ضبطي درجة حرارة المياة في السخان على الدرجة اللي انتي تستحمليها ، بلاش تخلي السخان على اعلى درجة حرارة و تفضلي تبردي في المياة و ترجعي تسخنيها و تحرقي ايديك بدرجة الحرارة العالية و تفضلي رايحة جاية مش عارفة تضبطي الحرارة المناسبة ، اضبطيها من الاول و ريحي نفسك و وفري المياه اللي بتضيع هدر دي 💜💜💜

اجمل حاجة عملتها في نفسي و عيلتي آخر خمس سنوات اني منعت السكر نهائياً و الزيوت المهدرجة و اللحوم المجمدة و اي اكل فيه مواد حافظة 😊😊😊

و اعتمدت في اكلنا على اللحوم الطازجة ( لحوم، دجاج ، سمك ، كبدة ) 🐟🥩🍗

و اعتمدت على الخضروات و الفواكهه الطازجة كجزء اساسي في وجباتنا او بين الوجبات 🥒🫑🌶️🧄🧅🥔🍠

و اعتمدت على السمنة البلدي و الزبدة و الدهن ( اللية) و زيت الزيتون كبديل للزيوت النباتيه المهدرجة المصنعة🫙🍶🧉

واعتمدت على البقوليات من العطار بدل السوبر ماركت ، و استغنيت عن كل طلبات السوبر ماركت لانها تحتوي على مواد حافظة وعن كل اكل المطاعم الجاهزة🍟🍔🥙🌮

في ناس بتقولي ازاي تعيشي بدون سكر نهائي 🤔🤔 اكيد بتشتاقي تاكلي حاجة مسكرة ، بيكون ردي : لا أنا مش عايشة بدون سكر انا باكل تمر كتير و زبيب و تين مجفف و مشمش مجفف و قراصيا و فواكهه بكل أنواعها و عسل نحل و بشرب عصير قصب ، و كل دي حاجات مسكرة و طبيعية و مش بتضر جسمي 🍯🍇🍓🍉🍒🥭🍎🍏

🟡في نقطة مهمه ناس كتير مش فاهمينها : ان ربنا سبحانه و تعالى خلق أجسامنا و خلق الاكل اللي يدخل أجسامنا و عَرّف جسمنا بالأكل ده و ازاي يتعامل معاه و يحوله لطاقة لخلايا الجسم ، فلما احنا بناكل اكل مُصَنع مش طبيعي جسمنا مش بيعرف ايه الاكل ده و لا بيعرف ازاي يتعامل معاه ف بيخزنه احتياطي لوقت المجاعة على شكل دهون على الكبد و غيره و ده سبب أمراضنا كلها ، عافنا الله و اياكم

اتمنى لكم الصحة و العافية ♥️♥️

الاكل اللي لازق في الحلل الاستانلس بيطلع بكل سهولة بالمعلقه الاستانلس ( اللي بنأكل بيها دي )🥄🥄🍽️🍴

الاكل اللي لازق في الحلل الالومنيوم بيطلع بكل سهولة بالمعلقه الخشب او بالسلك الالومنيوم ( سلك المواعين ) 🍲🍜🍨

الاكل اللي لازق في الحلل التيفال بيطلع بكل سهولة بالمعلقه السيلكون 🥢🫖☕️

طبعا ننقع الحلل شوية قبل الدعك 😎

👌🏻👌🏻🍵🍲🫖☕️🍜😎😎♥️

مهام يومية صغيرة هتفرق معاكي في بيتك جدا لو التزمتي بها :
- ترتيب رف واحد في التلاجة 🩵
-ترتيب رف واحد في المطبخ 💛
-ترتيب رف واحد في دولابك 💜
-ترتيب درج واحد من ادراج الموجودة في البيت 🩷

بعد كام يوم هتلاقي تلاجتك نظيفه و دولاب المطبخ كله نظيف و دولابك كله مرتب و ادراج البيت كلها منظمة ❤️❤️❤️

تعالوا نرتب افكارنا 😇😇

اتفقنا ان في اربع خطوات بالضبط عشان يكون بيتك نظيف و منظم للأبد ♾️ ( باذن الله تعالى ♥️)

