انتهت الحكاية مبكراً..
لم نستمر في فصول المسرحية حتي يسدل الستار..
كان من الأفضل لكليّنا أن نمضي في سكة الرحيل..
بلا أسف وبلا ندم....
إنتهت القصة... ولم يصفق لنا الجمهور
كنا لانتقن التمثيل.. كان حضورنا سيء..
ومشاعرنا مزيفة .. لاشيء يقنع الأخرين بأننا نستحق ولو القليل من التقدير والإحترام...
رحلنا في هدوء.. ولم يأسف علي رحيلنا أحد..
كل منا سار في طريق مختلف.. وإلى قدر مختلف..
كل منا نزع عن وجهه القناع الذي كان يرتديه..
كل منا عاد إلى حقيقته.. إلى واقعه...
لم نكن نستحق نهاية مثالية لقصتنا..
حصلنا على مانستحقه بجداره..
كنا أضعف من أن نقاوم أو نمتلك القدرة على الإستمرار... سقطنا في البدايات..
فالحياة لاتبتسم إلا لمن يستحق..
ونحن كنا للأسف لانستحق.

هتعمل في نفسك البِدع وبرضه مش هتعرف تأخد ١٪؜ من القبول المجاني اللي بياخده أبو قلب نضيف
الشكل الحلو مش بيخلق قبول.. الماركات مش بتخلق قبول.. إنك تبقى واصل مش بيخلق قبول.. احتمال كل اللي فات يخلق زحمة حواليك وناس عايزينك لأسباب معينة.. بس قبول لله في لله كدة.. مستحيل!
القبول بيجي لما تكون في حالك.. القبول بيجي لما تتمنى الخير لغيرك.. القبول بيجي لما تقبل نسختك الأصلية وتعيش بيها.
غلبان قوي اللي بيحاول يشتري قبول الناس.. هيضيّع كل حياته في طريق عكسي.. عكس اللي سايب قلبه وروحه على طبيعتهم.. ده بيكَوّش على القبول كله

هتقابل شخص في حياتك عبارة عن " حالة خاصة " ، شخص هتلاقي نفسك بتعمل exceptions ( استثناءات ) لحاجات كتيرة أوي معاه ، وحتى في زعلك ، أو فرحك ، وخطوطك الحمراء اللي انت حاططها في حياتك ، بتركنها على جنب و انت بتتعامل معاه .

شخص بتحس ان كل معاني الحياة و أمنياتك و أحلامك "حتى ولو كانت بالنسبة للعالم كله خيالية و مجنونة " متحققة في وجوده معاك .

شخص نظرة عينه حضن و أمان وراحة ، و بالرغم من كل الظروف اللي أوقات بتحمكم من بعض أو بتجمعكم ، و بالرغم كمان من أي لحظات زعل و غضب ممكن تهاجمكم و تفرقكم ، فبمجرد اللقاء ، حضن العين بيمسح ده كله ، و ممكن لمسة ايد ترجع تبنى كل اللي اتهدم بناء أقوى من اللي قبله .

بيكون هو السر الأكبر في حياتك ،
و مرايتك ،
و روحك .. !!

فلما بيبعد بتكون زي الجسد اللي عايش بدون روح ،
وفي وجوده حتى لو فيه استحالة ، و حتى لو كان دقيقة واحدة ، روحك بترجعلك من جديد .

يقال في شرائع الحب إن لم يعلمكِ عاداته السيئة فـ هو لم يحبك بصدق

فعلمتكِ التدخينَ و السهر ، و قرأتُ عليكِ شعر المجنون و كثيراً من الغزل
صرتِ تعرفين الخمور و طريقتي في القُبَل !
اصبحتِ نسختي الثانية التي تمشي على الأرض تشبهين تفاصيلي السيئة قبل الحسنة
تشبهين عيوبي قبل مزاياي .. تشبهين مرآتي !
تحملين اطباعي.. قسوتي ، نرجسيتي
و عنادي و انانيتي و كل صفاتي الصعبة !
على ما يبدو اني احببتك بصدق اهل الأرض أجمع حتى وصلت إلى ما انت عليه من انا !
فكرهت نفسي فيك ..
عرفتك غيمة بيضاء تخاف الظلام تلاعب الفراشات تشاكس الأطفال وتضاحك القمر ماذا صنع بك حبي ؟
حتى غدوتِ اكثر مني قسوة.. أكثر قوة .. أكثر ظلما و تجبرا !
ونسيتي أني لا احبني ، لا اطيق رؤيتي في طريق عابر
و لو كان الأمر بيدي لقتلتني ..
فتركتك لنفسي التي صرت عليها و مضيت وحدي مثقلا بحبك هارباً مني ...

