‏الحاجة الوحيدة اللي بقيت عاوزها مؤخرا اني اكون فـ حالي بس .. بعيد عن كل الناس وبعيد عن قال وقلنا وقولت، وبعيد عن سوء الظنون والمشاكل، وبعيد عن اي حاجه وحشه فـ حالي مرتاح البال واختار اني اعيش عمري كله في هدوء ومش قلقان ومش بثبت لحد حاجه ولا بحارب عشان احافظ على مكانتي عند حد

‏أصعب قرار ممكن تقف قدامه هو أمشي و لا أحاول كمان مره

‏في العلاقات الإنسانية أنا مش محتاج شخص كامل أنا محتاج شخص بسيط ومريح

‏بقالي فتره حاسس اني مفتقدني

‏بس عارفين إيه الجامد؟ مع مرور الوقت بتدرك إنك تستحق الأفضل وإنك حرفياً مخسرتش حاجة

‏أنا حاسس إني تايه، أنا مُش كويس ولا مبسوط بس بعرف أعدي اليوم وخلاص، حاسس إن فيه حاجه ناقصاني وإني حابب أكون لوحدي بس مش عايز أفضل لوحدي، مبقتش أصدق أي حد وثقتي فـ الكل تقريباً بقت شبه معدومة، أنا عايز أرجع لنفسي وشخصيتي القديمة فـ راحة البال بس والبسَّاطة إللي كُنت فيها، أنا تعبت .

‏تبقى قاعد زي الفل تلاقي دماغك رزعتك واحدة " احنا ازاي سمحنا لحد يأذينا كدا؟
تجيب أجلك

‏لما بنفارق شخص عزيز علينا أو لما بنخسر حاجة مهمة في حياتنا بتلاقي الناس بتقولك:"متشغلش بالك الدنيا مش هتقف على حد والحياة هتمشي"أنا متفهم جدًا إن الحياة هتمشي،بس هل هتمشي بشكلها الطبيعي؟ معتقدش،وقتها الحياة بتبقى تقيلة على قلوبنا، بتمشي عشان هي لازم تمشي مش عشان إحنا عايزنها تمشي

احنا بس عندنا مشكلتين دلوقتي
١- احنا عايشين مستنيين
٢- احنا معندناش فكرة مستنيين ايه

‏عندي سؤالين
ليه؟
لحد امتى؟