لولادة الزهراء عليها السلام

نور الولادة أفراح   بيه أزهر الكون
هليله  يازهراء     ما تغفه  العيون
★★★★★
بذكرچ بده المختار   وآيات الكتاب
الكهف والدخان    يوسف والاحزاب
بكل سوره بالقرآن   اسمچ فلا غاب
بذكرچ تمر وتزول  كل شدة وتهون
★★★★★
يا آية رب الكون        أنزلها تنزيل
مذكوره بالتوراة   مرت  بالانجيل
امليتي الزبور.   أنوار ياگمرة الليل
ذكرچ دوه المعلول  والگلبه محزون
★★★★★
ركن الهدى والدين.      بضعة محمد
بطيب الصفاة البيض  شخصچ تفرد
اليوم الحزن مرفوض و الدمعه بالخد
ننسه الضلع والصار   والي جره شلون
★★★★★
درة بحر وكنوز        ياسر الأسرار
يوم القيامه هناك   متخلي  محتار
برد وسلام أصير    من تسعر  النار
شيعتها وسط النار   لا  مايدخلون
★★★★★
بنورچ يزول الليل   يرحل ظلامه
نورچ يزيح النار      يوم القيامه
يوم العسر طاريج   يصبح سلامه
الشيعة يازهراء   باسمچ ينادون
★★★★★
انسه عذاب البيه    ومسحها  الدموع
ما بينت للناس        چويات   الضلوع
انسه الحزن طاريه  واعلگها  الشموع
اليوم الگلب  فرحان   وي اليفرحون
+++++++++++++++++++++++++
الشاعر حسن لعيبي الحريشاوي

ليلة ٢٠/جمادي الآخره /١٤٤٦
هجري الاحد 22\12\2024
ليلة ولادة السيده فاطمة الزهراء
عليها السلام #قصائد1446هج

. . الليله جمعه ومانسينا احبابنا
واكفين من الصبح يم بابنا

ركعه يردون وثواب…  وبيهم شسوه التراب
ضلو يصيحون حار اترابنا
واكفين من الصبح يم بابنا

🖤🖤🖤🖤🖤
صابحونا وياهله بمصباحهم
وصاحو ومحد يسمعه اصياحهم
دگت الباب وتون ارواحهم
وگالو اعزاز الگلب…. انريد نرجع مانطب
وگالو الشوگ لنزلكم جابنا
واكفين من الصبح يم بابنا

🖤🖤🖤🖤🖤
گالو الشوگ اليجرنا كل خميس
وحشه ذيج اگبورنا و ماكو ونيس
والرمل يتلف الناعم من يجيس
والچفن راگد علينه… ليش ماواحد يجينه
نعتب وما وصل خط اعتابنا
واكفين من الصبح يم بابنا

🖤🖤🖤
نعتب اعله المايمر بگبورنه
واحنه نعلم باليجي ويزورنه
وينكم يامن سكنتو دورنه
عاد اذكرونا بصلاة…. لوزياره لوزكاة
امصوبين امن الفراگ اصوابنه
واگفين من الصبح يم بابنا

🖤🖤🖤
روحنا بسهم الفراگ امصوبه
والمعاني من السموم امخربه
شلون ينسانه الگعد يمنا وربه
العــدل حزنه گصير…مادره اعلينه شيصير
مانشد عن ضيمنه ودولابنه
واگفين من الصبح يم بابنا

🖤🖤🖤
مانشد عن حالنا ليش العدل
بعد مانعتب اذا نعتب يمل
وين لمتنه العصر وين الشمل
الشمل ماضنه يعود….شلنه عنكم للحود
بعد مايگضي وطويل اغيابنه
واگفين من الصبح يم بابنه

🖤🖤🖤🖤
الاغياب سنين مايگضي ويطول
وبالكم تنسون حيدر والبتول
همه بس همه اليعدلون الحمول
والمناحه والونين….. مولهلنه للحسين
عله مصابه اللطم  مولمصابنه
واگفين من الصبح يم بابنا

