خذني يمك كلشي
مِن دُونك مَلل
فرحة اصيرَلك
لو يمَر بيك الزَعل
خذنِي يمك
انا ألك دِيرة وأهل ..

لا تسكت إحچيلي الصدگ
آنه أختنك من تبچي
خاف انتَ هم مثلي صرت؟
تشتاگلي وما تحچي..

سألوّني ياهو الأعَز
روحك بوكت الحَرب
لو ماي وكت العطَش ؟
گلت الهم عيونك .

يا زلف يتغاوى ويا الليل
بأطراف الگصيبة
هَاك روحي المَا غفت
والطيف ما مره حبيبة ..

من گتلي الجوامع
مو مقر عشاگ
بنيت الصنم بايدي
وماردت معبد
افا وانا تركت ديني
ولا دينك يلملمني
اقلد وانا الاتقلد
عفتني بنار ما تسوى احترگ بيهة
واجيك بثوبي الاستبرد
طرف ثالث تخليني
وانا اول طرف بالسيف ما ينحد !

وخَـل موسمك ينتهي
وخل تگطع طيوفَك
مو ما اهتملك بعد لا والله ماشوفك .