ОНАМ КУТАР

Йўлларимга бўлганча муштоқ,
Таъмин тортиб кўп фироғимнинг,
Шом-у саҳар бўлганча бедор,
Онам кутар қўнғироғимни.

Юрагимда соғинч ҳислари,
Сарғайтирди кўз қароғимни.
Ишдан қўймай боламни дея,
Онам кутар қўнғироғимни.

Кимларгадир салом йўлладим,
Яқин қилсин деб йироғимни.
Улар билан овора чоғим,
Онам кутар қўнғироғимни.

Юрагимни ўртайди алам,
Аритмайди дил фироғимни.
Кулбасида йўлимга қараб,
Онам кутар қўнғироғимни.

Кимларгадир битарман ғазал,
Ёритганча дил чироғимни.
Мен қофия излаган маҳал,
Онам кутар қўнғироғимни.

Пойингизга қўйиб ётай бош,
Чиқарганча бор чарчоғимни.
Йўлларимга бўлганча муштоқ,
Онам кутар қўнғироғимни.

Наргиза Ҳайдарова
Наманган вилояти

Ғурур шундай нарсаки.
Сен уни ўлдирмасанг. У сени ўлдириши мумкун.

https://t.me/NargizaHaydarova

Ёздим ва такрор ўчирдим,
Борлигимни билмагин дедим.
Ҳижронларнинг алангасида,
Юрагимни қовуриб едим.

Кетмоқчийдинг, мен кетдим олдин,
Излаб сарсон бўлмагин асло.
Мен севгимни сенга илиндим,
Сен заррача қилмадинг парво.

Куласанда жилмаясан жим,
Кетганимга айтасан шукур.
Мени қийнаб азобга солиб,
Кўнглинг топсин ҳаловат ҳузур.

Жим кутаман, ва яна жимман,
Сабрнинг ҳам косаси тўлди.
Бир муҳаббат кутган эдим-ку.
Бечора ишқ туғилмай ўлди

Наргиза Ҳайдарова.
Сакт-Петербург

Ҳаёт узун йўл. Агар сен тезроқ юрмасанг кимдир сендан олдинроқ мақсадларига эришар экан.
Ўз мақсадларинг сари олға қадам босишдан тўҳтама
https://t.me/NargizaHaydarova

@izlovchibot - istagan musiqani tez va oson toping!

Бошқа шоирлар нима, қандай ёзябди, фикрлаябди, даражаси қандай ва ҳоказо... Кузатмасдан балоям қилолмайди. Навоий Навоий бўлгани билан ўз давридаги 500 лаб шоирни кузатган, таҳлил қилган, фикр алмашган ва улар ҳақида китоб ҳам ёзган. Ҳатто бозорда юриб, шеър айтиб ўтиргич дарвешларни ҳам кузатган. Ва улардан биридан бир шеърни сотиб олиб, ўзи уни кучлироқ қилиб ёзган ҳам.

Ҳайрлашув.
?*?*??????
Наргиза Ҳайдарова
Шеъри.
????????
Ижрода.
????????
Баҳтиёр Анарбоев.

ижрочига каттакон раҳмат**

@NargizaHaydarova

**Ватан.
Кўз ўнгимга чекка бир қишлоқнинг чекка жойидаги уйимиз келади мендан-да ғариброқ кулбамизда мени йўлларимга интизор боққан ота-онам келади.
Қурама қишлоғида туғилганман болалигимда томга чиқиб дунёни кузатар эдим. Рўпарамизда баланд,, Куюк тепа қабристони ва олис олислардан тоғлар кўринар эди. Йиллар ўтиб ўша қабристон сари таниш билишларим, қариндош уруғларим, укам жигарларим бирин кетин йўл олишди. Томга чиқиб олиб тоғларга термилар эдим чиройли манзараларни чизар эдим. Катта Андижон каналининг шовуллаб оқиш-ю, ёнимиздаги Ҳақлабод ариқнинг текис гоҳ лойқа гоҳ тиниқ оқишигача эшитилар эди. Мен дунёни шу қишлоқнинг дала-дашти-ю ўт ўланида, кўлмак-ку гиёҳида кўрганман. Ёнимизда катта теракзор бўлар эди теракларнинг шовуллаган овози-ю, ҳар бир тўккан япроғида Ватанни кўрганман. Қураманинг ҳар бир одамларини содда нигоҳлари-ю, қайноқ қалбларида Ватанни ҳис қилган қиз эдим. Ҳозир олисларда юрсам ҳам ўша қишлоқни Норин дарёсини соғинаман мени шоир қилган шу Ватан деб ҳайқириб айтгим келади.

Наргиза Ҳайдарова
Санкт Петербург.**

@NargizaHaydarova

@NargizaHaydarova

Шошқалоқ инсоннинг ишига шайтон аралашар экан.

Наргиза Ҳайдарова