🖤🖤🖤🖤🖤
✍🏻. نقلتها خادمة العتره
زينب آل جمعة ✨✨
ونسألكم الدعاء لتعجيل الفرج
لاأجيز حذف الاسم

لخادمة اهل البيت عليهم السلام الشاعره المله ام هجران العمارچيه

لولادة الزهراء عليها السلام

نور الولادة أفراح   بيه أزهر الكون
هليله  يازهراء     ما تغفه  العيون
★★★★★
بذكرچ بده المختار   وآيات الكتاب
الكهف والدخان    يوسف والاحزاب
بكل سوره بالقرآن   اسمچ فلا غاب
بذكرچ تمر وتزول  كل شدة وتهون
★★★★★
يا آية رب الكون        أنزلها تنزيل
مذكوره بالتوراة   مرت  بالانجيل
امليتي الزبور.   أنوار ياگمرة الليل
ذكرچ دوه المعلول  والگلبه محزون
★★★★★
ركن الهدى والدين.      بضعة محمد
بطيب الصفاة البيض  شخصچ تفرد
اليوم الحزن مرفوض و الدمعه بالخد
ننسه الضلع والصار   والي جره شلون
★★★★★
درة بحر وكنوز        ياسر الأسرار
يوم القيامه هناك   متخلي  محتار
برد وسلام أصير    من تسعر  النار
شيعتها وسط النار   لا  مايدخلون
★★★★★
بنورچ يزول الليل   يرحل ظلامه
نورچ يزيح النار      يوم القيامه
يوم العسر طاريج   يصبح سلامه
الشيعة يازهراء   باسمچ ينادون
★★★★★
انسه عذاب البيه    ومسحها  الدموع
ما بينت للناس        چويات   الضلوع
انسه الحزن طاريه  واعلگها  الشموع
اليوم الگلب  فرحان   وي اليفرحون
+++++++++++++++++++++++++
الشاعر حسن لعيبي الحريشاوي

ليلة ٢٠/جمادي الآخره /١٤٤٦
هجري الاحد 22\12\2024
ليلة ولادة السيده فاطمة الزهراء
عليها السلام #قصائد1446هج

الفاطمه ام البنين الليله
كومو المدمع سويه نسيله
هايه مصباح الدعاء
هايه مفتاح الرجاء
بيها حيدر بالشدد شد حيله

فاطمه من بيت طاهر فاطمه ام الفحول
عنها والتاريخ عاجز ماعرف شنهي يكول
شلون اوصفها نجيبه تحير الساني شيكول
هذا مو بس انه اكوله حيرت كل العقول
اربعه الراحو جزاء
هايه مفتاح الرجاء
بيها سر ومن عرف تحليله

بيها يطهر لسانه الكال عنها بكل  كلام
ام فحول ومن فحول فاطمه يابت حزام
بالطفوف شكبر اسمها صار للدنيه وسام
دوم مصدره البطوله بكلهن اسمج بالامام
هيه تاج الكل نساء
هايه مفتاح الرجاء
كل حرف عنها يجب ترتيله

الله خص الها خصأص لو قرية الفاتحه
راح يسهل كلشي عندك بالحسين ومذبحه
بهاي احنه جربينه و لازم احنه نوضحه
ابو تراب العرف قدرج والعقول الراجحه
بيها ميزات السماء
هايه مفتاح الرجاء
الما تمسك بالطهر ياويله

ما يجازيها دمعنه الضحت ابربع ولد
الواحد يعادل كتيبه بالسيوف وبالعدد
هيه جانت عن بصيره واليقين ومعتقد
البيها نتحده الصعيبه بكل زمان وللأبد
البيها نتحده البلاء
هايه مفتاح الرجاء
بدم ولدها كل خطر نمشيله
*
حره وفايه واصيله وعل صعاب معلمه
رغم هذا الجره اعليها بوجه زينب باسمه
كالت يروحون فدوه ولدي لبنج فاطمه
من يلزمون الصوارم عالجيوش الضالمه
ما تحسسها الاذاء
هايه مفتاح الرجاء
بدم كمرها مو دمع تبجيله

