مش شَرط و مش لازم أكون مش قَادر أقَف قُدامَك خالص يَعني ، عَلشان تَصدق امَا اقَولك إني بجد مُرهق و تَعبان ..
انا مُرهق ذهنياً .. و تَعبان جداً نَفسياً ، و طُول الوَقت عَماال بَقول لِروحي كِفااية ..
كِفاية توتر و قَلق و خوف من كُل حاجه ..
كِفاية اسألة لنَفسي مَلهاش أي إجابات عَندي ..
كِفاية سيناريوهات في خيالي لاختياراتي و قَرارتي اللي خَدتها ..
و يا تَري أنا عَملت الصَح ولا هَرجع اندم بَعد كده ؟!
كِفاية تَفكير زيادة و مُتواصل في كُل تَفصيلة بَعيشها في حَياتي
، و ازاي و امتاا أنا هَاعدَّي من كُل داا ؟!
ماَبقتش عَارف حَتيٰ الأحسن ليا .. اني اتكلم وافَضفض واطَلع كل اللي جُوايا ، ولا اسكُت و اكتم و اخبي عَلشان مَاحدش يأنبني و يَزوّد هَمي ..
اسمَع لِناس عَندها خبرة في الحَياة أكتر مني ..
، ولا امشي ورا إحساسي عَلشان مَاحدش بيحس بالحَاجه زي اللي عَايشها ..
حَاسس إن عقلي وقِف بجد حَرفياً ، و خِلصت بنسبالي كُل حلول الارض ..
فَوّضت أمرّي كُله لله .. هو اللي عَالم بيا و باللي فيا .. و قَادر يَراضيني و يَختارلي الأصلح..

انتوا عارفين إن يوم السبت ٦ يوليو هيبقى نهاية العام الهجري الحالي وهيبدأ عام جديد ١٤٤٦‍ الأحد بإذن الله؟!

طب عارفين إن أعمارنا وأرزاقنا ومواقيتنا تُقدّر بالتقويم الهجري القمري؟

قال تعالى : "يَسْأَلُونَكَ عَنِ الْأَهِلَّةِ قُلْ هِيَ مَوَاقِيتُ لِلنَّاسِ".

إِنَّ عِدَّةَ الشُّهُورِ عِندَ اللَّهِ اثْنَا عَشَرَ شَهْرًا فِي كِتَابِ اللَّهِ يَوْمَ خَلَقَ السَّمَاوَاتِ وَالْأَرْضَ مِنْهَا أَرْبَعَةٌ حُرُمٌ ۚ ذَٰلِكَ الدِّينُ الْقَيِّمُ

وللأسف التايم لاين كله مفيش أي حد ذَكَر حاجة عن السنة الهجرية الجديدة زي ما بنعمل في السنة الميلادية!

فَاللهُم صلِّ وسلِّم و زِد وبارك على مَن ترك أحب البلاد لقلبه من ١٤٤٥ عام حتى يبلغنا ديننا .

اللهُم إنّا نسألك خير هذه السنة ونعوذ بك من شرّها واجعلها سنة العوض الجميل بعد الصبر الطويل .. كل عام ونحن إلى الله أقرب، ربنا يجعله عام مُبارك علينا جميعًا.

وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ♥️

انت زاحم رأسك في مليون حاجة في الدنيا وناسي إنك في لحظة ممكن تسيبها وتمشي..

" هون علي نفسك لإنك لا أنت دايم ولا هي دايمة "

إنهاردة فى صلاة التراويح سمعت الشيخ بيتكلم عن إن فيه أربع صور ل " عوض ربنا " لعباده فى الدنيا

الصورة الأولى : هى أنه لو ربنا أراد أخذ نعمة من أيديك ، فقد ترد إليك بنعمة أخرى أفضل منها ليقر بها عينك و يرضى قلبك .
"يؤتكم خيرا مما أخذ منكم" - "مش زيه لأ أحسن منه كمان "

الصورة التانية: هى إن ربنا يقذف فى قلبك و عقلك الفهم و الحكمة فترزق بنعمة البصيرة .

الصورة الثالثة : هى إن تفضل الأزمة موجودة بس ربنا يخففها عنك برزقك بنعم تانية ، أو يقذف فى قلبك الزهد تجاها فتقدر تتعايش معاها بهدوء و سكينة .

الصورة الرابعة: هى إن العوض بالله سبحانه و تعالى يملى قلبك بالاستغناء فقط بوجود ربنا فى حياته فتلاقى نفسك مش شايف أصلا إن فيه حاجة فى الدنيا تستحق الحزن عليها

‏"قد ينال المُؤمن بدعاءِ أخيهِ ما لا يُدركه بدعائِه لنفسِه."

- ‏حفُّونا بدعواتِكم.

ركز! أنت محتاج تركّز!
قال رسول الله ﷺ عن شهر رمضان (وللهِ عُتَقَاءُ مِنَ النَّارِ وَذَلِكَ كُلَّ لَيْلَةٍ)

في كل ليلة من شهر رمضان، ربنا عز وجل هيختار عباد من عباده وهيعتقهم من النار.
والعِتق من النار يعني النجاة من النار.

