Йўқламасам йўқламайсиз!

Youtube | Telegram | Instagram | Facebook ✅

https://youtu.be/fSxwUVMbdyI?si=r-t5qBDlEqG5EYjr

Соғинганларим

Берган мехримдан суюнмадилар,
Менингдек жонимга куюнмадилар.
Сохталикдан  безиб кетяпман қаранг
Соғинганларим хеч соғинмадилар.

Бахтнинг қўлларидан тутаолмадим
Ёлғизлик дардини ютаолмадим.
Бундан ортиғини кутаолмадим,
Соғинганларим ҳеч,  соғинмадилар

Лайлидан ҳам ўтибман севги бобида,
Кимлар тиз чўкмади ишқим боғида.
Адашдим ожизман. гоҳи гоҳида
Соғинганларим ҳеч,  соғинмадилар.

Дўст деса бердим ўйламай борим,
Сўраса тутардим, хаттоки жоним.
Кутиб яшаяпман хар битта оним,
Соғинганларим ҳеч соғинмадилар.

Қуёшнинг шуласи бир кун сўнади,
Ёз тугаб, куз кейин, қиш хам келади
Тангрим мехрибон, мени шундай синади
Соғинганларим хеч соғинмадилар.

Соғинчнинг олови куйдирар ёмон,
Бу бир дард ўйлама,  қолмайсан омон.
Талпинма,  ошиқма хеч улар томон,
Соғинганларинг бил,  соғинмайдилар...

✍🏻 Лола Сабирова 08.09.2023

Youtube | Telegram | Instagram | Facebook ✅

#Премъера 🔥🔥🔥🔥

Дунёни талашманг дунёдан,

Кўнглингиз истайди неларни,
Вайрон қилар не не дилларни.
Нафсингиз куйдирар тилларни,
Дунёни талашманг дунёдан.

Инсон қадри пойгакда ётар,
Бу дийдалар тошдан тош қотар.
Билмам қачон, қайда тонг отар,
Дунёни талашманг дунёдан.

Гўдаклар ноласи қийнайди,
Оналар фарёди тинмайди.
Юрак нохақликка кўнмайди,
Дунёни талашманг дунёдан.

Пўписа қиласиз қўрқитиб,
Осмонни гўё қўлда тутиб.
Оллохнинг борлигин унутиб,
Дунёни талашманг дунёдан.

Отангизга лаънат келмасин,
Жон омонат тез узилмасин
Диллар ибодатдан тинмасин.
Дунёни талашманг дунёдан...
✍️ Лола Сабирова

Youtube | Telegram | Instagram | Facebook ✅

#Хазилона_шеър

Водийда қиз узатган оила, куёв томонга уч махал иссиқ овқат, хар байрамда сават тўлдириб албатта қуда томонни йўқлайди. Шунга бир хазил шеър.

Қиз бериб қутулдим деб, юрганлар адашади,
Чучварани билмайин хомида санашади.
Энди урф- одат билан ўлгунча курашади,
Сизга Оллох тўзим берсин қиз узатган аёллар!

Эрта тонгдан зиёфат:-каймоқ, патир,шир кулча,
Тушликка бориш керак овқат керак бир мунча,
Уч махал едирасиз,мехрибонсиз сиз бунча,
Сизга Оллох тўзим берсин қиз узатган аёллар!

Бирор байрам қолдирмай, саватлар тўлдирасиз,
Сомса, норинга қўшиб сеп-сидирға берасиз.
Қўшниси қиз туғсаям қуллуғ қилиб борасиз.
Сизга Оллох тўзим берсин қиз узатган аёллар!

Белингиз махкам боғланг, шай туринг хар бир ишга,
Қизингиз чидаб берсин турмушнинг зўр муштига.
Хуш келибсиз хаётнинг энг ширин ташвишига,
Сизга Оллох тўзим берсин қиз узатган аёллар!
✍️Лола Собирова 01.05.2018

Youtube | Telegram | Instagram | Facebook ✅