#dunyo_voqealari
? **23-sentabr: dunyoning muhim voqealari

Isroil va Hizbulloh yuzlab raketa zarbalarini almashishdi**

Yakshanba kuni Livandagi “Hizbulloh” harakati va Isroil armiyasi o‘rtasida navbatdagi raketa zarbalari almashildi. Ushbu transchegaraviy mojaro keng ko'lamli urushga aylanib ketishi mumkinligi taxmin qilinmoqda.

Isroil Bosh vaziri Binyamin Netanyaxu, “Hizbulloh”ning guruh qo‘mondonlarini o‘ldirgan Isroil hujumiga javob qaytarganidan so‘ng, Isroil shimolida xavfsizlikni tiklash uchun hamma narsani qilishini aytdi. Yakshanba kuni “Hizbulloh” Ramat-Devid aviabazasiga raketa zarbalari berdi.

Oq uy matbuot kotibi Jon Kirbi mojaro avj olishiga yo‘l qo‘ymaslik uchun har ikki tomonni bosiqlikka chaqirdi.

Raketa zarbalari Isroil shimolida sirenalar va tinch aholini evakuatsiya qilishga sabab bo'ldi. Isroil armiyasi bunga javoban Livan janubiga zarba berdi.

Mojaroning kuchayishi Isroilning G'azoda Hamas bilan bir yillik qarama-qarshiligi fonida davom etmoqda, bu yerda janglar allaqachon har ikki tomondan o'n minglab odamlarning o'limiga sabab bo'lgan.

Isroil peyjer portlashlariga aloqadorligini rad etdi

Isroil prezidenti Isaak Gertsog Sky News telekanaliga bergan intervyusida Isroilning Livandagi “Hizbulloh” a'zolari tomonidan qo'llanilgan peyjerlar va ratsiyalarning portlashiga aloqasi yo'qligini aytdi. Gertsog “Hizbulloh”ning dushmanlari ko'pligi va ularning faoliyati Livanda barqarorlikni buzishini qo'shimcha qildi.

Bu kamida 37 kishining halok bo'lishi va 3000 ga yaqin kishining jarohatlanishiga sabab bo'lgan signalli bomba portlashlaridan keyin Isroilning birinchi rasmiy izohi bo'ldi.

Reuters avvalroq bu operatsiya ortida bir necha oy oldin “Hizbulloh”ning peyjerlariga portlovchi moddalar joylashtirgani aytilgan Isroil razvedka agentligi Mossad turgani haqida xabar bergan edi. “Hizbulloh” yetakchisi Hasan Nasrulloh AQSh razvedka manbalari tomonidan qo‘llab-quvvatlangan portlashlarda Isroilni aybladi.

Eronda kon portlashi qurbonlari soni 51 kishiga yetdi

Oxirgi ma’lumotlarga ko‘ra, Eronning Tabas shahridagi ko‘mir konida metan portlashi oqibatida halok bo‘lganlar soni 51 kishiga yetdi, deb xabar bermoqda Eronning Mehr agentligi.

Portlash 22-sentabr kuni sodir bo‘lgan va dastlab 30 kishi halok bo‘lgani haqida xabar berilgan edi. Voqea joyida qutqaruvchilar ishini davom ettirmoqda. 20 kishi jabrlangan, ulardan 17 nafari qutqarilib, turli tan jarohatlari bilan shifoxonalarga yetkazilgan.

Yaponiyada suv toshqini tufayli 130 mingdan ortiq odam evakuatsiya qilindi

Kuchli yomg‘ir va suv toshqinlari tufayli Yaponiya hukumati Xonsyu oroli g‘arbidagi yetti aholi punktidan 131,4 ming kishini evakuatsiya qilmoqda. Daryo toshqinlari va ko‘chkilar infratuzilmaga putur yetkazdi, ko‘plab odamlar elektr energiyasi va mobil aloqadan mahrum bo‘ldi.

Ishikava prefekturasi eng ko‘p jabr ko‘rdi, 12 daryo o‘z qirg‘oqlaridan toshib ketdi. Tabiiy ofat oqibatida bir kishi halok bo‘ldi, yana olti kishi bedarak yo‘qoldi. Qutqaruv ishlari davom etmoqda.

Avvalroq Yaponiya qirg‘oqlarida 5,7 magnitudali zilzila sodir bo‘lgan, biroq vayronagarchilik va qurbonlar qayd etilmagan.