كانت من النوع الحقود.. عصبية إلى حد بعيد
لا تغفر زلة بسهولة و لا يرضيها غزل ولا كلام معسول
هديتي و عقوبتي.. جنتي و ناري
كأي متناقضين اثنين
احبها و اتعذب بها
اقسم ان اتركها فاراني طارق بابها
ضحكت معها كثيرا.. وطرت معها في سماء من فرح
و ذاتها تلك المرأة ابكت رجلا عصي الدمع مثلي
كيف جمعت تناقضات الكون اجمع
كأن تحقد على اخطائي ثم تغفرها بطريقة تجعلها تبدو مسامحة على كل ما كان و ما سيكون
و بلحظة تغدو لبؤة شرسة
تستذكر كل شيء بحقد و غضب فضيعين؟
دللتها دلالا مفسدا.. فأخطأت بحقي كثيرا
مئة الف مرة سامحتها
لم احمل عليها غلا ابدا
على الرغم من منطقها الجارح و كلماتها السامة احيانا
الا انني و بكل ما في الأرض من حب احببتها
ذات يوم قلت لها.. احب عيونك و ان كانت النون باء
لكن على ما يبدو أن البعض حين نغفر يتمادون..
فحملت ما تبقى مني و مضيت..
احمل قلبي على يداي ملطخا بالدماء
و دعوت الله آنذاك..
"اللهم قلبا اشد قسوة... اللهم قلبا أشد قسوة"
تلك المرأة أحبتني لكن حبها استهلكني حقا
فاجعلني قاسياً معها في احن الاوقات لا الين يا الله...
نمت بعدها كثيرا.. حاولت تجاوزها بنوم عميق طويل
مرت ايام و شهور على رحيلها
صحيح ان حبها تعبا في تعب الا انها و بطريقة ما كانت ضمادي دون العالمين
فتحت هاتفي و إذ رسالة منها دعوت الله ان لا الين ابدا
ف حظرتها ومسحت المحادثة قبل ان اقرا اصلا
و مرت ايام طويلة حتى التقيتها صدفة في شارع حينا
لمعت عيناها دمعا و ركضت إلى ضمتني .
تمتم لساني ب اللهم قسوة ....
و إذ بي اقول اللهم هي..... و حضنتها ♥️

"الغالبية مِنا ليس قوياً بما فيه الكفاية .. فما هو الشرف مقارنة بحب إمرأة !! ما هو الواجب مقابل الشعور بولادة إبن بين يديك !! أو إبتسامة أخ !!
نحنُ بشر كلنا وسوف نؤدي واجبنا عندما لا يكون هناك تحدي أو تكلفة .. فالشرف يصبح سهلاً حينها .. ولكن عاجلاً أم آجلاً وفي حياة كل رجل سيأتي يوم لن يكون سهلاً بالنسبة إليه .. يوم سيتحتم عليه الإختيار
أقتل الولد الذي بداخلك يا جون سنو .. أقتل الولد ودع الرجل يُولد"
- المايستر ايمون لجون سنو في واحد من أعظم حوارات المسلسل على الإطلاق ❤️?

محدش هيعرف الإحساس اللي جواك وانت بتسأل نفسك بإستغراب شديد " هو أنا ليه بطلت كل حاجة غلط لما فارقت الإنسان اللي فضلت أحارب عشان أفضل معاه لأخر نفس في حياتي ؟! "

محدش هيفهم حالة العند اللي اتملكت منك وقت ما يإست من محاولاتك معاه ، ولا حد هيعرف انك كنت ماشيها صح لحد ما كفرت في مرحلة معينة بحبه ، واتحولت بسببه لجبروت مزيف عمال يدوس ويغلط والضربة القاضية مكنتش انتقام زي ما هو نفسه شافها ، وانها صابتك انت أكتر بس كرامتك منعاك من الإعتراف .

ومش موضوع كرامه أنا عارف .

انت نفسك مش عارف ازاي حالة الرعب من الفراق والانكسار اللي انت كنت عايشها في وجوده ازاي اختفت بمجرد ما كلمة خلاص احنا انتهينا اتقالت .