الخطوة الاولى : ان يكون لكل حاجة في بيتك مكان محدد

https://t.me/sihrEltrteb/487

الخطوة الثانيه :
رمي كل الكراكيب او الحاجات اللي ملهاش لزمة

https://t.me/sihrEltrteb/489

الخطوة الثالثة :
التنظيف العميق للبيت كله

https://t.me/sihrEltrteb/491

الخطوة الرابعه :
الحفاظ على الخطوات السابقة

https://t.me/sihrEltrteb/493

راجعوا البوستات اللي في الروابط فيها تفاصيل الخطوات ✅✅

رتبي بيتك مرة واحدة صح هتبقي رتبتي بيتك للأبد ♾️♾️😇🥰

تعالوا نتكلم بالعقل شوية 🧠😇

ليه يا حبيبتي تكتبي على نفسك تنظفي كل الكراكيب اللي في بلكونتك دي من التراب اللي بيتجمع عليها بسرعه البرق ؟ و كل مرة تقعدي تنظفي تراب لمدة نص ساعه ؟ على حاجات مش بتستخدميها ولا بتستفيدي منها بأي حاجة !!!
ليه شوية كراكيب تاخد وقتك و صحتك ؟ 🤔😐😐

كل اللي في البلكونة صرفيه ، أجريه ، بيعيه ، وزعيه ، ارميه ، لو منفعش كل ده ، حطيهم تحت السرير او فوق الدولاب 😄 بهزر طبعا
قصدي حطيهم في مكان مش بيوصل له التراب . 🌪️

فضي البلكونة خالص ، خليها مكان رايق فيه كرسين و طربيزة تطلعي تغيري فيها جو و لما تترب يادوب تنظفي الكرسين من التراب و السور و تمسحي الارض ، بس كده تخيلي الجمال و الراحة 🙂🔆🩵

#حملة_رمي_كل_كراكيب_البلكونة 😅

والله تجزئة الشغل بتريح اوي و بتخليه يخلص 😇😻

مش عارفه ازاي في ناس مش مقتنعه بتجزئة الشغل !! 🙃

يعني كل يوم ارتب حاجة بسيطة و احس بالإنجاز افضل ؟ و لا اراكم الشغل كله عليا بالأسابيع و اعمله كله في يوم واحد يهد حيلي و اخلصه ابقى مش قادرة أمارس اي حاجة تانيه في يومي ؟؟ 😓🤨

اكيد التقسيم مريح ، كل يوم رف في دواليب المطبخ و رف في التلاجة و رف في دولاب الملابس بعد كام يوم بيبقى مطبخي كله نظيف و تلاجتي نظيفة و دولابي مرتب بكل بساطة وانا محستش باي تعب 🫰🥰

دمتم بخير احبتي ♥️

مكان مكتوم و اي حاجة مبلولة النتيجة هتكون ريحة مش لطيفة ( كمكمة) 😮‍💨😷

⚠️شعرك المبلول و مربوط ريحته هتبقى مش حلوة و هيكمكم

⚠️غسيلك المتروك في الغساله مبلول هيكمكم

⚠️حتى مواعينك لو حطيتها في دولاب المطبخ مبلولة ريحة الدولاب هتكمكم

⚠️الشرشوبة المتروكة في جردل المياه هتكمكم

⚠️ملابسك المنقوعه بالايام في طبق الغسيل هتكمكم

⚠️حتى ليفة الحموم لو سبتيها مبلولة هتكمكم

✅ لازم نهوي كل حاجة و ننشفها كويس و نعرف ان المياه بتساعد على تكون بكتيريا و فطريات بتكون هي السبب في الروائح الكريهة

دمتم طيبين 🌸💕

وانتِ بتمسحي البوتاجاز اعتبري الحيطة اللي جنبه و اللي وراه او الزجاج بتاعه جزء من البوتاجاز 🎛 أمسحيهم معاه يومياً بنفس الفوطه و الصابون العادي اللي بتستخدميه لمسح البوتاجاز 🧽🧴و بكده الدهون مش هتتراكم على الزجاج و الحيطة ، مسح الدهون اول بأول هيوفر عليك وقت و جهد و منظفات كتيرة 🕘🙆‍♀️✅