الحمدُ لله على كرمه ولُطفه بينا..
الحمدُ لله على الفرص اللانهائية للتوبة والرجوع إلي الله والمغفرة.. الحمدُ لله رب العالمين.

مستوعبين الكرم؟
يعني ربنا عز وجل -كل ليلة- هيختار عباد ليه وهينجّيهم من النار.
هيكتب لهم إنهم خلاص، فازوا، أُنقِذوا من العذاب، نجوا من النار.
زي ما ربنا عز وجل عرّفنا معنى الفوز الحقيقي في القرآن وقال: (فمن زُحزِح عن النار وأُدخِل الجنة فقد فاز)
فالّي ربنا هيختارهم ويعتقهم من النار دول فازوا..
وده كل ليلة. كل ليلة من ليالي رمضان هيكون الفوز العظيم ده لبعض العباد.

فاحنا عايزين إيه؟
عايزين نفوز؟
عايزين نُعتَق من النار؟
عايزين ربنا ينقذنا وينجينا من عذاب النار؟
وهو في حد هيعوز غير كده؟ في حد هيقدر على غير كده؟

عندنا ٣٠ ليلة، ٣٠ ليلة كاملين هيكون فيهم كل يوم فائزين..
محتاجين نركز، محتاجين نصدق النية ونكون مخلصين لله عز وجل،
ومحتاجين إنه ميعديش علينا ليلة واحدة من الليالي العظيمة دي من غير ما نترجى الله عز وجل إنه يجعلنا من العتقاء، وإنه ينجينا من النار.

.. تزوجها وكشف عن وجهها فوجدها سمراء وليست جميلة فهجرها في ليلة الزفاف واستمر الهجران بعد ذلك فلما استشعرت زوجته ذالك ذهبت اليه وقالت له يا مالك؟؟
لعل الخير يكمن في الشر
فدخل بها واتم زواج
ولكن استمر في قلبه ذالك الشعور بعدم رضاه عن شكلها
فهجرها مرة ثانيه ولكن هذه المره هجرها عشرين عاما ولم يدرى أن أمراته حملت منه
وبعد عشرين عام رجع الي مدينه حيث يوجد بيته واراد ان يصلي ،فدخل المسجد فسمع امام يلقى درس فجلس فسمعه فاعجب وانبهر به
فسأل عن اسمه فقالوا هو الامام انس
فقال ابن من هو؟
فقالوا ابن رجل هجر المدينه منذ عشرين عاما اسمه مالك فذهب اليه وقال له سوف اذهب معك الي المنزل
ولكن ساقف امام الباب وقل لامك رجل امام البيت يقول لك
لعل الخير يكمن في الشر
فلما ذهب وقال لامه قالت اسرع وافتح الباب انه والدك اتى بعد غياب طويل
ولم تقل له انه هجرنا عشرين سنه
ولم تذكر اباه طول غيابه بالسوء
فكان اللقاء حارا
وكان ابنه هو انس بن مالك رضي الله عنه خادم رسولنا الكريم عليه افضل الصلاه والسلام وراوي احاديث الرسول الصحيحة وكان يفخر بذالك
شكرا لك يا ام انس على الدرس الجميل
لعل الخير يكمن في الشر
احيانا كثيره نهرب من الامور والاشخاص الذين لا يأتون علي ماتشتهي انفسناوتغيب عنا مقولة
لعل الله اراد بذالك خير
لا يؤخر الله شيئ إلا لخير
ولايبكيك اليوم إلا لخير
ولاينزل عليك بلاء إلا لخير
لا ترحل قبل أن،،تصلي علي شفيع الامه
اللهم صل وسلم علي نبينا محمد وعلى آله وصحبه وسلم

لعل الخير يكمن في الشر يا مالك أنها زوجة الامام مالك بن أنس وام صالحة للإمام أنس بن مالك ...الجمال ليس شكلا يا مالك .. الحمد لله رب العالمين

بعد كام يوم بالضبط هيتقلب روتين حياتنا للروتين الوحيد اللي مبنزهقش منه!?♥️

هترجع سهرات الليل، والعزايم، واللمة على الفطار، ونتسابق نشرب مايه قبل أذان الفجر، وترجع القطايف، وأصوات الأطفال في الشارع، وصلاة التراويح، والسحور، وصلاة الفجر في المساجد و التسابق في الخير

حماسي مش راضي يخلص ولا ينتهي كل ما افتكر إنهم مجرد كام يوم بس وييجي "رمضان" يطبطب على قلوبنا ويمسح عليها، ويعيد هيكلة أنفسنا ويشحن أرواحنا مرة تانية بعد ما اتهلكنا الشهور اللي فاتت.

اللهم سلمنا لرمضان، وسلمه لنا، وتسلمه منا مُتقبلا.♥️