Малайзияда Бутунжаҳон «Қуръон соати 2024» дастурлари бўлиб ўтди
Федерал пойтахт Куала-Лумпурда бир вақтнинг ўзида мамлакат бўйлаб 5193 та жойда бўлиб ўтган дастурнинг асосий жойи бўлган Миллий масжидда Қуръон тиловат қилиш учун 4000 га яқин жамоат йиғилди.

Турли ёшдаги намозхонлар, баъзилари беш ёшгача бўлган ёшлар давраларда ўтириб, биргаликда Қуръон оятларини тиловат қилишар, сўнгра тадаббур билан бирга Қуръон оятларидаги маънолар, ҳикматлар ва таълимотлар ҳақида фикр юритар эдилар.

«Бундай тадбирларда барака борлигига ишонаман. Фарзандлар ўйнаётган бўлсалар ҳам, улар қалбида таъсир ўтказиши мумкин бўлган муқаддас оятларни кўришади. Умид қиламизки, улар бунга кўникиб кетадиган муҳит яратамиз. Биз болалар ва ўсмирларга Қуръон ўқиш муҳимлигини тушунишимиз керак», деди иштирокчилардан бири.

#янгилик

@quranuz_kanali
Telegram | Instagram | Youtube | Facebook

Ҳайит табриги

Аллоҳу акбар, лаа илаҳа иллаллоҳу валлоҳу акбар, Аллоҳу акбар ва лиллаҳил ҳамд.

Ассалому алайкум, каналимиз мухлислари!

Барчаларингизга Рамазон ҳайити муборак бўлсин! Рамазон ойида тутган рўза, қилган хатм ва ибодатларингизни Аллоҳим ҳусни қабул айлаб, мукофотини зиёда қилиб берсин! Ҳар бирингизни мақбуллардан айласин!

Илоҳим, бу Рамазон сизу биз учун охирги рамазон бўлмасин, кўп йиллар иймону ибодатда, осудаликда Рамазон баракотларидан баҳраманд бўлишимизни, илоҳий байрам бўлмиш ҳайитларни нишонлаб, юртимиз фаравонликда бўлишини Роббим насиб айласин.

Барчаларингизга ва яқинларингизга Рамазон ҳайити яна бир бор муборак бўлсин!

Қуръони Карим ходими Ҳасанхон Яҳё Абдулмажид
#Ҳайит #табрик
@quranuz_kanali

Telegram | Instagram | Youtube | Facebook

#қироат
Наҳл сураси 68-69 оятларАбу Аус қироати
@quranuz_kanali
Telegram | Instagram | Youtube | Facebook

#манфаатли_эслатма
Расулуллоҳ ﷺ шафоатлари
Қуръони Карим ходими Ҳасанхон Яҳё Абдулмажид
@quranuz_kanali

Telegram | Instagram | Youtube | Facebook

БААда 24-Бинт Мактум Қуръон мусобақаси якунланди
Дубайдаги аёллар жамиятида ёпилиш маросими бўлиб ўтди, унда Шайхо Ҳинд Бинт Мактумнинг хайрия фаолияти ва Қуръони Карим фаолияти ҳақида ҳужжатли фильм намойиш этилди. Шундан сўнг, ташкилий қўмита аъзоси ва мусобақа матбуот котиби Аҳмад ал-Зоҳид ўз нутқида Қуръон тадбирини Амирлик эркаклари ва аёллари ҳамда Қуръон ҳофизи бўлган фуқаролар учун асосий Қуръон мусобақаларидан бири сифатида таърифлади.

Унинг таъкидлашича, Дубай Халқаро Қуръони Карим мукофоти бутун Форс ва араб мамлакатидаги Қуръон институтлари ҳофизлари иштирокидаги танловни ташкил қилади. Танловдан кўзланган мақсад Муқаддас Китобни ёд этиш ва Қуръон ҳофизларини эъзозлаш, шунингдек, халқаро Қуръон мусобақаларида иштирок этиш учун энг яхши даъвогарларни тайёрлашдир, деди у.

Маросимда, шунингдек, ҳакамлар ҳайъати раҳбари Шайх Иброҳим ал-Мансурий сўзга чиқиб, мусобақанинг юқори савияда ўтганига юксак баҳо берди.

#янгилик

@quranuz_kanali
Telegram | Instagram | Youtube | Facebook

#Қуръоний_фойдалар

ҚУРЪОН ТУШКУНЛИК ВА ХАВФ-ХАТАРДАН ХАЛОС ЭТАДИ
Қуръон ўқиш, унинг маъноларини ўрганиб, тафаккур қилиш инсонга бу дунё ҳақиқатини англашга ёрдам беради ва кишини бемисл ирода билан қуроллантиради. Қуръондан руҳий қувват олган одам ҳаёт синовларига бардошли бўлади. Қуръон кемасига минган инсон Нуҳ тўфонидан халос бўлган мўминлар каби дунё бўронларидан саломат қолади. Қуръон ўқиш ва тинглаш руҳий тушкунликда жуда ҳам фойдали муолажа саналади.

Ҳануз ёдимда. Бир гал сафарда бир ҳожи онамиз билан бирга эдик. У аёл фарзандлари сабабидан мислсиз ташвишларга қолган, жуда оғир синовга тушган экан. Ҳар қандай она учун бир неча марта ўлиб-тирилишдан оғир бўлган бу кулфатларга бу аёл Қуръон билан ўзида қувват топаркан. Сафар асносида мен ҳам бироз тиловат қилиб келдим. Шунда ҳалиги ҳожи ая: «Қори домла, яхшиям Қуръон бор, бўлмасам мен эртақачон адои тамом бўлган бўлардим», деган эди.

Қуръони Карим ходими Ҳасанхон Яҳё Абдулмажид
@quranuz_kanali

Telegram | Instagram | Youtube | Facebook

Telegram

QURAN.UZ

***✨***Қалбингиз ором олсин! Islom.uz тасарруфида бўлган Quran.uz лойиҳасининг телеграмдаги расмий саҳифаси Хатмонада қатнашиш учун манзил ***👉*** https://t.me/+BgXxzxK8CgNkZjQy Расмий саҳифаларимиз***👇🏻*** www.quranuz.taplink.ws