Олинган маълумотларга қараганда 2023 йилнинг сентябридан 2024 йил сентябригача АҚШдан депортация қилинган ўзбекистонликларнинг сони рекорд даражага етибди. Хусусан, ушбу давр мобайнида 572 нафар ўзбекистонлик АҚШдан депортация қилинибди, аниқланишича, уларнинг 32 фоизи илгари жиноий фаолият билан шуғулланган экан. Маълум қилинишича депортация қилинганларнинг аксарият қисми АҚШ ҳудудига ғайриқонуний тарзда кириб борган.

Бу ҳали ҳолва, Д. Трампнинг бир ваъдаси бор: АҚШни имкон қадар мусулмонлардан тозалаш.

Бугунги кунда эса 17 минг ўзбекистонлик қочқинлик мақомини беришни сўраб, АҚШ ҳукуматига ариза топширган. Бироқ:

Ғурбатда ғариб шодмон бўлмас эмиш,
Эл анга шафиқу меҳрибон бўлмас эмиш.
Олтин қафас ичра гар қизил гул бутса,
Булбулға тикондек ошён бўлмас эмиш.

Алишер Навоий

ХУШХАБАР

Қирғиз биродарларимизнинг юртбошиси Содир ака Жапаровнинг айтишича, жорий йилнинг 27 декабрь куни Хитой – Қирғизистон – Ўзбекистон йўналишида ўтадиган темир йўл ётқизиш ишлари расман бошланар, шу мақсадда қўшма темир йўл компанияси билан лойиҳани амалга ошириш учун зарур бўлган инвестиция битимлари имзоланган экан.

Таъкидлаб ўтмоқ жоизки, мазкур темир йўл Шарқ билан Ғарбни ўзаро боғлайдиган стратегик кўприк, ўз аҳамиятига кўра эса асрларга татигулик қурилиш бўлиб, ишлаб чиқариш, савдо-сотиқ ва туризм соҳаларида Марказий Осиё минтақасидаги давлатлар учун улкан имкониятлар очиб беради.

Минтақамиздаги давлатлар, халқлар ва элатлар орасида мустаҳкам алоқалар ўрнатилишига бир умр тўсқинлик қилиб, бир-бирига қарши гиж-гижлаб келган Россия Федерацияси ҳарбий, сиёсий ва иқтисодий жиҳатдан заифлашган сари, минтақа давлатларининг қудрати ошиб бораверади.

Ўрислар юртининг Федерация Кенгаши (Олий Мажлиси) «Террористик ташкилотлар фаолиятининг ман этилишини вақтинча тўхтатиш тўғрисида»ги Қонун лойиҳасини маъқул топди.

Бошқача қилиб айтганда, буғубоқар Шойгунинг яқинда Афғонистонга буюрган ташрифи зое кетмади. Зеро, мазкур қонун «Толибон» ҳаракатининг террористик ташкилотлар рўйхатидан чиқариш имконини беради.

Қарабсизки, Россия Федерацияси билан Афғонистон ўртасида худди Шимолий Корея билан имзоланган шартномадек икки томонлама битим имзоланиб, афғон биродарларимиз мунофиқ ўриснинг ёлғон ваъдаларига лаққа тушиб, Украина ҳудудига «ташриф буюриб» қолишлари мумкин.

Мавзуга доир воқеаларни диққат билан кузатиб боринг.

Курск вилоятини озод қилаётган украин бўлинмаларидан келаётган хабарларга қараганда, ўрислардан ташқари, корейслар ҳам ўқлар-у, дронлардан туппа-тузук ўлишар экан.

АҚШ ва Исроил томонидан эсаётган ҳарбий-сиёсий шабадаларга қараганда, Ғарб оламини анчадан буён чуқур ўйга толдириб, бошини қотириб қўйган бир муаммо ўз ечимини топадиган, хусусан, Эроннинг ядровий объектлари бомбардимон қилиниб, йўқ қилинадиган кўринади.

ҚОТИЛ ЖАЗОЛАНДИ

Жорий йилнинг 10 декабрь куни Москва яқинидаги Котельники шаҳарчасида Россия Федерацияси «Марс» тажриба-конструкторлик бюроси бош конструкторининг ўринбосари Михаил Шатский исмли итўрис итдай отиб ташланди. Унинг итдай ўлим топишига Украинанинг шонли Истихборот бош бошқармаси яқиндан ёрдам берди.

