أكثر الطلبة لي كانو حاطين رواحهم فايقين ويشتيو يتبعو غير الهف ويسمعو لمافيا الدورات وميقراوش وحدهم في الدار أكثر ويركزو غير على المواد الأساسية... هذو هوما لي مينجحوش او يجيبو 10 و11.... فيا جماعة والله اني لكم لناصح... ردو بابكم... مزال الوقت باش تصححو اخطاءكم وتراجعو نفوسكم وتخمو في لي ينفعكم وتبعو لي ينصحكم

رااااك غالط اذا كنت تقرا لأوقات متأخرة وتظن انك على حق... راك تعب في روحك... وكي يوصل مارس او افريل تغلب وتكره وميكونش عندك حافز للدراسة... اقرا بذكاء.. متقراش وش يملي عليك الناس... وش قادر انت تقرا... هذازهو الصح... كي تغلب حبس وكي تتحفز اقرا... مش قرآن هذا تاع انك تقرا طول ومتتعبش وووو... هذا تمهبيل وكذب تاع بعض من يدعي انو مؤثر ومشهور ووو.... الله البه، على القراية الصباح بكري... وبالأخص اذا بديت نهار بالصلاة والقرآن وصلاة الفجر في المسجد ادا كنت ذكر..... والله، راح تلقى راحة وكبيرة وقابلية للدراسة والحفظ... وجرب وخبرني... ابدا يومك بالحفظ مباشرة للمرة الاولى... ولليوم الثاني اقرا شويا قرآن ولو3 او 4 صفحات وروح بعد احفظ... راح تلقى احساس مغاير ونفسك قادرة باش تحفظ بسرعة وعندك قابلية.. مش كي تروح مباشرة راح تلقى روحك تقرا فوق قلبك ومش قادر اصلا تستوعب وووو

أحسن شهر وأجمل فرصة وأفضل وقت باش تدارك أخطاءك وتراجع حساباتك وتقيم مستواك وتقوم أخطاءك وجدد طاقتك هو شهو ديسمبر وبعد الامتحانات بالضبط... فردو باااااااالكم متستغلوهش.... حاولو تبداو ديرو ملخصات مختصرة وتراجع كل مرة ولو ل 10 دقايق ومرة جاية حل ولو موضوع...وسجل أكثر الاسئلة ابمتكررة والاسئلة لي مش مالفة طيح..... ومطيش هذوك المواضيع ... باش بعد مدة ترجع لسهم وتزيد تحلهم.... اقرا بذكااااااء.. متقراش برك لساعات طوال وتغلب روحك وتسهر في الباطل...... كن ذكيا

بعد الامتحانات نديرو مين ذاك بثوث مباشرة مع طلبة متفوقين لتحفيزكم في صفحة الانستغرام

رابط صفحة انستغرام الأولى
https://www.instagram.com/djadlii

رابط صفحة انستغرام الثانية
https://www.instagram.com/djadli.bac