⁣
قال تعالى (وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً)
زميلتي (صيدلانيه)  من مدينة #الخمس#
في عمر الزهور ذات الوجه البشوش الراضيه و الصابره بقضاء الله تعالى
تعاني من فتره ب #ورم#ف #الدماغ # و لها فتره تعالج على حساب أهلها الشخصي و لكن توقف العلاج بسبب عدم القدره الماليه ف الاستمرار ف العلاج
بارك الله فيكم
عسى #دينار#  منكم يساعد ف انقاد حياة انسان يتألم
او له القدره على توصيل #ملفها#   للعلاج   #بالخارج#
التواصل
ع الارقام الاتيه :-
0915217717
0944573532
#ملاحظه#
البنوته هلبا يعرفوا حالتها عن قرب و الاوراق و التحاليل و التشخيص موجود عند العائله الكريمه
اللهم طهورا و شفاءً ?
دعواتكم لها و لكل مريض بالشفاء يالله???

مسموح التبرع حتي بالرصيد .

#منقول

السلام عليكم ورحمة الله وبركاته.

اليوم مشيت لمسجل كلية الطب البشري وسألته علي موضوع الرفع والدور الاستثنائي في البداية قالي اني الطب معندهمش رفع وفيه دور استثنائي بس مش مع الصيدلة وبعد هدرزت معاه فهمت من كلامة ان الموضوع عند الجامعة مشيت لوكيلة الشؤن العلمية في الجامعة وفهمت منها .

قالت ان لما دارو اجتماع في 8/6 وتكلمو فيه على موضوعنا قالت لما تكلمت ع الدور الاسثنائي دكتور الصيدلة وافق وقالت الدكتور نوري مقالش ان عندي طلبة منديرلهم دور استثنائي وكليتنا مبعتش رسالة للجامعة زي ما بعتت كلية الصيدلة وقتلها اني به شن بخصوص الرفع لان طلبة الطب في الدور التاني مخشوش على 100 ف هكي ظلم قالتلي الرفع عادي انتم بس بخصوص الدور الاستثنائي معنديش بيه علم وفي نهاية الكلام قالتلي مر عليا يوم الاحد .
الباين انها بتعبا بيه موضوعنا .

وبعدها كلمت مسجل كليتنا وقتله الي صار معاي قالي اليوم كيف بعث رسالة للجامعة وتو يردو عليا الخميس ، واني يوم الاحد منمشي منشوفهم الزوز الجامعة والكلية وسألت المسجل ع حاجة مهمة قتله لو الجامعة وافقت ع الرسالة ف شن بيصير قالي الرفع بيلتغى ولو رفضو الطلبة يقدرو يرفعو .

توا منجو للخلاصة معندكمش امتحان مع الصيدلة لو صار بروحكم ولو صار مفيش رفع ع كلام المسجل ولو مصارش تقدرو ترفعو .

والسلام عليكم ورحمة الله وبركاته.
وربي يوفقكم اجماعين

سلام عليكم دفعه بعد ماشفنا شويا الوضع كلية أجلنا إلي يوم الإتنين بحكم ان الإتنين إجتماع والكل موجود بلغو بعض

السلام عليكم و رحمة الله و بركاته
أكيد كلكم سمعتوا بقصة الدمج اللي بتصير بين الدفعات ؛ الدمج هذا حيكون مش لصالحنا لأنه لو تم الدمج مستحيل حنعوضوا العام اللي ضايع لكن بدون دمج نقدروا نعوضوا و فيه العديد من الكليات عوضوا عام كورونا ؛ شيء آخر لو تم الدمج حنزيدوا نراجوا شهرين ثانيات علي الاقل ؛ ضيفوا لذلك الكلية بتقعد كل ماتتأخر دفعة يتم دمجها و هذا أمر مريح للكلية في إجراءاتها الإدارية يعني عندهم تراكم الدفعات شيء طبيعي وغير معقد و الوقت فايت علي الطالب فقط ؛ضيفوا للنتائج هاذي كلها حيصبح العدد كبير والأمر معقد أكثر و سألوا دفعات أخرى لما ندمجوا المعاناه اللي حصلوها نتيجة للدمج
فمنمشوا للكلية يوم الأحد لانه الاثنين عندهم اجتماع ومنزلوا استفتاء

