#ШЕЪРИЯТ

Итга бўри оғиз солмайди асло,
Ҳамиша итга ит қуда бўлади.
Карвон аталмагай итлар йиғилса,
Нари борса улар тўда бўлади.

©️ Хайрулла Ҳамидов
©️ Аброр Мухтор Алий

📨 Постни яқинларингизга ҳам улашинг!

📌Каналга аъзо бўлиш учун
манзил👇👇👇

https://t.me/mahbubiy_adabiyot

#ҲУББИЙ

•┈┈┈••✿🌹✿••┈┈┈•

МАҲБУБИЙ РАВЗАСИ-2

#БАХТ

• Юр, бахт жиноят саналмаган ерларга кетамиз!

© Маҳбубий

•┈┈┈••✿🌹✿••┈┈┈•

#ШЕЪРИЯТ

ПАРИШОН-ПАРИШОН

(Саййид Мафтунийдан ўзлаштирма)

Ғариб кўнглим ўлда-жўлда,
Кезар паришон-паришон,
Болу-шакар ширин, тилда,
Сузар паришон-паришон.

Сўнди оташ, қолди кулим,
Энг сўнггида келди ўлим,
Боғчамдаги ғунча гулим,
Сўлар паришон-паришон.

Топтама мевазоримни,
Тингла оҳ ила зоримни,
Дўстлар бир кун мозоримни -
Қазар паришон-паришон.

©️ Маҳбубий

•┈┈┈••✿🌹✿••┈┈┈•

#ХОТИРА

• Қаҳвани мазаси учун эмас, балки у билан боғлиқ хотиралар учун соғинасан!

©️ Маҳбубий

•┈┈┈••✿🌹✿••┈┈┈•

#МАСАЛ

КИМЁ ФАНИДА КЎПХОТИНЛИККА МИСОЛ

• Водород (H) зарраси аёлга ўхшайди.
🧕
• Углерод (С) зарраси эса эркакка.
👳🏻‍♂️
• Водород зарраси фақат бир дона углерод зарраси билан боғлана олади.
🧕+👳🏻‍♂️
• Лекин углерод зарраси бир вақтнинг ўзида битта, иккита, учта ва тўрттагача водород зарраси билан боғлана олиш қобилиятига эга.
👳🏻‍♂️+🧕🧕🧕🧕
• Водород заррасининг сони тўрттадан ошиб кетса углерод энди ўта тез ёнувчи, ҳидсиз газ - Метанга (СН4) айланади ва арзимаган учқунга ёниб кетади.
😎😎😎

©️ Маҳбубий

•┈┈┈••✿🌹✿••┈┈┈•

#РУЖУЛАТ

• Аёлдан сўрашди:
- Сизнингча ҳақиқий эр ким?
• Аёл жавоб берди:

☝🏻 - жеркийвермай насиҳат қиладиган;
✅ - титкилайвермай ишонадиган;
🌸 - йиғлатавермай кулдирадиган;
🤴🏻 - оёқ-ости қилавермай бошига кўтарадиган;
💎 - итоатни қадрлайдиган;
🤲🏻 - ибодатни севадиган;
🛡 - суянса бўладиган;
🔰 - ҳаромдан ҳазар қиладиган;
👳🏻‍♂️ - Роббига бандаликда аҳли-аёлини ҳам эргаштира олган эр ҳақиқий эрдир!
☝️ Эрлик исм эмас феълдир, аслида!

©️ Маҳбубий

•┈┈┈••✿🌹✿••┈┈┈•

#СОҒИНЧ

• Сени кеч қолганингдан ҳам кўра кўпроқ кутгандим...

© Маҳбубий

•┈┈┈••✿🌹✿••┈┈┈•

#ТУЙҒУ

• Соғинч ғалати туйғу:
- худди ўладигандексан;
- аммо ўлолмайсан...

©️ Маҳбубий

•┈┈┈••✿🌹✿••┈┈┈•

#МУҲАББАТ

• Муҳаббатнинг икки оёғи бор:
- эътибор;
- эҳтиром.
• Агар булардан бири йўқолса муҳаббат чўлоқ бўлиб қолади.

©️ Маҳбубий

•┈┈┈••✿🌹✿••┈┈┈•

#НУКТА

• Кетганнинг ортидан нуқта қўйки, келган катта ҳарфдан бошласин!

©️ Маҳбубий

•┈┈┈••✿🌹✿••┈┈┈•

#ШЕЪРИЯТ

(Суммонийдан ўзлаштирма)

ТАЛОН БОР

Мен рози эмасман ҳижрону ғамга,
Ғариб кўнглим турфа кўйга солган бор...
Гўдакликдан бери йўлга қарайман,
Ўйлайдилар: «Хўв узоқда қолган бор».

Дийдамдан оқиздим қонли ёшимни,
Кароматдан қутқаролмай бошимни,
Кўнгул қалъасининг мармар тошини,
Ҳижрон гурзисийла уриб ёрган бор.

