Канални ҳалиҳам кузатиб турганлар борми? 👀

Божхона божи 30% дан 15% га арзонлади. Бу нима дегани? Импорт автомобиллар энди икки баробарга арзонлайдими?

Ўзи ҳозирда импорт автомобиллар учун қуйидаги тўловлар мавжуд(10,000$ лик Chevrolet Spark мисолида):

▪️Машина қийматидан бож 30%=3,000$
▪️Машина мотор ҳажмидан 1.8$ дан=1000сс-1,800$
▪️ҚҚС 15%=1,500$
▪️Утилизация йиғими БҲМ*30 баробар=7,350,000 сўм=680$

ЖАМИ: Битта спаркга 6,980$ бож чиқар эди.

Энди янги ўзгаришга кўра машина қийматидан олинадиган 30% божнинг ўрнига 15% олинадиган бўлди холос. Яъни бошидаги 3,000$ ни ўрнига, 1,500$ тўланади. Қолганлари ўзгаришсиз қолмоқда. Шунда битта Sparkга ўхшаган машинага жами 5,480$ “растаможка” чиқади.

Менимча бу унчалик катта ўзгариш эмас. Камида шу туришига ҳар бир кубик сантиметр мотор ҳажмидан олинадиган 1.8$~3$ лик бож ҳам бекор бўлса, анча енгиллик бўлар эди. Балки расмий қарор чиқса унда шулар тўлиқ акс этар.

(с) #Ойбек Эркин

ҚОҒОЗИСТОН

Ҳамма маълумотлар, берилаётган ахборотлар, тайёрланаётган ҳужжатлар ёлғонга тўлиб кетган. Барчаси юзаки – кимгадир ёқиш, яхши кўриниш, очко олиш учун...

Бу қон-қонимизга сингиб кетган, оддий ҳолга айланган. Катта-катта амалдорлардан бошлаб, оддий ишчигача буни табиий қабул қиладиган бўлиб бўлган.

Кимни алдаяпмиз, ҳеч тушунмайман...

Охирги 5 йилдаги ахборотларни таҳлил қилсангиз, аллақачон машина ишлаб чиқарадиган заводлар ишга тушиши, шамол электр станциялари, қуёш электр станциялари йўлларимизни чароғон қилаётган бўлиши керак эди.

Ваҳоланки, кечаги ҳолат совет давридан бери электр энергия соҳасида ҳеч нимани амалга оширмаганимизни, ҳаммаси қоғозда бўлганлигини кўрсатиб берди.

Энди эса бу фақат энергия соҳасида эмас, балки барча тизимларда шундай ёндашув йўлга қўйилганини ҳар куни "қовун" тушираётган турли касб эгалари бирдек исботлаб турибди.

Ачинасан одам...

Назаримда, биз беқиёс уммонда, борар манзили тайини бўлмаган, кема капитани ҳам аниқ йўналишни билмайдиган катта кемадамиз.

Шунинг учун ўзимизни-ўзимиз алдаб, тўй-маъракани кучайтириб, "кун ўтса бўлди", деб хурсанд бўлиб юрибмиз. Қарши чиққанлар телбага чиқарилиб, уммонга улоқтирилиши мумкин ҳам.

Яна билмасам...
Аллоҳ билгувчи.

© Okiljon Najmiddinov

P.s. Қозоғистон эмас, номини қайта ўқинг:)

Электр энергияси узилиши бартараф этилиб, етказиб бериш тикланмоқда.

Хусусан Фарғонада энг муҳим объектлар, шошилинч тез тиббий ёрдам бўлимлари, шифохоналар, айрим административ биноларда электр етказиб бериш қайта тикланган.
Ҳудудий электр тармоқлари корхонаси вилоят бўлими хабар беришича, кун охиригача бутун вилоят бўйлаб электр етказиб бериш тикланади.

Мобил алоқа, мобил интернет стабил ишлашда давом этмоқда.

Соат 10:57 да Қозоғистон Республикси электр тармоғида катта авария бўлиши натижасида Олма-ота, Шимкент, Тарас, Туркистон (вилоятларида) ва атроф ҳудудларида электр энергия таъминотида ўчишлар юзага келди.

Бунинг натижасида Қирғизистон электр тармоғида, жумладан Бишкек, Ўш ва бошқа барча шаҳарларда электр энергияси ўчиши кузатилди.

Ягона электр тармоғига уланган Ўзбекистон электр тармоғи бу авариянинг салбий таъсири натижасида Қозоғистондан келувчи 530 линиядаги кучланиш ва частотани кескин ўзгариши оқибатида Тошкент ИЭСи, Сирдарё ИЭСи да авария ҳимоя воситалари ишлаб кетиб бу иккала станцияни ҳам автоматик равишда ўчишига олиб келган.

Натижада Фарғона ва Тошкент шаҳри ва вилояти, Фарғона водийси ҳудуди, Сирдарё, Жиззах, Самарқанд, Навоий, Қашқадарё вилоятлари тармоқларида электр энергияси ўчди.

Ҳозирги вақтда қўшни давлат тармоқларидан узган ҳолатда ҳар бир ИЭСларни алоҳида ишга тушириб, босқичма-босқич тармоқларни улаб, ишга тушириш чоралари кўрилмоқда.

Авария тавсилотлари бўйича қўшимча равишда ахборот берилади.

Энергетика вазирлиги Матбуот хизмати

*▶️@minenergy_uz ▶️***@prminenergy