حسن صالح العيساوي

اقرى الفاتحه والنيه صفيها
راح ام البنين الحاجه تكضيها
.
:::::-----:::::
.
اصيله بت عرب من بيت بدويه
اسمها يشرف التاريخ طاريه
يمها الحاجه ام عباس مكضيه
تسهيل الامر من الله منطيها
.
:::::-----:::::
.
عــلــي الكاله تخطبلي وفـايـه
اردن خلفتي لحسين تـجـايـه
وكلاله اعله امرك تبشر بهايه
عقيل اختارها يعرف شنو البيها
.
:::::-----:::::
.
بت حزام من عدها الوفه يروه
عنوان الاصاله و لشرف قدوه
مقبولة بأسمها تمشي الدعوه
دوم وكل مكان نكوم ندعيها
.
:::::-----:::::
.
من تختار خال الخلفتك زينه
الدليل الكافل العباس لحسينه
لجل الماي طفاها الكمر عينه
كفو العباس صار الخوه راعيها
.
:::::-----:::::
.
من اختار ام البيت من هيبه
مثل ام البنين تربت بطيبه
بت شجعان اهل الكرم والنيبه
اهلها الخطو الدنيا سوانيها
.
:::::-----::::
.
حسن صالح العيساوي

انه ام البنين وهالكرم عندي
فده لحسين لو جانو الف ولدي
لجل حسين.... افدي اسنيني
.......
انه ام البنين الاربعه الطيبين
شباب وسلوه چانو للگلب والعين
ولو عندي بعد انطي بثواب حسين
بهاي شكبره حضي واشكبر سعدي
.......
انه ام الكرم هذا الفخر ليه
طبع البدوي يكرم وانه بدويه
لحسين شأقدم احسب شويه
ويه الزهره احس امقصره بوعدي
.......
آنه الخلفت للحره خوش ازلام
عباس واخوته والثلثت انعام
فدوه وكون زينب لحضه ما تنظام
لجل ام الخدر كون العمر تفدي
........
من حگي الفخر لو كلمتني الناس
وكالوا ليش هذا الفرق بالمقياس
اگللهم نعم غير اني ام عباس
واسم عباس من عنده الفخر يبدي
.......
يغمرني الفرح لو سمعن النسوان
واطيرن بالسمه وتصير الي جنحان
حسين يگلي يمه شثگله هالعنوان
واگله بخدمتك آمر بعد چبدي
........
عندك معضله تاه الفكر بيها
آنه الباب يلي تنشد اعليها
بالمريخ لو هالحاجه أگضيها
والحاجات كلهن لاذن بسدي
........

الشاعر حسام ناجي الحلي

ليلة ١٣ /جمادي الأولى /١٤٤٦
هجري الأحد 15 /12 \2024
ليلة استشهاد مولاتي السيده
ام البنين عليها السلام
#قصائد1446هج

بين الزهراء وريحانتها الحسين
(عليهم السلام)

