Bahor ko‘rki
***Daraxtlar uyg‘ondi, bodom gulladi,
Qushlar ham sevinib quvnoq sayrashar.
Dehqonlar dalaga donlar ekadi,
Tog‘larga qip-qizil lola yarashar.

Kelinchak bahorning oqshomi go‘zal,
To‘lin oy dillarga nur baxsh etadi.
Bulbullar gullarga kuylashar g‘azal,
Ko‘ngildan g‘uborlar nari ketadi.

Katta qozonlarda qaynar sumalak,
Hamma atrofida qo‘shiqlar aytar.
Suluv qizlar darrov taqar chamalak,
Yana o‘lkamizga turnalar qaytar.

Bahor keldimi deb qarg‘alar hayron,
Boychechak ko‘zini ochadi asta.
Ko‘kka qarab aytar ey, qarg‘a nodon,
Go‘zal bazm-u, jamshid bo‘lmoqda pastda.

Lolalar yuzida yarim tabassum,
Bir-biriga sekin jilmayib boqar.
Ular ham atrofga qo‘sharlar husn,
Tog`lardan jilg‘alar shildirab oqar.

Majnuntollar yana qilishar ta'zim,
Sekin bosh ko‘tarib qarar har yonga.
Do‘stlarim bizlar ham boshlaylik bazm,
Axir bahor keldi O‘ZBEKISTONGA.***

Xudoydod
Sh. Normurodov

https://t.me/sh_n_xudoydod

Bahor

(yoshlikdagi mashqlardan)
**Yana keldi kelinchak bahor,
Mana yana bodom gulladi.
Dehqon ishlar erta-kech nahor,
Samarasin kuzda ko‘radi.

Qushlar uchib yurar quvlashib,
Suvlar oqar soylardan toshib.
Hamma xursand, hamma baxtiyor,
Sen ham qara atrofga bir bor.

Boychechak bosh ko‘tardi ana,
Dalalarda sayrar bedana.
Atrof buncha go‘zal naqadar,
Bahor bizga tashlabdi nazar.

Atrofdagi barcha narsaga,
Tegibdi-da bahor nafasi,
Shunday jannatmakon o‘lkaga,
Hammaning ham kelar havasi.**

Xudoydod
Sh. Normurodov
https://t.me/sh_n_xudoydod

Xudoydod
Sh. Normurodov
t.me/sh_n_xudoydod

Yoshlikdagi mashqlardan..

***Kumush meni tashlab ketdingiz nechun,
Yo‘llaringizga zor bo‘ldi-ku ko‘zim.
Sizni o‘ylayman men jonginam har vaqt,
Taqdir bunchalar ham ekan beshafqat.

Izladim sizni men Marg‘ilonlardan,
Cho‘llar-u, adirlar go‘zal bog‘lardan.
Yuragim talpinar jonimsiz tomon,
Sevaman sizni men, sevaman hamon.

Taqdir bizni yorim nechun qiynadi,
Kuygan qalbimizni yana tirnadi.
Bilmadim bularga nimalar sabab,
Yonimda siz emas turadi Zaynab.

Sizni deb jonginam nolalar chekdim,
Nomingizga atab ko‘p she'rlar bitdim.
Qalbimda yashaysiz doim o‘zingiz,
Yorim meni u dunyoda kutingiz. *03.09.2006y

Xudoydod
Sh.Normurodov

https://t.me/sh_n_xudoydod

Xayrli kech barchaga, assalomu alaykum. Sekin ijodga qaytdik?