لا تنسون تتابعون صفحة الانستا 🫶🏻
https://www.instagram.com/reel/DFTfI3SuWYm/?igsh=dDF5bWJydHR4Mmgz

أهلا اصدقائنا🫶🏼 بمناسبة أعلاننا عن الدفتر، راح نفتح التقديم لتجمع نديم مرة ثانية🥳 احنا فتحنا التقديم للتجمع اكثر من مرة, بس هاي المرة راح تكون الأخيرة لذلك ننصحكم تقدمون وتستغلون الفرصة التجمع راح يكون مساحة امنة للأشخاص الي يردون يلتزمون بعادة صحية وبالخصوص…

أهلا اصدقائنا🫶🏼 بمناسبة أعلاننا عن الدفتر، راح نفتح التقديم لتجمع نديم مرة ثانية🥳 احنا فتحنا التقديم للتجمع اكثر من مرة, بس هاي المرة راح تكون الأخيرة لذلك ننصحكم تقدمون وتستغلون الفرصة التجمع راح يكون مساحة امنة للأشخاص الي يردون يلتزمون بعادة صحية وبالخصوص…

مرحبًا يا رِفاق نديم ? تكملة فوائد البودكاست، الجُزء الثاني ? التعلم، تحب تتعلم ؟ البودكاست عالم معرفة كامل مُتكامل كمية التنوع إلي بيه تشهد له بكمية المعلومات، بأغلب الأحيان دا يجيبون أشخاص خُبراء بمجالهم يقدمون بودكاست عنه يعني ينطون الُخلاصة من كل…

مرحبًا يا رِفاق نَديم ? مَعاكم تبارك، اليوم راح أخذكم برحلة صّغيرة حتىٰ نتعرف علىٰ البودكاست ? أني صارلي ما يُقارب الثلاث أشهر ملتزمة بعادة البودكاست، و أشارككم تجربتي ? شنو هوَّ البودكاست أصلًا ؟ محتوىٰ صوتي، يتم تقديمه مِن قبل أشخاص مُختصين، عن مواضيع…

مرحبًا يا رِفاق نَديم ?
مَعاكم تبارك، اليوم راح أخذكم برحلة صّغيرة حتىٰ نتعرف علىٰ البودكاست ?

أني صارلي ما يُقارب الثلاث أشهر ملتزمة بعادة البودكاست، و أشارككم تجربتي ?

شنو هوَّ البودكاست أصلًا ؟

محتوىٰ صوتي، يتم تقديمه مِن قبل أشخاص مُختصين، عن مواضيع متنوعة " كل مواضيع العالم " البودكاست بالبداية كان عالم صّغيرون، بمحتوى محدود بس هّسة إنتشاره عبر القارات!
وصار مُتوفر للكُل، بالمنصات، باليوتيوب، بالتليكرام، بكل مكان ...

شنو الفائدة مِن سمّاع البودكاست ؟

عدّة فوائد منّها :
•إستثمار الوقت، يعني وقت فراغك، من تلعب لعبة بالموبايل وقت طويل، طريق الجامعة، الشُغل، وقت التنظيف
فهوَّ مُتاح إلك حتى يملي هذا الوقت بأفضل صورة مُمكنة، تخيل يوميًا تتعلم شيء جديد، فكرة أو موضوع ؟
حتصير عبقرينو ...

وبَس، إنتظروا جُزء ثاني ?.

ليش بدة نديم؟
نديم (باللغة العربية) معناه صديق, صديقكم الراح يعلمكم شلون تحلون مشاكلكم وتوصلون لأعلى أمكانياتكم، وأختارينا هذا الاسم لأننا فعلا نعتبركم أصدقائنا ونهتم لمصلحتكم.
وبدة نديم لأن كومة شباب وشابات عدهم أمكانيات حلوة، وشباب عدهم القدرة يتركون أثر وبصمة بهذا العالم، بس بنفس الوقت يعانون من ضياع ومشاكل تخص تضييع الوقت بعادات سيئة مهلكة
بحثنا عن حلول وطرق من أكثر من مجال، حولناها لدفاتر بسيطة ومخططات عملية تخليكم تعرفون نفسكم أكثر، وترجعون السيطرة على حياتكم
بأختصار، نديم راح يصير دفعة المساعدة الي تحتاجوها، والصديق الي تكدرون تلجئون اله بكل وقت❤️

أغمِض جُفونَك تُبصر
في اللّحد مهدَ الحياهْ

تخيل لا سامح الله صار بيك حادث وتوفيت
فجأة، سيل من الذكريات بدا يمر كدامك بسرعة، مثل الحلم ..

بديت تتذكر نفسك من جنت طفل ..
أمك، وهي تمشطلك شعرك ..
ابوك وهو راجع من الشغل ..
أخوانك من جانوا يلعبون وياك ويضوجوك وتتعاركون ..

اليوم الأول بالمدرسة.
اول مرة اخذت بيها 10 من 10 ..

أصدقاء المدرسة وصوت ضحكاتهم ..
نتيجة السادس وفرحتها ..

اول يوم بالكلية واصدقاء الكلية..

وخلال ثواني فقط، تمر عليك احداث حياتك بشكل متسارع

ورح تشوف كل شخص تحبه ..
ورح تمر عليك كل الاشياء الي تهمك، اهدافك وطموحاتك ..
ورح تشوف كل فرصة ضيعتها ..
وكل شخص ظلمته او ظلمك ..

بعدها تبدي تحس بشعور غريب ماحاسه قبل

يقوى هذا الشعور بشكل متسارع .. ووياه تضمحل الذكريات بشكل تدريجي..

وتبدي تحس بالخوف بس ماتكدر تسوي شي ..

وتفتح عيونك...

ورح تلكا نفسك هنا.
تباوع على ايدك،
تفتحها وتسدها .. ??
مليانة بالحياة.

فهل رح تقدر حياتك مادامها موجودة عندك؟
لو رح تضيعها ارضاءا للناس او خوفًا منهم؟
او تضيعها بسبب حدث صار وانتهى .. وبقيت عايش بيه؟
او تضيعها بسبب خوف وتردد وحذر؟

او الاسوء، تضيعها بالسوشيال ميديا وعالمها الوهمي
وتكضي عمرك، تضحك على نفسك؟

مادامك دتقرا هذي السطور،
فالقرار بيدك
وتكدر تختار:
هل رح تضيع حياتك بأمور فارغة؟
لو رح تعيشها to the fullest.
وما تتردد وما تخاف،
وتكضيها تشتغل على طموحك واهدافك
والامور الي الها معنى بالحياة!

(اغمض جفونك) وتخيل نفسك متت البارحة

وهسة عندك فرصة ثانية حتى تعيش،
شنو الرح تسويه بهاي الفرصة؟
وشنو الاشياء الي رح تغيرها؟