يا علي مدد /محرم الليله التاسعه / Books / Telegram Index

1 year, 5 months ago

بسم الله الرحمن الرحيم
سيتم نشر قصائد خروج الضعن من المدينه وبدايه الثوره الحسينية على الرابط التالي
https://t.me/alnasherfalahhasnn
يرجى نشر الرابط ليصل الى الخدام

9 #

1 year, 5 months ago

بسم الله الرحمن الرحيم

بمناسبه ذكرى شهاده مولانا الامام موسى ابن جعفر ع تم نشر اكثر من 400 من القصايد الخاصه بهذه الذكرى على الرابط التالي

https://t.me/+-3msO083Nvg1MTMx

13 #

1 year, 5 months ago

بسم الله الرحمن الرحيم

بمناسبه ذكرى شهاده مولانا الامام موسى ابن جعفر ع سيتم نشر القصايد الخاصه بهذه الذكرى على الرابط التالي

https://t.me/+-3msO083Nvg1MTMx

10 #

1 year, 8 months ago

27 #

1 year, 8 months ago

( لو لا القضى )

علي الاكبر . نسولف بصولاتة
شبل حيدر . قاهر بضرباتة

راهب سلالة
جمع الضلالة
يرعب خيالة ( سيد الوغة )

رب الشهامة
خلة القيامة
بالطف علامة ( بسيفة طغة )

اتعلة فوك المهرة وسيفة من انشهر
صاحو الكرار هذا ب الطف ضهر
حسين ب الخيمة ويصيح لـ ابنة علي
هلا يا تربات عمة السوة دهر

&&&&&&&&&&&&&&&&&&&&&&&&&&&

يضك مهرة . ويعصف بمسراها
الهوة بضهرة . ضهضب وطباها

الحرب عيدة
شال چف ايدة
وصفن البيدة ( وبيها رجز )

انا ابن حيدر
الفارس القسور
اسمي الاكبر ( وليهم برز )

اشهر الصمصام چفة وهز الوغى
راد يكلب كاعهة ليث المرتضى
اعلة روس القادة ضل يصكل صكل
فوك ضهر الشكرة بطكاتة طغى

&&&&&&&&&&&&&&&&&&&&&&&&&

شهم دومة . ويذبح بخزراتة
اسد حومة . يرسم بطكاتة

بالمهرة لو هد
والحرب تشتد
بس هوة الاوحد ( يرعب كيانة )

ماكو جبيلة
زلمة قبيلة
يجيب اليريدة ( بجرت عنانة )

حيد زلمة معتبر وبطكتة انفرد
مثلة ما يتكرر لا منة انوجد
كطع ذچر العساكر لمن برز
كسم ضهر المناية بطفها رعد

&&&&&&&&&&&&&&&&&&&&&&&&&&&

يدر خوفة . واعتلة الكحيلة
يهز شوفة . ولية تهوس العيلة

لمن لفاهة
بخزرة حداهة
بسطرة سباهة ( بچة الوغة )

عجاها من كر
بصمصامة كبر
يمحيها لو قر ( لو لا القضة )

كود ضل يكود بيها ومحد سلم
فوك روس القادة سيفة منثلم
واحد ينده واحد يسأل عن علي
هذا الصار اكبالي واقع لو حلم

خادم الامام الرضا ( ابو ود العبودي ) _____________________لحن?****

29 #

2 years ago

انت قران الشجاعه وللشهاده بسمله
كربله صاحت دخيلك يا محمد كربله
طلعتك نور ونار
يا شبيه المختار يا محمد كربله
...
حسين ناده بدمع عينه يا إله الكون اشهد
طلع للحومه يبارز اشبه الناس بمحمد
وانته باول صوله منك ذاك مجمعهم تبدد

اسمك علي وچنك علي
تولي الزلم ما تنولي
والجيش صوته يعتلي
رد علينه المرتضى رد

طَلَعَ البدرُ عَلينا لو علي الاكبر طلع
هذا قالع باب خيبر من بعد موته رجع
بصورتك حامي الجار
يا شبيه المختار يا محمد كربله
...
الخيل والخياله رجفت من برزت اعله الكتايب
والمفر من موت سيفك صار مو مستحب واجب
واحد لواحد يگله من يگابل آل طالب

هديت عالظلمه فجر
خيرها منك ما يمر
راويتها نجوم الظهر
بفزعتك شافت عجايب

ترتجز إني عليُ بنُ الحسين بنُ علي
الفارس الگال انه زلمه يطلع ويبرز الي
ثائر وتطلب ثار
يا شبيه المختار يا محمد كربله
...
انت موت الله وعذابه من عذابك وين تشرد
تقاتل بأربع جهاتك والزلم بالزلم تلبد
الك من تطلع كتيبه بلا روس الوادم ترد

شبعت تعب شبعت ركض
للجيش ما كفت ارض
ماخذهم بطول وعرض
وسيفك مغيم ويرعد

وجوه صفره الگاع حمره وساد اعليها الهوه
تأذن بسبعين الفها وكل الف تسجد سوه
كلها دخلت انذار
يا شبيه المختار يا محمد كربله
...
معزب بگاع الشهاده وسيفك مفتّح مضيفه
يا علي ويا شيخ مثلك ذبح كل الروس سيفه
عفيه يا تربية حيدر ادّب اولاد السقيفه

للأصل لا تترك فرع
صول واخذ ثار الضلع
بسيفك رگبهم تنگطع
ثار فاطم لا تعيفه

كسرو ضلع الزچيه والصدر ينزف دمه
بكربله واتصيح يالـِ ثار امي فاطمه
اخذ ثار البسمار
يا شبيه المختار يا محمد كربله
...
هاشمي ولغير هاشم ابد ما تحله القياده
موت من اجل العقيده ايلوگ ثوب الشهاده
من طبر راسك العبدي حس گلب عودك وناده

يا نور عيناي الطفه
بعدك عله الدنيه العفه
بوجهك اشوف المصطفه
فرگتك گُطعت افاده

يا علي من رحت عني ظلمه صارت دنيتي
اكبر اولادي فگدته والله حيره حيرتي
والزمن بيه اندار
يا شبيه المختار يا محمد كربله
...
خادم الحسين ( عليه السلام)
كرار حسين الكربلائي
(ابو كميل)انت قران الشجاعه وللشهاده بسمله
كربله صاحت دخيلك يا محمد كربله
طلعتك نور ونار
يا شبيه المختار يا محمد كربله
...
حسين ناده بدمع عينه يا إله الكون اشهد
طلع للحومه يبارز اشبه الناس بمحمد
وانته باول صوله منك ذاك مجمعهم تبدد