Суннат намозларини ўқимайдиганларга эслатма

Бир йил давомида равотиб суннатларни ўқийдиган киши билан ўқимайдиган кишида ракатлар ўртасидаги фарқ 4380 ракат (!) бўлади.

Бир кунлик  витрни ўқийдиган киши билан витрни ўқимайдиган киши ўртасидаги фарқ бир йилда 1095 ракат бўлади.

Бир кунлик пешин намозини икки ракат суннатини ўқимайдиган киши билан ўқийдиганнинг ўртасидаги фарқ 730 ракат бўлади.

Суннатларга риоя этадиган ва риоя этмайдиганларнинг ракатларидаги фарқи 5475 ракат (!)ни ташкил этади. (3 ракатлик витр билан бирга)

Дангасалигимиз ва ҳаракатсизлигимиз сабабли бу улкан фарқни сезмаймиз. Шунинг унутмангки, ҳар бир ракатда икки марта сажда ҳолати бор. Демак, ҳар бир ракатни адо этиш билан жаннатда икки ўринга кўтарилиш бордир.

Расулуллоҳ соллаллоҳу алайҳи васалламнинг озод қилган қуллари Абу Абдуллоҳ ёки Абу Абдурроҳман Савбондан ривоят қилинади: Расулуллоҳ соллаллоҳу алайҳи васалламни: «Ўзингга кўп сажда қилишни лозим тут. Чунки Аллоҳга бирор сажда қилсанг, Аллоҳ ўша сажда сабабли даражангни кўтариб, хатоларингни ўчиради», деб айтганларини эшитдим.

Имом Муслим ривояти.

Жаноза1730
Га кичокда
Орзухон хожи она
Вафот этди

БОЙ БЎЛИШНИ ХОҲЛАЙСИЗМИ?
Йўқсиллик кўпинча ҳар қандай йўл билан бойлик тўплашга ундайди. Яна ҳам аниқроқ қилиб айтадиган бўлсак, камбағаллик ножўя ишларга сабаб бўладиган ҳаракатлантирувчи омил ҳисобланади. Ва аксинча, бойлик, тўқчилик одатда танбалликка, дангасаликка, лоқайдликка боис бўлса-да, бу ҳолат зарарлари камбағаллик келтириб чиқарадиган ёмон оқибатларга нисбатан камроқ бўлади. Камбағаллик борлиқда ўрнатилган илоҳий қонуниятларга шаккоклик қилиш, ризқ тақсимотига нисбатан шубҳа-гумонда бўлиш каби ҳолатларни келтириб чиқаради. Камбағаллик дунёқарашни салбий кўринишга олиб келади. Бу ҳақда Зуннун Мисрий ҳазратлари: «Сабр нималигини билмайдиган фақирлардан яхшилик чиқмайди. Сен сабр қила оладиганларга насиҳат қилгин», - деганлар. Ислом таълимотига кўра, бойлик Аллоҳ таолонинг улуғ, шукронаси талаб этиладиган неъматларидан биридир. Камбағаллик эса муаммолардан бири бўлиб, мусулмон киши Аллоҳдан унга дучор қилмаслигини сўраши ва қўлидан келганича бунга ўзи ҳам ҳаракат қилиши керак. Аллоҳ таоло бойликнинг катта неъмат эканлигини айтиб бундай марҳамат қилади: «Ва у сени камбағал ҳолда топиб, бой қилмадими?» (Зуҳо сураси 8-оят). Ибн Аббос розияллоҳу анҳумодан ривоят қилинади: «Расулуллоҳ соллаллоҳу алайҳи васаллам: «Кимки истиғфорни лозим тутса, Аллоҳ таоло ҳар бир тангликдан чиқувчи йўл ва ҳар турлик ғамдан енгиллик ҳамда уни ҳеч бир ўйламаган томонидан ризқлантириб қўяди», - дедилар» (Абу Довуд ва Ибн Можа ривояти). Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Нафсим қўлида бўлган Зотга қасамки, агар сизлар гуноҳ қилмасангизлар, Аллоҳ сизларни кетказиб (ўрнингизга бошқа) гуноҳ қиладиган қавмни олиб келади. Бас, улар (гуноҳларига) истиғфор айтишади, Аллоҳ эса уларнинг гуноҳларини кечиради», - дедилар» (Имом Муслим ривояти). Абдуллоҳ ибн Масъуд розияллоҳу анҳудан ривоят қилинади: «Расулуллоҳ соллаллоҳу алайҳи васалламни уч марта дуо қилган ва уч марта истиғфор айтган қойил қолдирар эди» (Абу Довуд ривояти). Биз мўмин-мусулмонларга Расулуллоҳ соллаллоҳу алайҳи васаллам марҳамат қилганларидек, Аллоҳ таолодан куфр ва камбағалликдан, йўқсилликдан, хорликдан, зулм қилиб қўйишдан ёхуд мазлум бўлиб қолишдан сақлашини ёлвориб сўраймиз, истиғфор айтамиз ва дуо қилиб қоламиз!

«Ҳар қадамда ибрат» китобидан.

