https://youtu.be/Bl1l-NEvCFA?si=tAE9P1pWhu7rqIb3

Бугун - Маринанинг туғилган куни.

Ўзинг асра, Худойим, сўнмоқда икки қуёш,
Бири кўкда, бирови чап кўксимда жонталош.

Улар каби кечира оламанми ўзимни?
Бул икки қуёш менинг оғдирди-ку эсимни.

Кўз қамашмас нурлардан сўнади иккови ҳам,
Қай бирин тафти баланд — аввал топгуси барҳам.

Tangri kulib egildi yerga –
Bog'lab qo'ydi dil rishtalarin .
Olamlarni to'ldirib nurga
Yaratdi pok farishtalarin .

Ular guldir jannat bog'ida ,
Nurdan bunyod garchi zotlari .
Qanotlari ulkan , gohida
Uchrab qolar beqanotlari .

Taqdirdagi g'avg'olar shundan ,
Shundan asli qalbimdagi dog' .
Netay sevdim yaralgan kundan
Farishtasin Tangridan ko'proq ...

Gulnoz Mo'minova tarjimasi

@Marina_Svetayeva

Dengizdan ham yiroqlarga ketgan aziz do'st,
Mana sizga atirgullar – talpining , tuting .
Bisotimdan oluvdingiz ,( ming bora afsus)
Eng qadrli, eng topilmas zamin ne'matin .
Oh, aldandim , meni tunab ketishdi yomon :
Na uzuk bor va na maktub – xotira uchun .
Ko'z oldimda ketmagaydir hattoki bir on
Hayrat to'la ko'zlar aro porlagan uchqun .
Unga yaqin borishimni o'tingandi goh –
Xotiramda qolgan ko'zlar – mehr kutguvchi
Va tabassum ( gar adashsam , kechirsin Alloh )
Jon berar chog' gunohlardan forig' etguvchi !
Aziz do'stim , ketgandirsiz manguga balki ,
Qirlar aro go'zal vodiy kutmoqda sizni

Shul jannatda duo qiling , ko'rmayin toki
Sizdan o'zga dengizchi- yu yot bor dengizni .

Gulnoz Mo'minova tarjimasi

@Marina_Svetayeva