مِن خسرتَك
صغرت بعيني خسارات العمُر
ودرت وَجه عيُوني عنّك
خاف المحَك منكسر ..
شكثُر باچي لخاطرَك كَلي شكثُر
وتغلط بحقيّ وأدورلَك عذر
طولت باليّ إعلة كَلبك
ليّش نَبضك يختصُر
چِنت أدورك كِلمة بأنقاض الدفاتر
ما ردت مِنك سطر ..
وچِنت اموت كَبال عيّنك حتى أعيّش
چم مُوسيقى تموت إذا غنّى العطر
إنتَ يا أغلى خسارات العمر .

أشيلك من خيالي
بطيفي أشوفك جاي
أنهي وياك شوگي
سوالفك تبدي
أقرر نبتعد
ترجع ترد وياي
معيشني بقلق
چنك مرض مُعدي .

انا المالة داعي شلون صارت هاي
دحجيها اعلى روحك شوف تقنعها ؟
انة الما اهمك هيج صرت اليوم
وانا بكل امورك جنت مرجعها
لسانك كطعاني وتدري بية شلون
الدنيا مو لسن لو اريد اكطعها
ما اجرع انفاسي لون تخطئ وياي
وانة بكل هدوء اخطائك اجرعها

من تبتسم
بس بداخلك نوح
الدموع بباب عينك سكتة تلتم
تضطر تمشي
لكن وانت مكسور
عزة نفسك تبررلك الهم
وراها تعيش
لكن گلبك يموت

ادري الماي يمك واني عطشان
والدرب شمرة عصى ما بينك وبيني
ارجع للنهر ممشى عشر سنين
ولا شمرة عصى منك ترويني .

أرسمك ملتفتلي وتطلع اوّهام
ملامح وجهي مافهمت معانيك
بثگل جرحك گبل خطواتك وياي
شنو شو عالزعل خفيت رجليك
من اذب حسرات انشف حرورة الصيف
هيج وياي وصلت من اسميك
من اكشف جروحي هيبة گبال الجروح
بكثر ما مشن جنت بروحي امشيك
مطر غيم انتظارك يبس الروح
ونهر ملگة اشتهيت بروحي ابديك

فارشلك جفن واتنطر تنام
نام ولا يهمك ضيم الأيام
يبعد رموش عيني وجفني والعين
وصبيها ونظرها وذيج الأحلام ..

علمتك عليه من الالف للياء
وتغلط بالاجابه واني أعدلك.

انة من اشتريتك بعت ناس هواي
يمكن ناس فقرة وشوروا بية ..