سهل وي غيري حيل وبس علي تصعب
ومدري شبيه احبك وانتَ ما تنحب
دولبني العشگ حد ما صرت دولاب
تعال العب بروحي شلون ما تلعب؟
بس ارسي على بر وفضها طالت حيل
توصل للصدگ وتريدلك مهرب
اي؟شتريد توصل هذا حُب اخبال
لا يقنع عبد لا يرضى بيه الرب
صدگني بمزاجي طولتها وياك
بيت بلا سياج من السهل تنطب
اليوم وياك احلها العطش طر الروح
بيرك راح اڪشفه ومنا راح اشرب
وباچر سهله باچر الها الف احساب
وخل تخرب شڪو شيصير اذا تخرب؟

ذكرياتك ما عفتها
والأريدك ماتت بشفتي
بكثر ما رددتها .
فكرة النسيان صعبه شلون
هيج ستوعبتها
وأني من كتلك نسيتك بس
كلت
ما طبقتها
ماجنت وياي واضح
وأهتمامك جذبة چان
الله لا ينطي أربعينك
لاحكيني بكل مكان
أربعينك بالشكل
مو بالأمان
والله لاينطي قرارك بي
لكيت شكد اذيه
من اجيت وكتلي لازم
بعد مانبقه سويه
ماكدرت ارجعلك اني
وماكدرت ارجع اليه

خلي تفض
يالتلمح تريد نكلك وترفض
ماعيز مريض يسوي هيج وياي
أنا من كاعي متمرض
كسره أبشر يسوه
ولامزاج يرض
اريد اخلص اريد اكطع!
الي يغمض عيونه ويبجي مايسمع
طلعت روحي وهاي عود مابادين
جا بأخر ايامي بيش راح اطلع؟

بأحَلامك
من راسَك كرهتك بعَد لجدامَك
وإذا بـ المحَكمه يطلبون شَاهد بِيك
انا أول بشَر يوقع عَ اعدامك
كَلت لـ رَبي دَيمه وياي
اذا بي خير
ولان مَابيك خير وياي مَا دامك
انتَ الغيرتني هواي الَك ممَنون
واحَد ثاني هذا الهسه كدَامك .

وكونَك تحَبني صِدك چا دورتنِي .

عليك من انسأل تصفن بروحي سنين
وما أميز بين اللچمة والدگة
العليّ سألوك هم سألوني وأحتاريت
سويتك نبي وگلت أنجبر حگة
أناشغ والبچي يوصل لسابع ليل
وفشلتني بدمعة تبّدي وتنتهي بصفگة.

انا ردتك تجيني ما تجيني
اشوفك بلصور وتحاضن وياك
بويه شلون لو طايح بديني
واذا كتلك عيوني مقصر يجوز
حبيبي انته وحبيبي وعين عيني
عيونك صادت المحد يصيده
وكابل عينك الحلوه واغني
وكل اليوجعنك يوجعني
اذا تنجرح انه انجرح وياك
مثل ما انه منك انته مني

انتِ عذبة شلُون دجلة
ويمچ تحُوم النوَارس
والله لو كلها بجمَالچ
ما بقى ليل الله دَامس
الناس حلاها لبسها
وانتِ حليتِي المَلابس