السلام عليكم ورحمة الله وبركاته.
الزملاء الي يستفسرو ع الدور الثالث مسجل الكلية قالي ان يشمل الطب وحتى اني قالهلي مسجل الجامعة بس مسجل الكلية قالي نستنى في القرار يجي وبينزلة في الصفحة متع الفيس ، والطب عندهم رفع مادتين او مادة وحسب ما فهمت الطالب مش مقيد ي يدير الدور الثالث او يرفع مواده يعني يقدر يديرهم الزوز وهذا الكلام الي وصلني بخصوص الدور والثالث ونصيحه كان في حد هامة الموضوع شوفو الادارة بش تضغطو عليها وتنزلكم القرار وتوضح كل الاستفسارات ع الواضح منغير تلاعب في الكلام بعدين .
وبخصوص موعد الدراسة قاعدين نفس الكلام يقولو مافيش دمج ومنبدو في 15\9 .
والسلام عليكم ورحمة الله وبركاته

السلام عليكم ورحمة الله وبركاته.
تواصل معاي صديق ويبيني نعطيكم علم على خبر يخص الطلبة الي طلع اسمهم في الايفاد دفعة 2003 الشهادة الثانوية .
???
المدة لي فاتت عندنا منسق متاع الأوائل طلب مني اسماء الأوائل الثانوية لي نعرفهم من الخمس...
ولو تقدر تعطيني اسماء اي أوائل من أي دفعة المهم من الخمس والمهم من العشرة الأوائل علي ليبيا....
الموضوع لمصلحتهم لأن المدة لي فاتت اجتمعت معانا النقابة العامة وقالت بتوتي مظاهرة في طرابلس ولي بيحضر لازم يسجل اسمه....يعني للأسف لي ماراح يحضر ماراح يقدر يفعل قرار ايفاده واني متأكد أوائل الشهادة الثانوية لي من الخمس ما يعلموا بشيء لان حتى الاجتماع لي دراتها النقابة كان مافيشي حد حاضر من أوائل الثانوية تقربيا غيري....
تقربيا عندك قناة تيلي للدفعة....اكيد في من دفعتنا أوائل لو دير تنويه خلي يعرفوا علي الاقل نضيفهم لقروب الواتس متاع الجمعية ويسجلوا في رابط الحصر لأن آخر موعد يوم الثلاثاء بعده معاش يقدرو...
مش عارف فهمتني أو لا ?‍♂️?
مافهمتش كيف هما راقدين وما يعلموا بيها وين زارقة?‍♂️

مافيش اي خبر مؤكد ع دراسة ؟
ملينا من راحة نبو زنقة.....??

السلام عليكم ورحمة الله وبركاته.
كلام منقول عن أدارة الكلية أولاً مافيش دمج ، تانياً منبدو في شهر تسعة ونتمو في شهر ستة إن شاء الله .
و حينزلو الخطة في السبوع هذا او بالكثير السبوع الجاي .

وبالتوفيق للجميع إن شاء الله

السلام عليكم ورحمة الله وبركاته .
زي ماقلت امبكري ان غدا منتلاقو مع رئيس الجامعة وشفنا ان منمشوش زحمة أفضل بعرض الدوشة ونعرفو كيف نوصلولة المعلومة , طبعا بنقولوله على الاتي:
1-حنني دفعة 2003 نبو نبدو في شهر تسعة ورافضين الدمج مع دفعة 2004 وان لينا فترة طويلة معطلين والى اخره.
2-االطاقم التدريسي يكون متواجد من البداية وعدم تكرير اخطاء دفعة 2003 واهم شي هو الجدول الثابت للأمتحاناتنا النصفية والنهائية ويكون ملائم مع مفردات المنهج .
3- نشوف قصة الدور الثالث وهل التغاء الرفع او لا هو اني شخصيا تواصلت مع مسجل الصيدلة وقالي الطب عندهم رفع وميقدروش يلغوة لان موجود في البنود واكيد الغاء الرفع لدفعة 2004 مش لينا ,بس بناء على رغبة اكثر من طالب منشوفة الموضوع هذا صحيح او لا .