-Unga yana bir imkoniyat bermaymizmi, Portuga?
-Insonlar o'zgarmaydi...
-Lekin u...
-U ham Zeze, xatto u ham...@ashkim_sen

*QADRIMNI BILMADI BU ODAM MANIM

Bilmayman qayerdan topdi umrimni,
Bir asov ot kabi chopdi umrimni,
Tog‘larga-toshlarga otdi umrimni,
Qadrimni bilmadi bu odam manim —
Ilohim, xalos et buning qo‘lidan!

Koshkiydi umrimni bu yer yuzinda
Bir boshqa odamga tush aylasayding,
Meni odam emas, qush aylasayding,
Hech yo‘qsa, bir qora tosh aylasayding.
Meni bu kimsaga nechun duch qilding,
Ilohim, xalos et buning qo‘lidan!

Xalos et, ber meni, o‘zgalarga ber,
Siniq oynalarga, ko‘zgularga ber,
Bo‘linay, yuz bo‘lak, ming bo‘lak bo‘lay,
Bu odam yuzimga boqa bilmasin.
Meni oynalarning siniqlaridan
To‘play bilmasin u, yig‘a bilmasin,
Ilohim, xalos et buning qo‘lidan!

Bo‘linsam, bo‘lingay dardim, albatta,
Har dardim yuz bitta, ming bitta bo‘lur.
Bir dardim qolmagay o‘zimdan katta,
Barcha dardlarimdan men katta bo‘lgum.

Shul zamin ustida, samo ostida
Bo‘linsam, har parcham bir yonga tushsa,
Qachondir ko‘nglingning xush soatida,
Ilohim, yangidan yodingga tushsam,

Yangidan to‘plasang bo‘laklarimni,
Siniq qo‘llarimni, oyoqlarimni,
Og‘zimni, burnimni, quloqlarimni,
Ilohim, yangidan yaratsang meni,

Dunyoning eng go‘zal ko‘zgusi bo‘lgum.
Yangidan dunyoga yo‘llasang meni,
Bu odam bo‘lmasman, o‘zgasi bo‘lgum —
Ilohim, xalos et buning qo‘lidan.*

Ramiz Ravshan

Meni ham olib ket parilar sari
Qoʻrqaman odamlar bilan yashashdan.

??

*Men hali bahorni koʻrmagan chechak,
Tilsimlar oʻyilgan dard toʻla ertak.
Ikki dunyo aro boʻlganim ermak,
Senga ham aytmasam, kimga aytaman...

Aytmasam,
Aytolmasam,
Dardim boʻlisholmasam,
Senga ham aytmasam,
Kimga aytaman*?!

Yozilgan ertaklar

Maʼlumki, men Zumrad emasman,
Koʻylagimning ranglari ham toʻq.
Mening dadam tashlab ketmagan,
Tilla toʻlgan sandiqlarim yoʻq.

Oʻn sakkiz yil ichra adashdim,
Sigʻmay qolgan qizil shapkacham.
Endi dunyo boʻrilarining
Ichidan ham tirik chiqolmam.

Sogʻinch tekkan kipriklarimga
Begonamas qahri qattiq qish.
Lekin qiyin muzlagan qalbni
Gerda boʻlib qutqarib qolish.

Ming yil yashash endi befoyda,
Daraxtlardan toʻkildi barglar.
Kelgunimcha yozilib boʻlgan,
Dunyodagi ezgu ertaklar.

*© Gulzoda Karimova*

@sherSehri

***MEN XUDO EMASMAN...

Men Xudo emasman,
Menga baribir,
Shart emas qarshimda bermog‘ing javob.
O‘zim vasl jannatin tilanib axir,
Ishq degan do‘zaxda chekyapman azob.

Balki ko‘p dillarga bergandirsan zeb,
Avvalgi gunohlar o‘zing bilgan sir.
Ishontir yaxshisi farishtaman deb,
Men Xudo emasman,
Menga baribir.

✍ Anvar Obidjon***

??
Sen kimni sevasan,
Ul ofati qiznimi yo
Beshikdagi oʻgʻlingni?..
Koʻzlaringni uzolmaysan beshikdan,
Undan esa koʻnglingni…
Salom!
Kimdir kirib kelar eshikdan,
Yoʻrgab qoʻyar beshikdagi oʻgʻlingni.
Yoʻrgab qoʻyar eshikdagi koʻnglingni,
Tergab qoʻyar eshikdagi koʻnglingni.
Sen kimni sevasan?
Muhammad Yusuf

*SIR

Ko‘rganimdan seni hayot bilan teng
Hayotimni ko‘rdim sen bilan baham.
Peshonam keng mening, bardoshim ham keng.
Lekin sig‘may qolding ikkisiga ham.

Sog‘inish bu — asov dardlar uyuri,
Borlig‘imni tinmay yulqilar toptab.
Bor-yo‘g‘i bir lahza tashrif buyurib,
Umrimni qoldirding so‘ngsiz azobda.

Yuragimda yo‘qdir, axir, po‘lat zirx,
Bardosh berolmadim bunday zarblarga.
Lekin men quduqqa so‘ylamadim sir,
Seni aytdim faqat jimjit harflarga.

Halovatga keldi shundan so‘ng qahat,
Muqaddas telbalik boshlandi so‘ngra.
Yashadim, ismingni otib qahqaha,
Yashadim, ismingni men ho‘ngrab-ho‘ngrab.

Yo‘l ko‘rdimmi, tamom, tikaverdim ko‘z,
Mushtoqlikdan boshqa e’tiqodim yo‘q.
Menga shafqat qilma, aytilgan ey so‘z,
Menga shafqat qilma, otilgan ey o‘q.

Men seni na do‘st, na g‘animga aytdim,
Ravo ko‘rganim yo‘q har kim-har kimga.
Aytsam, seni men o‘z sha’nimga aytdim,
Otsam, seni otdim o‘z yuragimga!
© Matnazar Abdulhakim*

?

Agar mening tavbalarim yo'l bo'lsaydi,
Agar sening izhorlaring gul bo'lsaydi,
Unda dunyo uzun -uzun yo'l bo'lardi,
Yo'lning cheti esa faqat gul bo'lardi.
G. X.

Qidirmang!
Endi men baridan ketdim,
Yulduzlar qadalmish to sochimgacha.
Qidirmang...
Endi men ismingiz kabi
Sochilib ketaman sajdaga.

Siz esa
men yurgan yo‘llarga qadar
Qo‘lingizdan tashlang osmoningizni.
Meni shafaqlarga eltib berdi
Tong—
Uyg‘ondingizmi?

...va manim birgina so‘zim bor faqat,
Aytilsa qiymati bitkulik— arzon.
Aytmayman!
qidirib kelguningizcha
So‘z omon.

Bilaman, siz meni topmaysiz ortiq,
O‘zimni yo‘qotib qo‘ygan yerlardan.
Men ketsam,
siz meni...
achinarlisi,
Qidirmaysiz ham.

Gulzoda