Last updated 2 days, 9 hours ago
Сайт: digital-universe.org
Адміністратор: @Universe_CRM
Last updated 10 months, 3 weeks ago
Last updated 1 month, 2 weeks ago
🎂 24 гады спаўняецца сёння палітзняволенаму анархісту Мікіце Емельянаву!
1617(!) дзён Мікіта знаходзіцца ў зняволенні і адстойвае свае правы. Мы ведаем, што ён адчувае і бачыць нашую салідарнасць, таму жадаем сказаць - не апускайце рукі і рабіце. Рабіце за Мікіту і іншых палітвязняў, змагайцеся за правы і свабоду, хай нашым святлом у поўнай цемры будуць учынкі нашых палітвязняў 🖤
Павіншаваць Мікіту вы можаце праз наш сайт: https://stayrebel.fun/letter. Усе лісты захоўваюцца ў Банку Лістоў і ў любым выпадку прападуць у рукі таго, каму вы пішаце.
Пакуль усе не будуць вольныя!
#dissidentby
🔗 7 чэрвеня 2021 года чатыры чалавекі з Бабруйска атрымалі тэрміны да 8 гадоў пазбаўлення волі. Іх абвінавацілі ў падпале "Табакеркі", спыненні таварнага цягніка і ў прабіванні колаў у аўтамабіля.
📣 Усе фігуранты патлумачылі свае дзеянні пратэстам супраць сітуацыі ў краіне пасля прэзідэнцкіх выбараў 9 жніўня, а менавіта беспадстаўных затрыманняў і катаванняў людзей з боку сілавікоў.
Затрымлівалі ўсіх з ужываннем гвалту, катавалі некалькі гадзінаў з мэтай атрымання патрэбных доказаў, што і апублікавалі ў фармаце відэа на афіцыйных каналах.
🔍 У зняволенні па гэтай справе знаходзяцца:
Віталь Васілевіч (7,5 гадоў пазбаўлення волі)
ПК №1, 211440, г. Наваполацк,вул. Тэхнічная, 8
Аляксандр Мар'ясаў (7,5 гадоў пазбаўлення волі)
ПК №15, 212013, г.Магілёў, п/а Вейна, Слаўгарадская шаша 183
Аляксандр Назаровіч (8 гадоў пазбаўлення волі)
ПК-11, г.Ваўкавыск, вул. Ракасоўскага, 118, 231900
👍 Вы заўседы можаце даслаць лісты палітвязням праз наш сайт ананімна і бясплатна.
🕊 Пакуль усе не будуць вольныя!
⛪️ Георгій Рой - протаіерэй з Гродна. Пасля прэзідэнцкіх выбараў у 2020 годзе публічна асудзіў фальсіфікацыі і гвалт у дачыненні да мірных пратэстуючых беларусаў, аказваў дапамогу затрыманым. Святар беларускай абшчыны Сусветнага патрыярхата ў Вільні, Літва.
Георгій будзе асвятляць лёс палітзняволенага Алега Рубца.
🔻 Алег Рубец - жыхар Пінску, быў затрыманы ў ноч з 9 на 10 жніўня 2020 і моцна збіты. Падчас затрымання Алегу было 18 год. У выніку ён быў асуджаны да 5,5 гадоў калоніі. Шмат разоў змяшчаўся у ШІЗА, затым у ПКТ, пасля пакаранне ўзмацнілі ды перавялі ў "крытую" турму. 7 сакавіка 2024 года ў Жодзіна Алегу быў вынесены новы прысуд па арт. 411 КК РБ - дадатковых 1,5 гады зняволення. Агульны тэрмін складае 7 гадоў пазбаўленя волі.
Што можна зрабіць, каб падтрымаць Алега?▪️Напісаць ліст АНЛАЙН▪️ Напісаць пра Алега ў сваіх сацыяльных сетках
▪️ Зрабіць акцыю падтрымкі ў любым фармаце
#dissidentby
Разам з @viasna96 на цяперашні момант налічылі больш за 130 затрыманняў. Вядома, пра распачатыя крымінальныя справы па 361-4 КК РБ.