حسين يمه اگعد تعال اگبالي
اليوم خل غالي و يودّع غالي
ــــــــــــــــــــــــــــــــــــــ
يمه اسولفلك اريد اعله الزمان
اسوالف الام عافيه وتگطر حنان
آنه اول ميته ماعندي مكان
ولا گبر مثل البشر يبرالي
ــــــــــــــــــــــــــــــــــــــ
آنه أظل إبلا گبر وابلا صحن
كبري يظهر وي ظهور ابن الحسن
وانته عاري اتظل ييمه بلا چفن
وهوّه چتالك نفس چتالي
ــــــــــــــــــــــــــــــــــــــ
آنه بالبسمار اتلوّع وأگول
ليش ياهالناس خالفتو الرسول
وانته يامظلوم تنداس بخيول
وزينب التنعاك هم تنعالي
ــــــــــــــــــــــــــــــــــــــ
ضلعي من ينعاب اصبح كالخيال
وانته تتطشر وذر فوگ الرمال
تعطش وماتشرب الماي الزلال
وآنه أظل بمجلسك للتالي
ــــــــــــــــــــــــــــــــــــــ
زينب اعله التل تنادي ياحسين
لو عدل انهض يبوالگلب الحنين
السوط يضربني واصدن باليمين
وباليسار احمي وجوه اطفالي
ــــــــــــــــــــــــــــــــــــــ
يمه والمحسن الماشاف الضوه
من سقط طولي مثل سعفه انلوه
لچن عبدالله المثل شم الهوه
هوه أكثر طفل شاغل بالي
ــــــــــــــــــــــــــــــــــــــ
احسين واليبچي بعزائك لو ينوح
لو يعلگ رايتك فوگ السطوح
كل تعب محسوب عندي ومايروح
تاج البسه وقصر ياخذ عالي

محمد الجماسي

#اللهم_عجل_لوليك_الفرج

ابو ذيات للزهراء عليها السلام
ويلاه يافاطمه

عني  حملت  امي  وشالت

جميع عضاي هدتها وشالت

. دمع ماضل بعيوني وشالت

الليله  دارها   وحشه  عليه

✨✨✨✨✨

الليله دار فاطم ونه  بيها

بعدت عنه . النودها  وانبيها

عليها  يون  حيدر.  وانبيها

حنه  ضهره. افراك. الزجيه

✨✨✨✨✨✨

علي الدنيه بعد فاطم مردها

دليله ومهجته  مصابج مردها

بشفاعتها البشر. تاخذ  مردها

مشت مهضومه بت سيد البريه

✨✨✨✨✨

تمت بعون اللهُ بقلم الشاعره العلويه ام رائد زوين 😭😭

https://t.me/fhgfhjvd

امیرالمومنین ع لما  قال أترکوني وحدي مع  جثمان السیدة الزهراء عليها السلام في  آخر اللحظات 
نعي لسان حال مولانا امیر المومنین✍ انتظار الریاحي

خلونی یمها عندي أعتاب

وگلها  یزهرا  یغله  الأحباب

اشلون اهیل أعلیچ التراب

🖤🖤🖤🖤🖤

مخلوقین یازهرا البعضنه

وهاي المنیه  منین اجتنه

جتنه حسافه وفرگتنه
🖤🖤🖤🖤🖤🖤

شلون ذیچ العشره السنین

راحت حسافه برمشت العین

موگلتي ماعوفک یابوحسین
🖤🖤🖤🖤🖤

وین الوعد ماتعوفیني

چا لیش هسه تفارگیني

شلون راح أگضي  أسنیني

🖤🖤🖤🖤🖤🖤

نعي بطور مختلف

لسان حال ألزهراء روحي لها الفداء

صح کتلک آنه یاعلي نبقه  سویه

ماراح أعوفک اي گلت بس موبدیه

هذا الأمر محتوم من رب  البریه

تعرف طبعها  بس  تفرگ هألمنیه

🖤🖤🖤🖤🖤🖤

✍کلمات انتظار الریاحي

ابوذيات للزهراء ع

التموت امه يموت افضل. وراها
شينطر والوصي بيده. وراها
حلم بعد آنه احاچيها. وراها
خذاها الموت راحت من أديه

جرح فگد أم حسن ياجرح. شبها
نار الكون بينه اليوم. شبها
التحبها زاد فوگ الهام. شبها
ورمشها والگلب شابن سويه

دمعك يالتحب النوح. حضره
عله الدفنوها بس بدون حضره
علي الينعاها وكت الشدد حضره
علي بجاه أم حسن عينك عليه

ضياء الكناني