Facebook | Instagram | @vatandosh_tv | Youtube

Vengriyaning Budapesht shahrida 45-Butunjahon shaxmat Olimpiadasi o‘z yakuniga yetdi. Quvonarlisi, 189 davlat ishtirok etgan ushbu Olimpiadada O‘zbekiston erkaklar terma jamoasi bronza medaliga sazovor bo‘ldi.

Bahslarda g‘oliblik Hindiston jamoasiga nasib etgan bo‘lsa, AQSh grossmeysterlari kumush medallar bilan taqdirlanishdi.

Individual yo‘nalishlarda ham yurtdoshlarimiz sovrinlarga ega chiqishdi:
Shamsiddin Vohidov (4-taxta)
Nodirbek Abdusattorov (1-taxta)
Nodira Nodirjonova (5-taxta)

Qizlar terma jamoasi esa yakuniy jadvalda 12-pog‘onani band etdi.

O‘zbekiston terma jamoasi qo‘shimcha ko‘rsatkichlar evaziga Xitoy, Ukraina, Polsha, Bulgariya, Argentinadan ortda qoldi.

Ma'lumot uchun, yana 2 yildan so‘ng dunyoning eng kuchli grossmeysterlari O‘zbekiston mezbonlik qiladigan navbatdagi Olimpiadada jam bo'ladi.

Facebook | Instagram | @vatandosh_tv | Youtube

#dunyo_voqealari
? **11-sentabr: dunyoning muhim voqealari

Google va Apple Yevropa sudida yutqazdi**

Google ishida sud Yevrokomissiyaning 2017-yildagi hukmron bozor mavqeini suiiste'mol qilgani uchun 2,4 milliard yevro miqdorida jarima to‘lash haqidagi hukmini o‘z kuchida qoldirdi. Google o'z xizmatlariga qidiruv natijalarida ustunlik berib, raqobatni buzgan.

Apple ishida sud Yevrokomissiyaning Irlandiyadagi soliq imtiyozlari noqonuniy davlat yordami ekanligi haqidagi pozitsiyasiga rozi bo‘lib, kompaniyani 13 milliard yevro soliq to‘lashga majbur qildi. Apple dastlab apellyatsiyani yutib chiqdi, biroq yuqori sud qarorni bekor qildi.

Ikkala g'alaba monopoliyalarga faol qarshilik ko'rsatgan Evropa komissari Margrethe Vestagerga tegishli.

Dunyo yetakchilari Isroilning G‘azodagi xavfsiz hududni bombardimon qilganini qoraladi

Dunyo yetakchilari Isroilning G‘azo janubidagi al-Mavasi xavfsiz hududini bombardimon qilgani, natijada kamida 19 kishi halok bo‘lgan va 60 kishi yaralanganidan norozilik bildirgan. Jabrlanganlar soni yana ortishi mumkin.

Al Jazeera Sanad, Isroil AQShning MK 84 bombalarini qo'llaganligini aniqladi.

UNRWA agentligi rahbarining aytishicha, davom etayotgan hujumlarga qaramay, BMT sog'liqni saqlash xodimlari otishma va hujumlarga uchrasa ham, G'azoda bolalar o'rtasida poliomiyelitga qarshi emlashni davom ettirmoqda. G‘azoda hozirgacha 41 020 falastinlik halok bo‘ldi, 94 925 kishi yaralandi.

Boku Yerevanning kelishilmagan qoidalardan tashqari tinchlik shartnomasini imzolash taklifini rad etdi

Ozarbayjon Tashqi ishlar vazirligi Armaniston bosh vaziri Nikol Pashinyanni Boku va Yerevan oʻrtasidagi tinchlik shartnomasi boʻyicha muzokaralar haqidagi faktlarni buzib koʻrsatgani uchun tanqid qildi.

Ozarbayjon Tashqi ishlar vazirligi bayonotida Pashinyanning kelishuvni kelishilmagan nuqtalarni hisobga olmasdan imzolashga chaqirishi qabul qilinishi mumkin emasligini aytdi.

Ozarbayjon Armanistonning huquqiy hujjatlarida mustahkamlangan hududiy da’volariga barham berishni haqiqiy tinchlik kelishuvining sharti sifatida talab qilmoqda. Boku, shuningdek, arman harbiy jinoyatchilarini ozod qilish majburiyatini rad etadi.