Ад 8 раніцы да 18 вечара ў маці Марыны Касінеравай (па прапісцы) праводзілі вобшук супрацоўнікі мясцовага КДБ і аказвалі псіхалагічны ціск, каб атрымаць неабходную інфармацыю. З якой крымінальнай справай звязаны вобшук - невядома.
📢 Раніцай была затрымана Марына Адамовіч, жонка палітвязня Мікалая Статкевіча.Пра самаго Мікалая больш за 11 месяцаў няма звестак.
Для чаго варта быць Вартаўніком ці Вартаўніцай для палітвязня?🌐 На сайце dissidentby.com (люстэрка stayrebel.fun) ёсць магчымасць націснуць пад фотаздымкам вязня і пакінуць свой кантакт, каб пачаць апекавацца на рэгулярнай аснове канкрэтным чалавекам.
Што гэта значыць і чаму гэта важна?- маральная падтрымка блізкіх (знаходзячыся на прамым кантакце, вы ведаеце пра навіны, пра праблемы, заўсёды можаце падтрымаць добрым словам і раздзяліць цяжар сітуацыі). Мы атрымоўваем шмат водгукаў ад сем'яў, і нават такія дробязі вельмі бадзёраць і выклікаюць слёзы шчасця ад таго, што сям'я не застаецца адзін на адзін з праблемай;
- магчымасць распаўсюдзіць інфармацыю (шмат беларусаў і беларусак знаходзяцца за мяжой, таму гэта цудоўная магчымасць прысвячаць акцыі і мерапрыемствы салідарнасці падапечным вязням, каб падрабязныя гісторыі вызывалі больш водгукаў у сэрцах неабыякавых людзей);
- матэрыяльная грашовая падтрымка (нават калі вы можаце падтрымаць сям'ю нейкай сумай рэгулярна - гэта ўжо магчымасць пакласці чалавеку ў зняволенні на асабісты рахунак, набыць больш прадуктаў, падрыхтаваць больш поўную перадачу ці аплаціць квіткі да месца зняволення);
- абмен паслугамі і рэчамі (вы можаце падзяліцца неабходнымі рэчамі, якія засталіся ў Беларусі і вам не патрэбны, а сям'і будзе ў гэтым удзячна; таксама вы можаце навучыць чалавека ці дзяцей нейкім навыкам, якімі вы валодаеце, і якія не можа аплаціць сям'я асобна).
Апякунства вязням - гэта моцная сувязь і падтрымка на доўгія гады, якая не вызнае межаў і за якую не хопіць словаў каб выказаць удзячнасць.
Наш бот: @dissidentby_bot
За апошні тыдзень на волю выйшлі 5 палітвязняў, у ноч з 8 на 9 студзеня ад пнеўманіі ў калоніі памёр палітвязень Вадзім Храсько.
🔗 Новыя палітвязні: Мікалай і Іна Ш., Наталля Рамашова, Аксана Воінава, Аляксандр Зянкоў, Алег Кацапаў, Аляксандр Яшкін, Сяргей Якубенак, Ігар Казубаў, Галіна Краснянская.
👍 Вы заўседы можаце даслаць лісты палітвязням праз наш сайт ананімна і бясплатна.
Спіс палітвязняў: https://stayrebel.fun/by/political (даступны без VPN)
Па інфармацыі ПЦ Вясна, у калоніі памёр палітвязень. У калоніі № 3 «Віцьбе» памёр 50-гадовы палітзняволены Вадзім Храсько. У жніўні 2023 года суддзя Сяргей Хрыпач прызначыў яму 3 гады зняволення за некалькі данатаў, негледзячы на тое, што мужчына меў сур'ёзнае захворванне.
Вадзім памёр у ноч з 8 на 9 студзеня ад пнеўманіі. У бальніцу мужчыну даставілі, калі ўжо нельга было яго выратаваць.
Гэта чацьвёртая смерць за кратамі. Увесь спіс ахвяраў рэжыму з 2020: https://dissidentby.com/victims
Last updated 2 days, 9 hours ago
Сайт: digital-universe.org
Адміністратор: @Universe_CRM
Last updated 10 months, 3 weeks ago
Last updated 1 month, 2 weeks ago