***Кўзимга қоронғу кўринди борлиқ,
Илон бўлиб чақди, қўйнимдагилар.
Уларга боримни этгандим тортиқ,
Кўнглимни қолдирди, кўнглимдагилар.

Ишондим, алдашди кўзларга боқиб,
Умидим кетдилар йилларда оқиб,
Қалбимда бир алам турибди қалқиб,
Кўнглимни қолдирди, кўнглимдагилар.

Кутмаган пайтимда, синовлар келди,
Ёшлигим совуриб, шамоллар елди,
Кўзимга чўп тиқди, кўксимни тилди,
Кўнглимни қолдирди, кўнглимдагилар.

Отган ҳар бир ўқи қалбингга тегар,
Пулинг бўлса бошин пойингга эгар,
Ўзин яқин қилиб кўрсатган жигар,
Кўнглимни қолдирди, кўнглимдагилар.

Мехр улашганнинг ёнига бордим,
Жонинг керак деса, кўксимни ёрдим,
Дилим оғритсалар, Худога солдим...!
Кўнглимни қолдирди кўнглимдагилар.

Ҳаққа яқин юрсам, кулганлар бўлди,
Дўст деган тулкилар узоқлаб юрди,
Қўрқиблар ўтдилар мен босган йўлни,
Кўнглимни қолдирди, кўнглимдагилар.

Дардимни қоғозлар кўтарди шукр,
Кўрдим кўргиликлар ўтарди шукр,
Софдил, ёлғон билмас, соддагина ғўр-
Кўнглимни қолдирди, кўнглимдагилар...***

🍁. Муаллифи куйилмаган.

https://t.me/OTAMI_SOGINDIM

https://t.me/OTAMI_SOGINDIM

ОНАМГА ХАТ

Қара, жоҳил чиқди шайҳим деганинг,
Шоирим деганинг – баттол, бадкирдор.
Болам келтирган, деб ҳалво еганинг –
Подшоҳлар пойида топталган, мурдор.

Аёзнинг қўллари сочингга теккан,
Баҳорнинг бармоғи етмас киссангга.
Беғам ўғлингга боқ –
Сен сори кетган
Ажалнинг изларин қилмас писанда!

Етар, бас! Орзиқиб кутганинг бекор!
Келса ҳам элтмагай бахтнинг кўшкига,
У парвоз қилмоқда – юксак, телбавор,
Ўткинчи ел каби шеърнинг ишқида.

Не бор, арзигулик алланг сатрига,
Қани, сиёҳ ютган дунёнинг гашти?
Менми, айт,
Кун келиб, ҳатто қабрингга
Бир туп гул қўймоққа қолмаган шашти?

Она, номард чиқди алпим деганинг,
Шоирим деганинг – сўз юқмас ноланг.
Соғинган маҳалинг, топсин деб таскин,
Мен ўша – шеър ёзиб овунган боланг...

Муҳаммад Сиддиқ

**Дўсту-ёрим дардим сезмас сўзимдан хам
Табассумсиз,маъюс тортган юзимдан хам
Юрагимнинг азобига недир малхам
Мени хечким тушунмайди, онамдан бошқа

Яқинлашиб марраларга етганимда
Парвонамсиз омад қўлин тутганимда
Қайлардасиз..? бугун ёрдам кутганимда
Билдим,жондан куюнмайди,онамдан бошқа

Дуо қилар шому-сахар умрини бер
Ўзигамас эртаю-кеч боламга дер
Бизлар тўйсак кейингина бир луқма ер
Бундай мехр беролмайди, онамдан бошқа.

Давронбек Ҳамидов ✍**

Соғинч..

Йўлларим ёпилди тўсиқлар бўлди,
Кўринмас туманлар қўпайди яна.
Кўнглим хам хўрсиниб ғуборга тўлди,
Соғиндим тугалмас мехрингиз Она.

Зулматдан чиқолмай нурга интилиб,
Тополмай ахтариб келяпман мана.
Кўзларим соғинчим қўйди билдириб,
Тугалмас мехрингиз согиндим Она.
😢🥹😢🥹
Сочларим оқини санайман ногоҳ,
Ошкора дардини кўрсатар тана.
Изладим ва лекин топмадим паноҳ,
Тенги йўқ мехрингиз согиндим Она.

