فرق كلش
چبير البينك وبيني
شفتك تضحك بحزني
وانت من تضوج
احس بگلبي ينغزني
عرفتلها وشفت
كلمات اليتيهون
كثرانات
وعرفتك بعد متعزني

ماعندي ساعة ووكت
كِل موعد عيونك

بيَنا وبينك
فرق كلش جبير
وما نكول اسباب كل هذا الفرق
وما نكمل السالفة
لحد الاخير
من الاساس
وياك مسدودة الطرق
وياك ما نرهم
وما ترهم محال
ويانة ما تكدر تدوم وتستمر
وياهو الكالك
بالسهل درب الوصال
وانت تدري اكلوبنة مورثة جمر

شتريد أعدللك ؟
چم مرة شابع بچي
ولو أشوفك اضحكلك..
الحُراس تغفى گبل
وانه اسهر
اكتبلك
تحلفني ؟
وانه الچنت بعيونك احلفلك
المن اسولف ؟
حرت
متعلم اني چنت
بس انتَ اسولفلك ..

أشتاكَلي انت
وما ردت شوگ الأماكن

بس انتَ ردتك من چنت
مابين الأحلام افتر

تدري حَتى اليذكر اسمك
گلبي ما ينطيني اعوفة

كَلب زاجل
چنت يمك
من أنهد عليك أرجع
مو سهلة وأتكَتر
جنت فانوس
بـ الظلمة أحترك
حتئ انت ما تعثر
بعد ما بيه أضحي أكثر
طاسه مي
أعيش وياك
وأنذب وره متونك
شسويت ؟
وعليّ شارد جنت
كلساع أباوعلك
يَـ ساعة بأيد متواعد

عكبك ذَبلنا وعافنا الطير
ورود چنة
وهسة صُبير .