Pashinyan Yerevan dialoglari forumida soʻzlagan nutqida Armaniston 16 banddan 13 tasi kelishilgan tinchlik shartnomasi matnini imzolashga tayyorligini maʼlum qildi.

AQSh Sharqiy ot ensefaliti virusi xavfi haqida ogohlantirmoqda

Xarris va Tramp debatda uchrashdi: Ukrainadagi urush, iqtisodiyot va migratsiya

Kamala Xarris va Donald Tramp birinchi marta ABC News telekanali mezbonlik qilgan prezidentlik debatida uchrashishdi. Asosiy mavzular Rossiyaning Ukrainaga qarshi urushi, migratsiya, iqtisodiyot va boshqa muhim masalalar bo‘ldi.

Tramp prezident bo‘lsa, Ukrainadagi urushni tezda tugatishga va’da berdi va Baydenni Putin bilan muzokara o‘tkaza olmaganlikda aybladi. Xarris bunga javoban Tramp diktatorlarga qoyil qolishini va ulardan biri boʻlishni xohlashini aytib, uni Putinga “taslim boʻlish” niyatida aybladi.

Iqtisodiyot yana bir dolzarb mavzuga aylandi. Xarris Trampning iqtisodiyotni yaxshilash rejasi yo‘qligini va uning o‘zi ham kichik biznesni qo‘llab-quvvatlashni rejalashtirayotganini ta’kidladi. Tramp, o‘z navbatida, inflyatsiya bilan bog‘liq vaziyatni halokatli deb atadi va Xarrisni Bayden siyosatini nusxalashda aybladi.

Migratsiya masalasida Xarris real yechimlarni yoqlashini aytdi, Tramp esa uni chegarada tartibsizlik yaratishda aybladi. Ikkala nomzod ham abort va Isroilning XAMAS bilan urushini muhokama qilib, bir-birini ichki va tashqi siyosatning muhim masalalarini noto'g'ri hal qilishda aybladi.

Facebook | Instagram | @vatandosh_tv | Youtube

#sud #SSSR #targʻib #Oʻzbekiston
? SSSRni “tiklash”ni targ'ib qilgan shaxs jazolandi

Samarqandda sud SSSRni “tiklash”ga urinishda ayblangan 74 yoshli shaxs ishi bo‘yicha qaror chiqardi. Qarorga ko‘ra, mazkur fuqaro turli platformalar, jumladan, «Uzbekistan SSR/SSSR» Telegram guruhidan foydalangan holda Sovet Ittifoqini tiklash haqidagi g‘oyalarni faol ravishda targ‘ib qilgan. Bu guruhda u O‘zbekiston mustaqilligi go‘yoki haqiqiy emasligi, SSSR de-yure parchalanmagani, sobiq respublikalar tez orada yana birlashishini ta’kidlagan materiallarni chop etgan.

Tergov shuni ko‘rsatdiki, sudlanuvchi Rossiya fuqarosi Oleg Turishkinning ma’ruzalariga berilib ketgan, 2021-yilda undan "SSSR fuqarosi" sertifikatini olgan va Ittifoqni tiklash g‘oyalarini ilgari sura boshlagan. U tarqatgan materiallarda O‘zbekiston davlat tuzumini noqonuniy usullardan foydalangan holda o‘zgartirishga chaqiriqlar borligi ekspertiza tomonidan tasdiqlangan.

Sud fuqaroni Jinoyat kodeksining 159-moddasi 1-qismi (O‘zbekiston Respublikasi konstitutsiyaviy tuzumiga tajovuz) bilan aybdor deb topib, uch yil muddatga ozodlikni cheklash jazosi tayinladi. Shuningdek, unga nazorat organlarining ruxsatisiz yashash joyini o‘zgartirishi, Samarqand viloyatidan tashqariga chiqishi va internetdan foydalanishi taqiqlangan.

Shuni ham ta’kidlash lozimki, internet provayderlari va kabel televideniyesi kompaniyalari tomonidan taqdim qilinayotgan xorijiy telekanallarining aksariyati Rossiyaga aloqador. Targ‘ibotni faol olib boradigan bunday kanallarni doimiy ravishda tomosha qilish fuqarolarni mafkuraviy ta’sir va dezinformatsiyalarga qarshi himoyasiz qoldirishi mumkin.

Facebook | Instagram | @vatandosh_tv | Youtube