#bayram
Yaqinda Ustozlar kuni - kasb bayramimiz.
Uni qayerda, qanday, kimlar bilan o'tkazishni xohlardingiz, muhtaram Ustoz?
O'qituvchi uchun eng yaxshi sovg'a nima o'zi?
@suvaydo

#qoyil
Mana shu video 2-sinf o'qish darsligidan ekan.
Qanaqa qilib 8 yosh bola shuni tushunishi mumkin deb o'ylashdi darslik mualliflari?
"istehkom", "istilo", "ko'hna" kabi so'zlarni tushuntiraman deb qiynalib ketdim.
Urinib ko'ring, ishonmasangiz, oldingizga 8 yosh bolani o'tqazing, birga eshitinglar, nimani tushunding deb so'rang.

"O'ynab qo'yay bundaychikin darslikdan" desang tog'aymurodchasiga
@suvaydo

#kun_xulosasi
Jismoniy charchoq ruhiy zo'riqishga u esa holsizlika olib keladi.
@suvaydo

#kun_xulosasi
Har qanday hazilning ichida biroz hazil qismi ham bor.
@suvaydo

#qahhor
Bugun Abdulla Qahhorning tug'ilgan kuni.
Shu munosabat bilan "Anor" hikoyasi matni va u asosida ishlangan filmni muhokama qilamiz.
Vaqtingiz bo'lsa, 21:00da ovozli chatga kiring.
@suvaydo

#ham
**
Ittifoqo, o'rinbosarlardan biri xodimlar o'tiradigan xonaga kirib qoldi.
- Iye, Siz bizning xonada!? - dedi hazillashib xodimlardan biri.
- Ha, nima, buyam mening xonam, kiraman-da! - dedi o'rinbosar.

E'tibor bering-a, bu mening ham xonam, demadi, buyam mening xonam, - dedi.

Keyin: Men ham xodimman-ku bu yerda, - deb "dazmolladi".
Rahbar-xodim!
Naqadar jarangdor!

Darvoqe, yaqinda meni rahbarlarni yoqtirmaslikda ayblashdi.
Men rahbarlarni yoqtirmayman emas, yaxshiyam bor ular: lider, tashkilotchi, xodimlarni qadrlovchi..

Kamina o'zining rahbarligini pisanda qiladiganlarini jinim suymaydi, xolos.
@suvaydo

Islom litseyida yozgi toʻgaraklar oʻz faoliyatini boshladi. Farzandingiz taʻtilda vaqtini behuda sarflamasin, nimanidir oʻrgansin, desangiz, kurslar ayni muddao..
@suvaydo

#facebookdan

Жанубий Кореяда яшайдиган дўстим айтяпти, кореялик оналар фарзандлари нечта тўгаракка қатнашлари билан мақтаниб, ўзаро "пойга ўйнашади". Корея Республикасида мактабдан ташқари таълим соҳаси $20 млрд.лик йирик саноат. Яъни, ўқувчи бошига ота-оналар ҳар йили ўртача $15 минг доллар сарф қилишади. Мактаб таълими сифатини баҳолайдиган PISA рейтингида Корея Республикаси жаҳонда 4-ўринда туради (2024 йил). Яъни, бу мамлакатдаги мактаб таълими дунёда энг яхшиларидан. Шундай бўлса ҳам, бу ота-оналарни фарзандлари таълимига кўпроқ сармоя киритишдан тўхтатиб қўя олгани йўқ. Буни педагоглар яхши маънода "таълим иситмаси" дейишади.
Рақобат ва ишчи кучига талаб юқори жамиятда яхши яшашнинг ягона йўли - имкон қадар кўпроқ кўникмаларни эгаллашдир. Айниқса, таътил даври бунинг айни қулай фурсати.
3 ойлик таътил бола ҳаётида ҳал қилувчи палла - келажак ҳисоб сўрайдиган даражада катта давр. 11 йил давомида "1000 кун"дан унумли фойдаланилса, ота-она ҳам, жамият ҳам истиқболда бир ишсизнинг ташвишидан халос бўлади. Ёзни копток тепиб, кўча чангитиб ўтказадиган бола қимматли ресурсни ҳавога совураётганини ўзи сезмайди.
Бугунги турмуш тарзи, ўрганиш муҳити ва яшаш учун зарур кўникмалар манзараси бошқача. Меҳнат бозорида рақобат кучайиб, иқтисодиёт билимга асосланган соҳалар измига ўтмоқда. Бундай муҳитда муаммога ечим топиш, ижодий-яратувчанлик, мулоқот ва мослашувчанлик кўникмаларини, ўқиш-ёзишдан ташқари, молиявий ва технологик саводхонликни эгаллаган ёшлар муваффақият қозонадилар.
Ёзни янги - анъанавий дарслардан фарқ қилувчи интерфаол машғулотларга сарфлаш - келажак учун энг яхши сармоя. Фарзандингизни қўлидан тутиб, уни ўзингизга яқин тўгаракларга олиб боринг. Мисол учун, бугун кўп жойларда АйТи ва тил ўргатиш марказлари мавжуд. Компьютер саводхонлиги, дастурлаш, робототехника, хорижий тил курслари фарзандингиз истиқболи учун манфаатли бўлади.
Кўп кузатаман, қўшимча курслар боладаги фикрлашга ижобий таъсир қилади, дунёқарашини бойитиб касбга йўналтиради, қизиқишлари бир хил бўлган дўстлар орттириб, ижтимоий-мулоқот кўникмаларини мустаҳкамлайди.
1940-йилларда соғлом овқатланишни тарғиб қилувчи "Сен нима есанг - сен ўшасан", деган шиор оммалашади. Бугун ривожланиш ҳақида ўйлаб, "Биз нимага кўп пул тиксак - биз ўшамиз", деган фикр хаёлимга келади.
Корея Республикаси таълим туфайли букилган қаддини тиклаган, таълимдан бошқа умид йўқлигини ўтган асрдаёқ англаб етган. Бунинг эвазига у жаҳоннинг энг катта 14-иқтисодиёти саналади. Фарзандларимиз таълимига жанубий кореяликлар каби пул тикишга одатланмас эканмиз, улар эришган иқтисодий барқарорликни орзу қилиш бекор.
Shuhrat Sattorov
@suvaydo

#milliy_sertifikat
Xayrli kech!
O'zi istagan natijasiga erishganlarmi tabriklayman!
Gap 20%da ham emas, odam o'zini bir nimaga erishganday, bir pog'ona tepaga sakraganday his qiladi odatda ijobiy natijaga erishsa..

Menga kelsak, xafa ham, xursand ham emasman. Odamlar tabriklasa, xijolat ham bo'lyapman, rosti.

Aslida imtihon tarzidan rozi emasman.
Esse uchun nega bunaqa ball qo'ygani izohini so'ragan bo'lardim tekshiruvchi bilan baqamti kelib qolsam, ammo.. o'sha kuniyoq pir bo'lgan hafsalam tufayli, ballarni hisoblashga-da hushim kelmadi.

Sizlar bergan izohni o'qib =qo'ya qoldim.
O'zingga ma'qul bo'lmagan imtihondan yuqori ball olish uchun "qo'shning ko'r bo'lsa, ko'zingni qis" qabilida ish tutishing kerak, zotan..

Sertifikat mashmashalarini unutib, yo'lda davom etish kerak. Tamom.
@suvaydo