İnsan əyninə geyindiyi libasdan, istifadə etdiyi aksesuar və texnikadan ucuz olsa, heç nə! İnsan əynindəkilərindən baha olmalıdır, nəinki əksinə.

Deyir, uzun illər bir yerdə yaşamış ərlə xanımından soruşurlar ki, necə oldu, bu uzun müddət bir yerdəsiz? Cavab verdilər, biz o dövrdən gəlirik ki, bir şey nasaz olduqda onu dərhal atmır, təmir etməyə çalışırdılar.
Zarafat bir yana, 21-ci əsrdir, restovrasiya və təmir özünün ən çöküş tarixini yaşayır. İstər insan olsun, ya da əşya.

Deyir, hamımız - yaxşı insanlarıq, lakin hər şeydə yox, hər zaman yox, hər kəslə də yox.

✅İmam Əli deyib: "Allahın dini şəxslərlə tanınmaz. Həqiqətin əlamət və nişanəsilə tanınar. Sən həqiqəti tanısan, onun əhlini də tanıyacaqsan".

? Əziz dostlar, sözün düzü Telegram kanalımda intensiv nə paylaşacağımı bilmirəm. Əgər nəsə fikriniz olsa, bölüşə bilərsiz. ❤

❗"Oğlum, özünlə başqası arasında özünü tərəzi et; özün üçün sevdiklərini başqası üçün də sev, özün üçün sevmədiklərini başqası üçün də sevmə; özünə haqsızlıq edilməsini istəmədiyin kimi, başqasına da haqsızlıq etmə, özünə yaxşılıq edilməsini istədiyin kimi, başqasına da yaxşılıq et. Başqasından xoşlamadığını özün üçün də xoşlama, insanlar üçün nəyə razısansa, özün üçün də ona razı ol".

?İmam Əli | Nəhcül-bəlağə

? Stokholm sindromu nədir?

Stokholm sindromu — psixikamızın maraqlı fenomenidir, burada zorakılığa məruz qalan şəxs öz təcavüzkarına qarşı simpatiya hiss etməyə başlayır. Bu niyə baş verir?

**➡️* Tarixçəsi***
Bu reaksiyaya ilk dəfə 1973-cü ildə Stokholmda bankın terrorçular tərəfindən ələ keçirilməsindən sonra diqqət edildi. Girovlar sağ-salamat qaldılar və azad edildikdən sonra onları qorxu və əsarət altında saxlayanlar üçün vəkil tapmaqda köməklik göstərdilər.

Onlar dəli olmuşdularmı? Xeyr, bu, ciddi travmatik vəziyyətə qarşı psixikanın normal reaksiyasıdır — həyat təhlükəsi ilə qarşı-qarşıya qalanda belə olur.

**?* Psixoloji İzah***
Bu sindrom uzun müddət qorxu və müqavimət vəziyyətində qala bilməməyimizdən inkişaf edir. Panika və isteriyaya düşməmək, sinir sistemini tükətməmək üçün baş verənlərə uyğunlaşmağa başlayırıq. Bundan əlavə, biz anlayırıq ki, gücsüzük və yalnız təcavüzkarımızın maraqlarına uyğun olduğumuz müddətcə sağ qalırıq. Yeganə müdafiəmizin onun bizə qarşı dözümlü münasibəti olduğunu düşünürük və bu münasibəti qorumaq üçün fərqinə varmadan hər şeyi edirik. Ta ki onun bizə münasibətini qoruyaq. Daha sonra isə onun hərəkətlərini öz xeyrimizə izah etməyə və ona tədricən bağlanmağa başlayırıq.

**?* Bu bizim şüurumuzun özünəməxsus uyğunlaşma mexanizmidir.***

✅ Nailiyyətiniz nə qədər çox olsa, sizə nifrət edənlər bir o qədər çox olacaq. Lakin nailiyyətiniz nə qədər az olsa, sizə ən çox elə özünüz nifrət edəcəksiz.

İbrahim peyğəmbərin duaları Quranda yer almışdır. Şuəra, surəsinin 84-cü ayəsində, bu duaların içində oxuyuruq: وَٱجۡعَل لِّي لِسَانَ صِدۡقٖ فِي ٱلۡأٓخِرِينَ
Yəni, ya Rəbb, gələcəkdəkilər arasında mənim üçün lisanü-sidq qərar ver.

Nə deməkdir bu?
Həzrət İbrahim Allahdan istəyirdi ki, onu saleh və ləyaqətli etsin. O cür ki, ondan sonra gələn ümmətlər və kəslər onu gözəl şəkildə yad edib xatırlasınlar. Həm də bu tərif və yad etmə doğru olsun. Orada şişirtmə və yalan olmasın.
İnsan unudulmaq istəmir. Kimisi zülm ilə olsa belə, yadda qalmaq istəyir. Kimisi adını xeyirlə dillərdə dastan edir.

Əsrlər keçib, İbrahim peyğəmbər hələ də yad edilir. O cür ki, digər peyğəmbərlər də onun ayinini yaşatmalı olublar. Nə xoş o insanın halına ki, Allah onun xatirəsini doğru şəkildə dillərə salıb. Onu yad edərkən: Allah rəhmət eləsin, nə gözəl insan idi - deyə, köks ötürsünlər.

Vay ondan ki, adam xudbin həyat tərzi keçirtsin, zülm etsin və ölsün. Səni görüm gorbagor olasan - desinlər üç-dörd gün, sonra da unudulasan.
Quran xəbərdar edib, belə adamlar kor olaraq həşr olunacaqlar. Ya Rəbb, axı mən dünyada görürdüm - deyəcəklər. İlahi dərgahdan xəbər gələcək ki, elədir, amma sən bizim ayə və nişanələrimizi unutdun, onları görməzdən gəldin. Bu gün özün də unudulmuş olacaqsan.
Çox ağır cəzadır. Allaha pənah.
İlahi, gələcək nəsillər arasında bizim üçün xoş xatirə qərar ver.