#Kun_xulosasi
Agar oʻqituvchi oʻz oʻquvchilariga imtihonlarda gʻirromlik qilish harom ekanligini oʻrgata olmagan boʻlsa, demak, u hech narsa oʻrgata olmabdi.
@suvaydo

#hikmat
O'zingni shod tutqil, g'am yema dunyo uchun zinhor,
Ki bir dam g'am yemakka arzimas dunyoyi farsuda.
Bobur
@suvaydo

#kun_xulosasi
Odam istasa, vaqtini barakali, unumli tasarruf qilishi mumkin.
Buning uchun umumiy suhbatlarga - g'iybatlarga qo'shilmaslik, telefonga chalg'imaslik kerak.

Olamni unutish maqsadga tezroq yetkazadi.
@suvaydo

#bayram
Yaqinda Ustozlar kuni - kasb bayramimiz.
Uni qayerda, qanday, kimlar bilan o'tkazishni xohlardingiz, muhtaram Ustoz?
O'qituvchi uchun eng yaxshi sovg'a nima o'zi?
@suvaydo

#qoyil
Mana shu video 2-sinf o'qish darsligidan ekan.
Qanaqa qilib 8 yosh bola shuni tushunishi mumkin deb o'ylashdi darslik mualliflari?
"istehkom", "istilo", "ko'hna" kabi so'zlarni tushuntiraman deb qiynalib ketdim.
Urinib ko'ring, ishonmasangiz, oldingizga 8 yosh bolani o'tqazing, birga eshitinglar, nimani tushunding deb so'rang.

"O'ynab qo'yay bundaychikin darslikdan" desang tog'aymurodchasiga
@suvaydo

#kun_xulosasi
Jismoniy charchoq ruhiy zo'riqishga u esa holsizlika olib keladi.
@suvaydo

#kun_xulosasi
Har qanday hazilning ichida biroz hazil qismi ham bor.
@suvaydo

#qahhor
Bugun Abdulla Qahhorning tug'ilgan kuni.
Shu munosabat bilan "Anor" hikoyasi matni va u asosida ishlangan filmni muhokama qilamiz.
Vaqtingiz bo'lsa, 21:00da ovozli chatga kiring.
@suvaydo

#ham
**
Ittifoqo, o'rinbosarlardan biri xodimlar o'tiradigan xonaga kirib qoldi.
- Iye, Siz bizning xonada!? - dedi hazillashib xodimlardan biri.
- Ha, nima, buyam mening xonam, kiraman-da! - dedi o'rinbosar.

E'tibor bering-a, bu mening ham xonam, demadi, buyam mening xonam, - dedi.

Keyin: Men ham xodimman-ku bu yerda, - deb "dazmolladi".
Rahbar-xodim!
Naqadar jarangdor!

Darvoqe, yaqinda meni rahbarlarni yoqtirmaslikda ayblashdi.
Men rahbarlarni yoqtirmayman emas, yaxshiyam bor ular: lider, tashkilotchi, xodimlarni qadrlovchi..

Kamina o'zining rahbarligini pisanda qiladiganlarini jinim suymaydi, xolos.
@suvaydo