https://vk.com/wall239367272_1458

Совсем забыла про эту песню на мои стихи, музыку Михаила Кычкина в его исполнении🥰 на днях она появилась на всех музплощадках🙌🏻 это своего рода моя "Ода женщинам - мамам, сестрам, дочерям, подругам, бабушкам❤️

Илин эҥэр –
Итиинэн илгийэр сүрэхпэр.
Ааттыыбын дорҕоонноохтук
Барыгытын, киэн тутта:
Мэҥэ-Хаҥалас, Чурапчы,
Таатта, Уус-Алдан, Амма.
Оҕо эрдэхпиттэн истэр, билэр,
Сэргиир, өрүү миэхэ чугас
Хаһан да умнубат ытык ааттарым,
Таалалаан улааппыт,
Маанылаан үөскэппит
Төрүт сирим-уотум, мин кутум биһигэ,
Өбүгэм хаалларбыт күндү бэлэҕэ.
Улуу Эбэттэн тардыыланар
Кэрэкэ, сүгүрүйэр сирдэрим.
Сүрэхпиттэн тыргыллар хорук тымырым-
Уйаара-кэйээрэ көстүбэт,
Киэҥ-нэлэмэн Сахам сирин
Бастыҥ сорҕото буолаҕын, эн, Илин эҥэр.
Үйэлэр тухары күөҕүнэн чэлгий,
Ырааскынан ыра буол,
Үрдүк халлааныҥ саппаҕырбатын,
Күлүмүрдүүр күнүҥ өлбөөдүйбэтин!
Уонна сүүһүнэн тыһыынча сүрэхтэргэ
Эн өрүү итиинэн илгий,
Илин эҥэр!
Яна Байгожаева

Кууста эмиэ тиийэн кэлэн
Курас уостаах дуй күһүн,
Ааста эмиэ аттыбынан
Аалай сарыал биир сайын...

Алгыы, таптыы сайыһабын,
Аргыстаһа сатыыбын,
Алааспыттан тахсан баран,
Аара суолга маныыбын.

Кини саспыт чараҥнара
Киистэлэрэ саһарбыт,
Көтөн ааспыт кырдалларын
Күөҕэ бэлиэр бараммыт.

Аппын аара тохтотуоҕум,
Аргыый көрөн туруоҕум,
Түөспэр түһэр сэбирдэҕи
Тутан ылан уктуоҕум.

Алгыы, таптыы сайыһабын,
Аргыстаһа сатыыбын,
Ааста эмиэ аттыбынан
Аалай сарыал биир сайын...

@Лиза Мигалкина