​​#ҚИРҚ_ФАРЗ **Исломда бешта фарз бор:
   1. Иймон;
   2. Намоз;
   3. Рўза;
   4. Закот;
   5. Ҳаж.

Иймонда еттита фарз бор:
   1. Аллоҳга ишониш;
   2. Аллоҳнинг фаришталарига ишониш;
   3. Аллоҳнинг китобларига ишониш;
   4. Аллоҳнинг пайғамбарларига ишониш;
   5. Охират кунига ишониш;
   6. Қадарга — яхшилик ҳам, ёмонлик ҳам Аллоҳ таолонинг иродаси билан бўлишига ишониш;
   7. Ўлгандан кейин қайта тирилишга ишониш.

Таҳоратнинг фарзлари тўртта:
   1. Юзни тўлиқ ювиш;
   2. Қўлларни тирсаклари билан қўшиб ювиш;
   3. Бошнинг тўртдан бирига масҳ тортиш;
   4. Оёқларни тўпиғи билан қўшиб ювиш.

Ғуслнинг фарзлари учта:
   1. Оғизни ғарғара қилиб чайиш;
   2. Бурунни ачиштириб чайиш;
   3. Баданнинг ҳамма жойига сув етказиб ювиш.

Таяммумнинг фарзлари тўртта:
   1. Ният;
   2. Пок тупроқни қасд қилиш;
   3. Икки қўлни тоза тупроққа уриб, сўнг юзга суриш;
   4. Икки қўлни тупроққа уриб, тирсак билан қўшиб қўлларга суриш.

Намознинг фарзлари ўн иккита бўлиб, олтитаси намоз ташқарисидадир, улар "намознинг шартлари", дейилади:
   1. Баданнинг (жунуб, таҳоратсизлик, ҳайз, нифосдан) пок бўлмоғи;
   2. Кийимнинг пок бўлмоғи ва авратнинг тўсилмоғи;
   3. Намоз ўрнининг пок бўлмоғи;
   4. Намоз вақтининг кирмоғи;
   5. Қиблага юзланиб ўқимоқ;
   6. Дилдан (холис) ният қилмоқ;

Олтитаси намоз ичида бўлиб, улар "намознинг рукнлари" дейилади:
   1. Намозга такбири таҳрима билан кириш;
   2. Қиём;
   3. Қироат;
   4. Рукуъ;
   5. Сажда;
   6. Қаъдаи охир.

Яна қуйидагилар ҳам фарздир:
   1. Илм олиш;
   2. Амри маъруф ва наҳий мункар;
   3. Ҳайз ва нифос илмини билиш;
   4. Ризқни ҳалол йўл билан топиш;
   5. Шариат ҳалол деб белгилаган нарсаларнигина ейиш.

Шайх Муҳаммад Содиқ Муҳаммад Юсуфнинг
"Мўминнинг меърожи" китобидан.**

ТАЪЗИЯ БЎЛГАН ХОНАДОНДА ИДИШ-ТОВОҚЛАР ТАРҚАТИЛИШИ ЖОИЗМИ?
#таъзия

*❓*1378-CАВОЛ: Бизни Қўқон томонларда таъзия бўлган хонадон эгалари таъзияга келган аёлларга идиш товоқ, баъзи жойларда қозонлар тарқатишади. Бу ҳолатга шариатда кўрсатмалар келганми?

? ЖАВОБ:** Бисмиллаҳир роҳманир роҳим. Шариатимизда бундай кўрсатма йўқ. Чунки агар бундай нарсалар маййитдан қолган маблағлардан ёки идишлардан берилса, мутлақо мумкин эмас. Сабаби маййитдан қолган мол-мулклар барча меросхўрлар ўртасида муштарак молга айланиб қолади. Шериклик молларни эса бир-бирининг розилигисиз бошқаларга бериш мумкин эмас. “Шарҳул мажалла” китобида бундай дейилган:
"كما ان اعيان المتوفي المتروكة عنه مشتركة بين الورثة علي حسب حصصهم."
“Маййитдан қолган мол-мулклар меросхўрлар ўртасида ҳиссасига кўра муштарак мол ҳисобланади”. “Мажаллатул аҳком” китобида бундай дейилади:
ولا يجوز لأحدهما أن يتصرف في نصيب الآخر إلا بأمره
“Шерикларнинг бири шеригининг ҳиссасини унинг рухсатисиз тасарруф қила олмайди”.
Маййитнинг яқинлари буни ўз ҳисобимиздан қиламиз, маййитнинг молига тегмаймиз, десалар ҳам бундан сақланиш керак. Сабаби шариатда буюрилмаган нарса одамлар орасида тарқаб, мажбурийга айланади ва одамларни мушкул аҳволга солиб қўяди. Шундоқ ҳам мусибат устида турганлар учун бу нарса оғирлик қилади. Бунинг ўрнига Қуръон тиловати, таҳлил, тасбиҳ каби зикрларни айтиб, савобини маййитга бағишлаш фойдалидир. Валлоҳу аълам.

Ўзбекистон мусулмонлари идораси
Фатво маркази.