له‌ بواری ته‌ندروستیدا باس له‌وه‌ ده‌كرێ، ئه‌گه‌ر هه‌یه‌ زۆرجار پاڵه‌په‌ستۆی خوێن مرۆڤ تووشی مردن بكاته‌وه‌، به‌و مردنه‌یش ده‌گوترێ "مردنی بێده‌نگ". رۆژنامه‌یه‌كیش باس له‌وه‌ ده‌كات كه‌ خواردنی چوار جۆری چه‌ره‌زات، له‌ مردنی بێده‌نگ دوورتان ده‌خاته‌وه‌.

پێگه‌ی "شه‌فه‌ق نیوز" ئه‌مڕۆ دووشه‌م 15ی ته‌مووز، له‌ رۆژنامه‌ی "تایمز ئۆف ئیندیا"ی وه‌رگرتووه‌ و بڵاوی كردووه‌ته‌وه‌، بۆ ئه‌وه‌ی له‌ مردنی بێده‌نگ دوور بێت، باشتره‌ به‌رده‌وام چه‌ره‌زاته‌كانی باده‌م و گوێز و فستق و كاجۆ بخۆیت، چونكه‌ ئه‌و چه‌ره‌زاتانه‌ وا ده‌كه‌ن پاڵه‌په‌ستۆی خوێنت به‌رز نه‌بێته‌وه‌. بۆیه‌ ئاماژه‌ به‌ گرنگی ئه‌و چه‌ره‌زاتانه‌ ده‌كرێت.

باده‌م ته‌نیا چه‌ره‌زێك نییه‌ تامی خۆش بێت، به‌ڵكو ده‌وڵه‌مه‌نده‌ به‌ مه‌گنسیۆم كه‌ وا ده‌كات ده‌ماره‌كان به‌ ئاسانی ئه‌ركی خۆیان جێبه‌جێ بكه‌ن، ئه‌وه‌یش هۆكاره‌ كه‌ پاڵه‌په‌ستۆی خوێن به‌رز نه‌بێته‌وه‌ به‌تایبه‌تی بۆ ئه‌وانه‌ی رێژه‌ی كۆلیسترۆڵیان به‌رزه‌.

گوێزیش به‌هه‌مانشێوه‌ رێژه‌یه‌كی به‌رزی ترشه‌ڵۆكی "ئۆمیگا 3" له‌ خۆ ده‌گرێ كه‌ بۆ ته‌ندروستیی دڵ زۆرباشه‌، دواتریش پاڵه‌په‌ستۆی خوێن نزم ده‌كاته‌وه‌ و وا ده‌كات ئه‌ركی دڵ و ده‌ماره‌كان به‌باشی به‌ڕێوه‌ بچن.

چه‌ره‌زێكی تریش فستقه‌ كه‌ هۆكاره‌ پاڵه‌په‌ستۆی خوێن به‌رز نه‌بێته‌وه‌، چونكه‌ ده‌وڵه‌مه‌نده‌ به‌ پۆتاسیۆم و چه‌ورییه‌ به‌سووده‌كان، هه‌موو ئه‌وانه‌ واده‌كه‌ن رێژه‌ی كۆلیسترۆڵی خراپ كه‌م ببێته‌وه‌ و هۆكارێكی تریشه‌ بۆ نه‌هێشتنی هه‌وكردن.

دواتریش باس له‌ چه‌ره‌زی كاجۆ كراوه‌ كه‌ ئه‌ویش ده‌وڵه‌مه‌نده‌ به‌ مه‌گنسیۆم و چه‌ورییه‌ به‌سووده‌كان، هاوكات سه‌رچاوه‌یه‌كیشه‌ بۆ ریشاڵه‌كان و بۆ ته‌ندروستیی دڵ زۆرباشه‌، به‌گشتی خواردنی كاجۆ هۆكارێكه‌ بۆ نزمكردنه‌وه‌ی پاڵه‌په‌ستۆی خوێن.

توشبوانی شەکرەو چەوری و کێشەکانی مەعیدە لەجیاتی هەموو شێتێک ڕوبکە نە خواردنی سرکەی هەنار

تێبینی سرکەی هەنار دەڵێم نەک ڕووبە هەنار