أعماني النضج لين أزريت أشوف الحياه
مع إن جيلي يعيشون الحياة بشغف

وش يشبع اللّي ربط عقله بحيل وحصاه
دامه ماحصّل ورى الأحلام لقمة رغف .

على البال مرّ اللّي لا رحّب ولا هلّا
‏إلا مرحباه اللّي قبل ليلة وداعه

‏تمنيت طيفه يوم سيّر عليّ خلّا
‏شعور اللّقى اللّي مابعد طابت أوجاعه

‏بعد غيبته كنّي من الراحه مجلّا
‏غريبٍ تذكر دار ربعه ومرباعه

‏ما أحب الوجيه اللّي عليها قناع إلا
‏وجهٍ ساتره من دافع العفه قناعه .

أنا وياك مثل السبت والجمعه
ياقربنا والصحيح إنا بعيديني ،

ألا ياجرحي لك سنه و عدة شهور
‏ضايق ولا تدري وش اللي كتمته

‏ما فاد لعلاجك أطباء ودكتور
ولا ‏فادك إلا شوفة اللّي فقدته

‏وأصبر لو الدنيا على حزنك تدور
‏يمكن تزين و ينفع اللّي صبرته

‏ببقى معك لو كان لك فالزمن جور
‏أنا حفظت وصالنا ما خذلته .
‏

‏والله إن عيني تحبّك وقلبي مشتريك
‏وإني حاولت أحتفظ فيك قدر المستطاع

‏مدري أضحك من ردى الحظ ولا أبكي عليك
‏أنت حلمٍ حال دونه ردى حظي و ضَاع .

رغم إن الطريق ما عاد يجمعنا ولكن
‏أحس إن الخطاوي كلها صوبك توديني .

في حطام الوقت والحسره على مر الليالي
‏بين تقليب المواجع والمحطات الأليمه

‏كنت أزيل الذكريات اللي تمر بدون والي
‏لين ماوقف حنيني في مشاهده القديمه .