Бағримда ўт бўлиб ёнар соғинчим,
Ҳаётдан ўқсиниб қилдимда гина.
Учрамас яқин дўст битта овунчим,
Топилмас мехрингиз согиндим Она.

Тенги йўқ дунёда инсон ўзингиз,
Мехрингиз борини бергансиз Она.
Яшайди талпиниб Нурлий ўғлингиз,
Соғиндим мехрингиз согиндим Она.

Odamlarga havas qilaman. Ular hammasiga ulgurayotgandek. Nazarimda juda dangasaman, sekinman, eng alamlisi ko'p uxlayman (juda ko'p yeyishimni bu safar indamay)...

Ular tongni tutib, ishga-o'qishga borib, qaytib, kechga kanalida bir ulkan kitobni tugatgani haqida yozishadi... Yoki kuniga she'r, ulkan postlar... Blogidagi videolar...

Men esa kipriklarni pirpirtaman va tamom. 30ga kirib qoldim.

Aslida hammasi yaxshi... Lekin shu hech kitoblar borasida dangasaligim yo'qolmadi. Men ham umrimda birorta kitobni tugatganim haqida yozmoqchi bo'laman, orzu asli shu, hech o'xshamaydi... Yana (kulib), kitob yozmoqchiman deganimga o'lamanda.

Men juda ta'sirchan odam sifatida tahlilimni qalbimda o'tkazishim bilan, tez o'qishdek qilib bir qarich qalinlikdagi kitobni bir-ikki kunda janozasini o'qib yuborishim boshqa-boshqa masala. Shunga bir sekin bo'lsam kerak.

Atrofim ham to'la aqlli. Men atrofni o'zidan har kitobni bitta qilib yig'a olishim mumkin. Tasvirlab berish, qalbimda tug'ilganimdan beri mavjudligini aytmasam, qolgani atrofimdagi aqllilardan olinadigan mayda qismlar. Ularga ozgina tasvir-tasavvur qo'shaman, ular menga o'qi deb kitob beradi. Men zulmat xonamdan saqlab, ularga kitobni 14kunda qaytaraman.

Hamma ichki olamidan boshqa odam. Kimdir chindan bir ko'z yugurtirib uqib, abadiy xotirada ushlab qoladigan zukko. Kimdir menga o'xshab, mendan battar dangasa...

Yana taskin beraman, nimamush, men o'qiydigan emas yozadigan darajamushman. Kulgim keladi...

Kitoblar ichida uchrab qolaman. O'qib, keyin yozaman. Siz uni o'qiysiz degan umiddaman. Baribir orzu – Orzu!

© #BI14

Шеър ўқимайдими, демак, зиёли эмас.

Майли ўтаверсин беш кунлик дунё,
Мендан ҳам қолади, сендан ҳам қолар.
Суюклигим менинг, қилмагил парво,
Иккимиздан қолса -битта ғам қолар.

Биз фақат дунёнинг ғамини едик,
Нима ҳам дер эдим, нима ҳам дейин,
Бизлар беш кун аввал ажралган эдик,
Бизлар учрашамиз беш кундан кейин.

(с)Одил Икром

• • Онгимда тўлғонар қандай мушкул иш?
    Ҳушёрман. Сезгирман. Турибман тикка.
    Умрга чўзилди бу тарз уйғониш -
    Жоним ҳаприқмоқда бесабрликда.

Бу сенми истиқбол - чевар оллоҳнинг
Измида борлиғин этётган бунёд?
Қанча вазни бордир умрлик “оҳ”нинг,
Қанча теранлиги чиққанинг чоҳнинг?..
Мен сенинг йўриғинг айлаяпман ёд.

Энди дардлашайлик! Оҳиста, бесас –
Миямдан қон сизсин сўзнинг жисмига,
Дунёлар айлансин ҳар бир қисмида...
Бу суҳбат бугунга ҳали керакмас,
Бу суҳбат бугунга ҳали керакмас...
Юрак эса борар Оллоҳ измида.

Усмон Азим

https://t.me/OTAMI_SOGINDIM