Ўрис қабоҳатининг ушбу оққулоғи Сурия ва Украинада тинч аҳолига қарата қўлланилган қанотли ракеталар ва учувчисиз бошқариладиган учиш аппаратларининг лойиҳаларини ишлаб чиқиш, мавжуд тизимлар конструкциясини янада такомиллаштириш билан бевосита шуғулланган. Қўлда қалам-ла қотиллик қилган ўрис ниҳоят ўз ўлимини топди.

МЕНИНГ ХУЛОСАМ

Қисқа қилиб айтганда, ўзбекнинг куни ўрисга қолмасин экан. Зеро, бу борада йиллар давомида таъкидлаб келган мулоҳазаларим ҳаётда такрор ва такрор ўз тасдиғини топяпти ва бунга россияпараст ўрисларимиз, кимлигини ўзи билмайдиган бетайин ўзбексимонларимиз ва фаҳми ҳўв анави эшакнинг фаҳмидан кўп фарқ қилмайдиган ўрисқулларимиздан ташқари, дунёнинг соғлом ақл юритадиган ҳар қандай аҳли шахсан ўзи гувоҳ бўлиб келяпти.

Фикримча, юртимиз Ўзбекистоннинг келгуси ривожи, равнақи, миллий мустақиллиги-ю, суверенитенининг хавфсизлигини таъминлаш учун сиёсий, иқтисодий, маданий ва ҳарбий масалаларда шерик танлашда энди адашмаслигимиз, яъни ўриснинг лафзига ишониб қолмаслигимиз, ён-веримизга, узоқ-яқинга қараб, тенг ҳуқуқли сиёсат юритадиган муносиб шерикларга таянишимиз керак экан. Чунки кўриб турганимиздек, ўрис:

- юритадиган сиёсати аксарият ҳолларда мунофиқликка асосланадиган;

- муқаддам тузган халқаро шартнома шартларидан фақат ўз манфаатларида фойдаланиб, вазият тақозо қилиб қолган фурсатда ортга чекинадиган, думини чотига қисиб, шармандаларча қочадиган қўрқоқ;

- табиатан тажовузкор, қўшнилар-у, шериклар билан пўписалар-у, дағ-дағалар, маҳаллий мансабдор шахсларга нисбатан йиғиб олган компроматлари воситасида иш кўрадиган;

- интеллектуал савияси ўта паст, бировнинг юртидаги табиий бойликлар-у, интеллектуал мулк ҳисобига кун кўрадиган, бошқаларнинг ақли ёки тўккан қони эвазига эришилган ютуқ ва ғалабаларни ўзиники қилиб оладиган;

- нафақат халқаро майдондаги шерикларини, балки ўзини ўзи, хусусан, қуйи поғонадан юқори поғонагача, юқори поғонадан қуйи поғонагача бир-бирини алдаб, кўзбўямачилик қилишга одатланган;

- оқ қулоғигача коррупция ботқоғига ботган, ҳар ерда, ҳар қадамда, барча поғоналарда халқ ва давлат мулкини талон-торож қиладиган;

- бошқа тилларни ўзлаштиришга на ақли, на салоҳияти етмагани боис, ўзининг ўрис тилисини ҳар тешикка тиқадиган ва айнан шу мақсадда ўз қўшниларига қарши уруш бошлайдиган;

- узоқ ва яқин тарихида бошқа юрт халқлари томонидан кўрсатилган меҳр ва яхшиликларни тез унутадиган, табиатан нонкўр;

- ирқчилиги, реакцион миллатчилиги фашизм даражасига қадар етиб борган тоифа бўлар экан.

Бу рўйхатни яна давом этиш мумкин, албатта, лекин миллат ёшлари, юртимиз сиёсатининг муносиб давомчилари учун шунинг ўзи етарли бўлса керак, деган умиддаман.

Ўқинглар, уқинглар, тегишлича сабоқ олинглар, ҳурматли йигит ва қизлар.

Шокир Долимов
истеъфодаги подполковник

Демократия деганлари жуда аҳмоқ нарса экан-у, а?!

Жанубий Корея президенти Юн Сок Ёлга, демократик қонунларга мувофиқ, юрт ҳудудини тарк этиш ман этиб қўйилди.

Ана сизга демократия-ю, мана сизга кир ювиладиган тоғора! 😁

Шуниси ёмонки, Сурияда энди анархия бошланди, яхши-ю, ёмонлар, бегуноҳ-у, жиноятчилар, қаҳрамонлар-у, террорчилар аралашиб кетишди. Ким айбдор деб топилса, судсиз-нетсиз дорга осиладиган бўлди.

Жуда қалтис вазият қарор топди.

Рекорд рақам!

Ўтган жума куни, аниқроғи бир сутканинг ўзида, Украинада, 2030 бош итўрис ўлдирилибди.