Ёшлар билан ишлаш: тизим такомиллашмоқда#3jan #uzbekiston24

mtrk.uz | Youtube | Facebook | Telegram | uztv.tv | TV-dastur

HÚRMETLI WATANLASLAR, ÁZIZ JASLAR!

Bársheńizdi kirip kiyatırǵan Jańa 2024-jıl bayramı menen Jaslar isleri agentligi Qaraqalpaqstan Respublikası basqarması jámááti hám jeke ózimniń atımnan qızǵın qutlıqlayman.

Ótken 2023-jıl jaslar turmısında túp burılıslar, keń imkaniyatlar jılı bolǵanlıǵın maqtanısh penen ayta alamız. Húrmetli Prezidentimiz tárepinen qaraqalpaqstanlı jaslar ushın qosımsha kvota ajıratılıwı sebep kóplegen jaslarımız student bolıw baxtına eristi. Jaslar kásip-ónerge úyretildi, máhálle kesiminde hár bir jas xatlawdan ótkerilip, járdemge mútáj jaslar "Jaslar dápteri"ne kiritildi hám "Jaslar fondı" tárepinen ámeliy járdemler kórsetildi. Kirip kiyatırǵan Jańa jılda da jaslarımız ushın jańadan jańa imkaniyatlar jáne de keńeyiwi sózsiz. Óytkeni, biz jaslar mámleketi bolǵan - Jańa Ózbekstanda jasaymız.

Jańa jıl elimizge, hár bir shańaraqqa bereket, dáwlet hám mol ırısqı nesiybe alıp kelsin!

Húrmet penen,
Jaslar isleri agentligi Qaraqalpaqstan Respublikası basqarması baslıǵı
Polat Maxsetbayev

Qaraqalpaqstanlı jaslar haqqında "Yoshlar ovozi" gazetasınıń 20-dekabr kúngi 53-sanında…

🌐 Telegram | Instagram

☝️Oylap kóriń, ómir - bul bes domalaq sharlardan jasalǵan oyın. Bul sharlar - Jumıs, Shańaraq, Densawlıq, Doslar, Qálb. Hám siz hámmesin hawada uslap turıwıńız kerek boladı.

Tez arada siz Jumıs sharınıń rezinadan tayarlanǵanlıǵın túsinip jetesiz - eger siz onı tosattan túsirip jiberseńiz, ol sekirip qaytıp keledi, biraq qalǵan tórt shar - Shańaraq, Densawlıq, Doslar, Qálb - shiysheden jasalǵan.

Eger siz olardan birin tosattan túsirip jiberseńiz, ol tiklep bolmaytuǵın dárejede zaqımlanadı, sınadı, tırnaladı yaki, hátteki, maydalanıp ketedi hám ol heshqashan aldıńǵıday bolmaydı.

Siz bunı túsinip jetiwińiz hám bulardıń júz bermewiniń aldın alıwǵa háreket etiwińiz kerek. Jumıs waqtında maksimal dárejede nátiyjeli isleń, sonda nátiyjege erise alasız.

Qaysı sharlardı kóbirek asıraw kerekligin umıtpań.

*©Brayan Dayson*

🌐 Telegram | Instagram

Tabısqa erisken insanlardıń tańǵı 5 ádeti

Tańdı qay tárizde qarsı alıw kún dawamındaǵı keypiyatıńızǵa tikkeley tásir etedi. Solay eken, tabısqa erisken insanlardıń usı ádetlerin ózińizde qáliplestiriwge háreket etiń.

*📌 Oyanǵannan soń dárhal telefonnan paydalanbań.* Tańnıń dáslepki minutların kewilli ótkeriwge háreket etiń.

📌Jobalastırılǵan waqıtta oyanıń. Tabıstıń tiykarǵı giltlerinen biri ózińizge bolǵan isenim bolıp esaplanadı. Sol sebepli, keshe saat neshede oyanıwdı jobalastırǵan bolsańız, tap sol waqıtta oyanıwǵa háreket etiń.

📌 Qıyın jumıslardı kúniń birinshi yarımında orınlap alıń. Búgingi kún ushın jobalastırılǵan eń áhmiyetli hám qıyın jumıstı tań waqtında orınlap alsańız, kúniń ekinshi yarımın basqa jumıslar ushın paydalanıw múmkinshiligi payda boladı.

📌 Keshegi kúndi analizleń. Analiz procesi búgingi kúndi durıs jobalastırıwǵa járdem beredi. Sheshilmey qalǵan mashqalalardı búgin bir jaqlı etip alıń, olardı erteńgi kúnge “ótkerip jibermeń”.

*📌 Tańǵı dene shınıqtırıw.* Tańda fizikalıq shınıǵıwlar ushın 10 minut waqıt ajıratsańız jetkilikli. Mine sonıń ózi de kún dawamında ózińizdi tetik seziwge múmkinshilik jaratadı.

Bizdi sociallıq tarmaqlarda baqlap barıń: Telegram | Instagram