Маҳбубийни, ё Рабб, қалбин хуш айла,
Ё сабр бер ёки бошин тош айла,
Ёҳуд икки қанот бериб қуш айла!
Тезроқ учай - ишқ боғида талон бор.

©️ Маҳбубий

•┈┈┈••✿🌹✿••┈┈┈•

#ИШҚ

• Бир Сен борсан, ҳаётимда...
• Қолгани «ва бошқалар»...

©️ Маҳбубий

•┈┈┈••✿🌹✿••┈┈┈•

#АЁЛ

• Аёл...
• Мўъжиза...
• Ўзини четга олган сари диққат марказида бўлади...
• Беркингани сари қадри юксалади...
• Омонатдорлиги ортгани қадар унга ишонч ортиб боради...
• Солиҳа аёл подшох бошидаги тож кабидир... Тож тиллодан бўлсада оғирлиги билинмайди... Унга эга бўлган дунёга эгалик қилади...
• Аёл...
• Мўъжиза...
• Дунёнинг тақдири унинг зиммасига юклатилган...
• У тўғри тургани сайин дунё тўғри туради, у бузулса дунё бузулади...
• Аёл зардир, унинг асл қадрини фақат заргар тушунади...

©️ Маҳбубий

•┈┈┈••✿🌹✿••┈┈┈•

#МЕТАФОРА

• Икки ўт орасида қолган инсондан совуқ тер чиқади. 😊

© Маҳбубий

•┈┈┈••✿🌹✿••┈┈┈•

#ТАМАННИЙ

• Сен менинг «кошки»мсан...
• Мен сенинг «балки»нг...

© Маҳбубий

•┈┈┈••✿🌹✿••┈┈┈•

#ТАКЛИФ

• Инсоф қил! Келганингда севгимизни тенг бўлишганимдик...
• Кетяпсанми, ёлғизлигимнинг тенг ярмини олиб кет!

©️ Маҳбубий

•┈┈┈••✿🌹✿••┈┈┈•

#ТАБАССУМ

• Сени севганлар олдида табассум қил-ки, сенинг ҳам муҳаббатинг сезилсин!
• Душманинг қаршисида ҳам табассумли бўл-ки, у ўзининг заиф ва ночор эканидан эзилсин!
• Сени ташлаб кетганнинг ортидан ҳам табассум қил-ки, надомат чексин!
• Табассум қил ва бутун оламни табассум ила фатҳ эт!
• Табассумни ибодат санаган Роббимга ҳамд бўлсин!

© Маҳбубий

•┈┈┈••✿🌹✿••┈┈┈•

https://t.me/mahbubiy_adabiyot

https://t.me/Hujumiy76/60

#ШЕЪРИЯТ

(Рус шеърияти дурдоналаридан)

Гўдакликдан маълум ҳар одам,
Бола бошдан деган гап тўғри.
Мабодо мен шоир бўлмасам,
Бўлар эдим безори, ўғри.

Жиккаккина шум бола эдим,
Тенгдошларим ичра "қаҳрамон".
Қайтар эдим кўчадан доим
Бурним пачоқ, усти бошим қон.

Қўрқиб кетган онам қошида
Дердим тутиб ўзимни маҳкам:
"Ҳечқиси йўқ. Қоқилдим тошга.
Эртагача қолмас ўрни ҳам".

Йиллар ўтди, кетди болалик,
Ниҳоя йўқ армонларимга.
Ёшликдаги шўхлик, оловлик
Кўчди шеъру достонларимга.

Болалигим кетди борини
Сатрларда қолдириб бутун.
Шеърларимда шум, безорининг
Хислатлари акс этар бу кун.

Мағрурлигим ҳамон қолмаган,
Ҳамон баланд ўтли кўкрагим.
Болаликда бурним қонаган,
Энди эса қондир юрагим.

Мендан кулган тўда қошида
Дейман тутиб ўзимни маҳкам:
"Ҳечқиси йўқ! Қоқилдим тошга,
Эртагача қолмас ўрни ҳам".

Мени сўкманг! Бўлар иш бўлди,
Сўз сотувчи савдогармасман.
Олтин бошим қуйи эгилди,
Бу дунёдан совидим, бас, ман.

Шаҳарда ҳам қолмоғим маҳол,
На қишлоққа майл сезарман,
Бир йўл қолди; ўстириб соқол
Россияни дайдиб кезарман.

Хайр, дейман достон, шеърларга,
Йўлга тўрва олурман, холос.
Кўчадаги бир дарбадарга
Шамоллар ҳам қўшиқ айтар соз.

Пиёз, туруп ҳидин таратиб,
Билганимни қилиб юрарман.
Бурним оқса енгимга артиб,
Пешонамда борин кўрарман.

Қор қуюнин тингларман беҳис,
Бахт керакмас бундан зиёда.
Бундай ажиб турфа ишларсиз,
Яшамасман ёруғ дунёда.

© Сергей Есенин

Эркин Воҳидов таржимаси