"من قصر في العبادة، وأذنب ، وضيع فرص الخير، حتى سول له الشيطان أنه لن يلحق بركب المستعدين لهذا الشهر ..

فليتذكر أن الله يعطينا هذه المواسم وهذه النفحات كي نعود إليه ونجدد العهد معه ونفتح صفحة جديدة ، لا أن ندخلها ملائكة منزهين."

تريد البركة؟

الزم الاستغفار، وبكّر في الصباح، وصِل رحمك، وتصدق صدقة في السر، وأكثر من الصلاة على النبي صلى الله عليه وسلم.

نظم أوقاتك، وضع جدولا بأولوياتك، واجعل أيامك خزانة طموحاتك لا سلة مهملاتك التي ترمي فيها عمرك وأهدافه

تجنب صحبة البطالين والكسالى والمثبطين.

-الشيخ وجدان العلي

عارفين (فَلَمَّا نَسُوا مَا ذُكِّرُوا بِهِ).. إيه اللي حصل؟

مش عاقبناهم؟ ولا أخذناهم؟ ولا أهلكناهم؟
- لاء دا.. (فَتَحْنَا عَلَيْهِمْ أَبْوَابَ كُلِّ شَىْءٍ)

كل ملذَّات الدنيا معاهم.. عكس المُتوقع تمامًا!

وبعدين؟

(حَتَّىٰ إِذَا فَرِحُوا بِمَا أُوتُوا أَخَذْنَاهُم بَغْتَةً فَإِذَا هُم مُّبْلِسُونَ)

أخذناهم فجأة.. يا الله.

#قطوف_تدبرية

إنك إذ تسير إلى ربك تشعر أن لك ربًا توابًا رحيمًا.. يقبلك متى عدت، وكيف عدت! المهم هو أن تعود.

إنه الله.. هل تعرفه؟

-د. فريد الأنصاري.

-هو الجن ممكن يسرق؟
= طبعًا.
- سرقوا منك حاجة قبل كده؟
= في يوم وليلة ضاع مني خاتم دهب وكإنه فص ملح وداب وعشان ماكنش في حد غيري في المكان شكيت إن هما اللي سرقوه.

في يوم سيدنا النبي- صلى الله عليه وسلم- أمر سيدنا أبو هريرة بحراسه زكاة الفطر واللي كانت عبارة عن تمر وقمح وغيره من الحبوب.

وفي يوم بالليل سمع أبو هريرة صوت في المكان اللي موجود فيه الأكل فدخل بهدوء يشوف في إيه فلقى راجل واقف بيغرف بإيده من شوال التمر بدون أي إستئذان وأول لما شاف سيدنا أبو هريرة في وشه اتخض!

وبما إنه طلع حرامي فأبو هريرة قرر إنه هيقبض عليه ويوديه لسيدنا النبي-صلى الله عليه وسلم- عشان يُحكم عليه بحد السرقة، فالراجل لما عرف إن أبو هريرة هيعمل كده حِزن وقاله إنه عمل كده عشان هو فقير ومش لاقي ياكل وعنده عيال عايز يأكلهم ووعده إنه مش هيعمل كده تاني!

فأبو هريرة لما سمع قصته وعرف إنه فقير وسرق عشان ياكل صعب عليه وسابه يمشي.

تاني يوم لما أبو هريرة راح لسيدنا النبي، سيدنا النبي بصله وسأله عن الراجل اللي كان بيسرق من زكاة الفطر إمبارح، قاله:"ما فَعَلَ أسِيرُكَ البَارِحَةَ؟"
طب سيدنا النبي عرف إزاي باللي حصل؟ وأبو هريرة لسه ماحكاش؟
عرف من سيدنا جبريل -عليه السلام-.

فأبو هريرة بدأ يحكى اللي حصل وإنه سابه يمشي عشان اعترفله بإنه غلبان وجعان وسرق عشان ياكل ويأكل عياله.

فسيدنا النبي بصله وقاله إن الراجل ده كذاب وكذب عليه وإنه هيرجع تاني بالليل عشان يسرقه، قال صلى الله عليه وسلم:"أَمَا إنَّه قدْ كَذَبَكَ، وسَيَعُودُ"

وبما إن سيدنا النبي صادق لا يكذب أبدًا ولا ينطق عن الهوى؛ فأبو هريرة اتأكد إن الحرامي ده هيرجع يسرقه تاني وعشان كده قرر يستخبى ويراقب المكان بالليل؛ وفجأة ظهر الحرامي وبدأ يسرق من الأكل!
فجري عليه أبو هريرة ومسكه عشان يوديه لسيدنا النبي، فالراجل فضل يقول إنه كان جعان وعنده عيال جعانة ومش هيعمل كده تاني فصعب على أبو هريرة فسابه يمشي للمرة التانية!

