А.А. Саввин аатынан Чурапчытааҕы история уонна этнография музейа өрөмүөн кэнниттэн аанын арыйда

“Култуура” национальнай бырайыак чэрчитинэн, өр кэмҥэ кыаллыбакка турбут уустуктар туоратыллан, дьиэҕэ үлэлиир усулуобуйа олохтонно. Өрөмүөн үлэтин Гавриил Платонов салайааччылаах “ПД-Инжиниринг” ХЭТ ыытта.

Музей дьиэтэ 2008с. тутуллан баран, 2015с. биирдэ үлэҕэ киирбитэ. Сылтан сыл дьиэ тымныйан, ис өттө өрөмүөҥҥэ наадыйан барбыта. Былырыын “Култуура” национальнай бырайыакка хапсан, улууспутуттан эбии үбү көрөн, проектнай-сметнэй үлэтин оҥорбуппут, маны сэргэ стендэлэри, миэбэллэри саҥардан биэрдибит.

Бэлиэ күҥҥэ СӨ Култуура уонна духуобунай сайдыы министиэристибэтэ, Гуманитарнай чинчийии уонна аҕыйах ахсааннаах хотугу омуктар кыһалҕаларын института уонна Чурапчы улууһун дьаһалтата бииргэ үлэлииргэ үс өрүттээх сөбүлэҥи түһэристибит. 

Онон мантан инньэ дьоммут-сэргэбит, оҕолорбут уонна ыалдьыттарбыт улууспут историятын кытта саҥалыы тыыннаммыт, аныгылыы тупсаҕайдык оҥоһуллубут музейга билсиэхтэрэ.

Чурапчыбытыгар көрдүүр-быыһыыр этэрээт саҥа дьиэтэ аһылынна

Дьиэ аһыллыытын үөрүүлээх чааһыгар СӨ гражданскай оборонатын уонна нэһилиэнньэ олоҕор-дьаһаҕар куттал суох буолуутун хааччыйар миниистирэ Дмитрий Лепчиков, СӨ быыһыыр сулууспатын салайааччыта Иннокентий Андросов, Тааттатааҕы көрдүүр-быыһыыр этэрээт салайааччыта Павел Попов, о.д.а. кэлэн эҕэрдэлээтилэр.

Дьиэ улуус салалтатын быһаччы хонтуруолунан, улуус фондатын кытта
ыкса сибээстээхтик үлэлэһэн, 4
ый иһигэр үлэҕэ киирдэ.

Бу 4 ый эттэххэ дөбөҥ. Николай Терютин салайааччылаах быыһыыр этэрээт хорсун - хоодуот байыастара, саас муус устар ыйтан саҕалаан, күһүн балаҕан ыйыгар диэри Чурапчы, Хадаар, Мындаҕаайы, Мырыла нэһилиэктэригэр уонна Таатта улууһугар сүппүт дьону көрдөөһүҥҥэ, Томпо, Абый улуустарыгар ойуур баһаарын умулларыыга түүннэри - күнүстэри үлэлээбиттэрэ.

Уолаттар чэпчэкитэ суох суһал үлэлэрин таһынан быыс-арыт булан, дьиэлэрин бэйэлэрэ туттулар. Бу кинилэр чахчы түмсүүлээхтэрин, дьон-норуот туһугар сыраларын- сылбаларын аныыр дьиҥ патриот дьон буолалларын бэлиэтиир.

Саҥа дьиэҕэ киирэн, үлэлэрэ өссө таһаарыылаах, ситиһилээх буоларыгар баҕарабын.

Проводим публичные слушания по проекту бюджета МР «Чурапчинский улус» на 2025 год и на плановый период 2026 и 2027 годов.

Прямая трансляция по ссылке https://t.me/sargydaevstepan