لعينة التراكمات يا أخي ،
لعينة لدرجة تخليك شيطان بسبب انسان كان واخد روحك ، وتخليك ملاك لما يمشي من حياتك .
ولعينة لدرجة تخليك تيأس فتغلط وتدوس بقسوة مش من طبعك أصلا .
ولعينة لما تخليك تختار الوحدة بعد ما سنين ضاعت من عمرك .

ولعينة لما تضربك كف وقت ما تحس بإحتياج ، وأول ما تشوفهم ولو صدفة تقرف من نفسك ومن إحساس الإشتياق .

الشيء الكوميدي ، ان كلهم مصدقين ان خطيئتك كانت بسبب مقنع ، ومش قادرين يصدقوا انك بفراقهم غسلت نفسك من كل شيء أو فعل مكروه .

فتسأل نفسك كل يوم ؟

انا مين فيهم ؟
الملاك ولا الشيطان ، ولا لعنة من صنع الحب ، أنا اللي فيا الخير ولا اللي فيا السواد المعتم ، أنا ضحية ولا جلاد .

ومفيش إجابة ،
يوم تنسى ،
ويوم تتناسى ،
ويوم كل أفعالهم تتعاد قدامك فتتخنق ،
ويوم تبكي على وحدتك ،
ويوم تمثل ،
ويوم يعدي ،

. امبارح باسحب فلوس من ماكينة ATM و بعد ما دخلت الكارت و الباسورد و كتبت المبلغ اللي عايزه ظهر على الشاشة ( برجاء الانتظار )
. انتظرت و الجملة مش بتتغير دقيقة اتنين تلاتة اربعة . الموضوع طول عن العادي !! .
. بدأت اقلق .. هي علقت ولا ايه هو الكارت كدا اتحشر ولا ايه و بدأت افكر لو الكارت مطلعش هعمل ايه و ها اتصرف ازاي و انا محتاج فلوس ضروري دلوقتي ؟
. هل هتصل بالبنك يقولولي حل سريع اعمله و انا واقف ؟
. ولا لازم اروح لاقرب فرع ؟
هل ها يبعتوا حد يخرجه ؟
. لا كده خلاص الكارت اتفقد و هأروح لفرعى عشان اطلع غيره .
. لو مشيت . هل ممكن الماكينة تطلع المبلغ و الكارت و حد ياخدهم ؟

• اسئلة كتير بتدور في بالي لان الماكينة مش عاملة قصادى غير جملة ( برجاء الانتظار ) .

** فجأة الكارت خرج و ساعتها نسيت كل حاجة و أخدته و أخدت فلوسى و مشيت . ولا كأن فيه حاجة اصلا . و كل القلق و الاسئلة و التفكير طاروا من مخي كأني مفكرتش فيها من الاساس .

- احيانا بنتحط في مواقف صعبة و بايخة و ننتظر حلول السماء و لكن تفاجأ انها كتبالك ( برجاء الانتظار ) و بس .

- في المرحلة دي بيجي في تفكيرنا مليون حاجة و الافكار بتنهش فى سلامنا و اعصابنا :
٠ ها نعيش ازاي .
٠ ها نصرف ازاي .
٠ ها نرد نقول ايه .
٠ ها يصدقونا ولا لأ
٠ ها نخف ولا لأ .
٠ ها نتقبل ولا لأ .
٠ ها نسافر ولا لأ .
٠ ها ننجح ولا لأ .
٠ ربنا ها يرزقنا ولا لأ .

مليون سؤال و سؤال جوانا .
مخاوف و افكار بتقتلنا .
قلق الانتظار نفسه مؤلم .
و كلها بلا فايدة .

• فجأة بتتحل من عنده فى ثانية و الاسئلة دي كلها بتسقط و تختفي قدام حلول الله .

• يا صديقي المهموم المنتظر .. كل ما انت فيه الان ليس الا مرحلة *

( ( برجاء الانتظار ) )

عارف يا منطوي …
انا زهقت من الروتين ، زهقت عشان لوحدي ، ومفيش هدف ، مفيش غير اني بشتغل عشان الفلوس محتاجها لحاجات معينة وخلاص .. واغلب الحاجات دي مش ليا انا بشخصي ..
ومش عارف ارتبط .. ولا عارف احب ،،، ولا حتى بتعرف على حد …
واوقات بزهق من الحياة وافكر في الخلاص منها ..
واوقات احس اني كدا مبسوط اوي ورضا وزي الفل ..

بس من جوايا واحد بيعيط محتاج ونس يا منطوي …

من جوايا تعبان اوي ومش قادر اكمل …

تعبان يا رب ..