فراح أبو هريرة تاني يوم الصبح لسيدنا النبي، فسيدنا النبي سأله عن الراجل وقاله:" ما فَعَلَ أسِيرُكَ البَارِحَةَ؟"فأبو هريرة قاله إن الحرامي رجع فعلًا وحلف إنها أخر مرة ومش هيرجع يسرق تاني، فسيدنا النبي قاله إن الراجل ده كذاب وهيرجع تالت مرة وهيسرق!
أَمَا إنَّه قدْ كَذَبَكَ، وسَيَعُودُ"

فرجع أبو هريرة استخبى وراقب المكان وفعلًا جه الحرامي وبدأ يسرق للمرة التالتة بس المرة دي صمم أبو هريرة إنه هيقبض عليه ويروح بيه لسيدنا النبي مهما برر!

فالحرامي لما عرف إن خلاص مافيش مفر وإن أبو هريرة المرة دي مش هيسيبه يمشي قرر يتفاوض معاه مقابل إنه يسيبه يمشي؛ إيه رأيك تسيبني أمشي مقابل إني أعلمك حاجة تنفعك؟
-حاجة إيه؟
=فقاله لما يروح ينام يقرأ آية الكرسي عشان لو قرأها مافيش شيطان هيقدر يقربله طول ماهو نايم بالليل لحد لما يصحى الصبح لإنه هيكون في حفظ الله.
"إذَا أوَيْتَ إلى فِرَاشِكَ، فَاقْرَأْ آيَةَ الكُرْسِيّ، فإنَّكَ لَنْ يَزَالَ عَلَيْكَ مِنَ اللَّهِ حَافِظٌ، ولَا يَقْرَبَنَّكَ شَيطَانٌ حتَّى تُصْبِحَ"
وفعلًا سابه أبو هريرة يمشي.

والصبح راح لسيدنا النبي وحكاله عن اللي قاله الحرامي، فسيدنا النبي- صلى الله عليه وسلم- قاله:"أَمَا إنَّه قدْ صَدَقَكَ، وهو كَذُوبٌ"
يعني هو صادق فعلًا في المعلومة اللي قالهالك عن آية الكرسي رغم إنه كذاب وصفته الكذب!

-عارف الراجل الحرامي ده طلع مين في الأخر؟!
=مين؟!
=شيطان؛ قال رسول الله صلى الله عليه وسلم:"تَعْلَمُ مَن تُخَاطِبُ مُنْذُ ثَلَاثِ لَيَالٍ يا أبَا هُرَيْرَةَ؟ قَالَ: لَا، قَالَ: ذَاكَ شَيطانٌ"
-?الشيطان بيسرق!
=أيوة بيحصل.
وعشان كده لما تشيل حاجة زي فلوس أو دهب أو غيره حتى لو ملابس لازم تسمي الله عليهم ولما تقفل باب لازم تسمي الله لإن الشيطان مش هيقدر يفتح باب ولا ياخد حاجة اتذكر عليها اسم الله.
قال رسول الله صلى الله عليه وسلم:"وَأَغْلِقُوا الأَبْوَابَ، وَاذْكُرُوا اسْمَ اللَّهِ، فَإِنَّ الشَّيْطَانَ لاَ يَفْتَحُ بَابًا مُغْلَقًا"

وقال صلى الله عليه وسلم:"إذا دخل الرجل بيته فذكر الله عند دخوله وعند طعامه قال الشيطان: لا مبيت لكم ولا عشاء، وإذا دخل فلم يذكر الله عند دخوله قال الشيطان: أدركتم"
والله أعلم.
علمنا الله واياكم.
#الشير_مفتوح_وهو_الأفضل_ياحبايب✋❤
#الشيطان
علمنا الله واياكم❤
#هبة_شلبي

مَن تعسّرت أُموره فَليلزَم :

{ وَقُلْ رَبِّ أَدْخِلْنِي مُدْخَلَ صِدْقٍ وَأَخْرِجْنِي مُخْرَجَ صِدْقٍ وَاجْعَلْ لِي مِنْ لَدُنْكَ سُلْطَانًا نَصِيرًا } .

أمَـر اللهُ بها نبيّه ﷺ فخرَج مِن مكّة آمِناً إلى المدينة لم يمسه سوء .. وعادَ إليها فاتِحاً !
إن الدعاء فوق سلطة الواقع و فوق ظاهر الأسباب .. فالهج به و اليقين يملأ الفؤاد ..