“Карагодам”

Новая калядная песенька ад Зміцера Вайцюшкевіча.https://youtu.be/uBB_q-ePN5Q?feature=shared
#аўдыё

?? З новым годам, сябры!

З вялікай прыемнасцю віншуем Вас, нашыя шаноўныя чытачы, з надыходам новага году! ☃️☃️☃️???

Няхай спаўняюцца самыя светлыя мары, мацуецца вера ў лепшае, а бадзёрасць духу не пакідае! ???

Пісьменнікам зычым натхнення і новых твораў, а чытачам - каштоўных знаходак і адкрыццяў у свеце беларускай літаратуры!???

Дзякуй, што застаецеся з намі!
Вясёлых Калядаў!??

#хроніка

*Паштоўка

“Полацк” праштэмпелявана...
Охра дрэў, блакіт вясны,
Ланцужок крыжоў парваны...
Адзінокі, неспазнаны,
Ціха сьпіць, зачараваны
Калыханкаю Дзьвіны.*

Лера Сом

#вершдня

Белыя паляны, белыя гаі...
Пчолы ледзяныя кружацца ў галлі,

Кружацца раямі, сыплюцца на дол,
Апушылі хвоек срэбраны прыпол.

А з-за лесу-гаю скача па лугах
Хтосьці незнаёмы ў ледзяных санях.

З сіняватых даляў, з сіняватай цьмы
Хтосьці напявае залатыя сны.

Хай галосяць ветры ў цемені начной,
Сядзем, дарагая, пасядзім з табой.

Раскажы мне шчыра, праўду раскажы, -
Хто ў чароўных вочах зоры патушыў?!

Хто замёў снягамі у душы вясну?
Сэрца хто параніў - вымеў цеплыню?!

Хто распяў з каханнем сэрца на крыжы,
Раскажы мне праўду, любая, скажы?!

І маўчаць пацёмкі... любая маўчыць....
Ледзянеюць словы, і душа баліць...

Белыя паляны, белыя гаі,
Пчолы ледзяныя кружацца ў галлі.

І мярцвеюць змрокі між сівых завей,
Прытуліся бліжай, сэрца абагрэй...*

[1926]

Тодар Кляшторны

#раптамверш

Памерла Валянціна Барадуліна

Стала вядома пра смерць удавы народнага паэта Беларусі Рыгора Барадуліна (1935-2014) - Валянціны Міхайлаўны Барадулінай. Яна памерла 18 снежня на 85-ым годзе жыцця. Развітанне і пахаванне прайшлі ў вузкім коле.

Валянціна Міхайлаўна жыла ў Мінску ў кватэры на в. Мележа, дзе апошнія дзесяцігоддз правеў і Рыгор Іванавіч. Пасля смерці мужа і дачкі Ілоны (памерла ў снежні 2019 г.), з блізкіх у яе заставалася ўнучка Дамініка. У апошні час яна часта хварэла і трапляла ў шпіталь.

Смуткуем.

#навіны

? Выйшла кніга Паўла Капанскага

Кніга паэзіі "Акрамя" выйшла напрыканцы году ў Паўла Капанскага ў Варшаве.?

У кнігу ўвайшлі выбраныя тэксты 2010—2024 гг. Зборнік стаў дэбютным для аўтара, які даўно і досыць добра вядомы ў літарацкіх колах. ???

Яшчэ адной адметнасццю выдання стала тое, што ў ім прадстаўленыя вершы не толькі на беларускай, але таксама на ўкраінскай і польскай мовах.???

#палічка