб ярим чой қошиқ лимон суви билан аралаштиринг. Тайёр аралашмани зарарланган жойга қўйиб целлофан пакет билан оёқни ўраб қўйинг. 10 дақиқадан кейин илиқ сув билан ювинг. Лекин қаттиқ ишқалаш тавсия этилмайди. Бир неча марта қўлласангиз қадоқлардан халос бўласиз

@XVQQM

Инсон ёшига қараб қон босими нормаси
@XVQQM

БЕҒАРАЗ ДОНОРЛИКНИ РИВОЖЛАНТИРИШГА
ЭЪТИБОР ҚАРАТИЛМОҚДА
        Бугунги кунда мамлакатимизда беғараз донорлик ва уни ривожлантиришга катта эътибор қаратилмоқда. Жумладан, ўтган йиллар давомида қон хизмати муассасалари фаолиятини янада такомиллаштириш, қон ва унинг таркибий қисмлари хавфсизлигини таъминлаш, шунингдек, кенг жамоатчилик орасида беғараз донорликни оммалаштириш борасида қатор дастурлар ишлаб чиқилиб, ҳаётга татбиқ этилмоқда. Бинобарин, меҳнат жамоалари, олий ўқув юртларида қон ва қон маҳсулотларининг қандай хасталикларда қўлланилиши, донорликнинг организм учун фойдали жиҳатлари, ўз навбатида донорнинг саломатлиги билан боғлиқ маълумотлар билан таништирилмоқда.
        Биламизки, қон ўз хоҳиш-иродаси билан келган донордангина олинади. Бундай саховатпеша кишилар ўзининг саломатлиги ҳамда турмуш тарзи ҳақида аниқ маълумот бера олади. Бу эса қоннинг хавфсизлигини таъминлашда ғоятда муҳимдир. Негаки, донор бўлишга аҳд қилган инсон маъсулиятни ўз бўйнига олади. Кечагина у фақат ўз соғлиғи учун жавоб берган бўлса, бугун у бошқаларнинг саломатлиги учун ҳам масъулдир. Донорлар асосан, 18 дан 60 ёшгача бўлган соғлом инсонлар бўлиб, улар махсус тиббий текширувдан ўтказилиб, шифокор тавсиясига биноан донорлик қилиши мумкин. Соғлом киши учун қон топшириш, албатта, хавфсиз ҳисобланади. Чунки одам организмида 4,5, 5 литр қон бўлиб, ундан 200 ёки 400 мл олинади ва организм 36 соат ичида топширилган қон миқдорини тиклаб олиш хусусиятига эга. Асосийси, артериал гипертония хасталигининг олдини олиш ва бартараф этиш, моддалар алмашинувини яхшилаш, шунингдек, иммун тизимини мустаҳкамлашда қон топширишнинг аҳамияти беқиёсдир.
        Аҳамиятлиси, айни кунларда бир қатор тегишли вазифалар ижросини таъминлаш мақсадида бу йўналишда кўплаб хайрли ишлар амалга оширилмоқда. Донорлар билан ишловчи тиббий муассасалар фаолиятини янада такомиллаштириш, қон ва унинг таркибий қисмлари хавфсизлигини таъминлаш, шунингдек, кенг жамоатчилик орасида беғараз донорликни ривожлантиришга қаратилган қатор дастурлар ишлаб чиқилиб, ҳаётга татбиқ этилаётганлиги бунинг ёрқин тасдиғидир. Хусусан, Ўзбекистон Республикаси Президентининг “Республикада қон билан ишлаш хизмати муассасалари фаолиятини янада такомиллаштириш ва аҳоли орасида беғараз донорлик ҳаракатини ривожлантириш чоралари тўғрисида”ги ПҚ-348-сонли қарори асосида кенг жамоатчилик орасида тиббий тарғибот тадбирларини кучайтиришга алоҳида аҳамият қаратилиб, маҳаллалар, олий ўқув юртлари, корхона ва ташкилотларда беғараз донорликнинг мазмун-моҳияти ҳақидаги тушунтириш ишлари олиб борилмоқда.

Ирода МУСАЕВА
Хоразм вилоят қон қуйиш маркази бош шифокори.

@XVQQM