غداً الأحد 17/3 #موعد_الانطلاق
بالجلسة الأولى للمادتين:
⭕️وراثة الساعة 11:30 صباحاً

⭕️احصاء طبي الساعة 2 ظهراً

?الموقع:
معهد الشرق-ساحة العاصي-الدباغة استديو 26

#الجلسة_مجانية ?

يسعد مساكن يا جماعة ❤️

⚜موعدنا ان شاء الله باللقاء معكن السبت الساعة 10 صباحاً ❤️
⚜مركز الشرق
ساحة العاصي-الدباغة-مبنى استديو 26
(وصلوا لهنيك واسألوا محدا بضيع)

الجلسة ح تكون غنية جداً:
⭕️كورس الوراثة الطبية و التقسيم كاملاً
علامتي بالوراثة كانت 96
و هي السنة الرابعة على التوالي باعطاء المنهاج?

⭕️كورس الاحصاء الطبي
كمان السنة الرابعة على التوالي باعطاء المنهاج ?
بعلامة 92 تاني/تالت اعلى علامة على مستوى المحافظة ?

⭕️تجربتي #بالتشريح_بعلامة_100 الحمدلله
عقبالكن كلكن?❤️

نصائح عامة حول الفصل التاني خاصة للي طموحن بشري و مقصرين الفصل الأول ❤️?

التسجيل حصراً #واتس على الرقم
0945488635

موفقين حبايبي ❤️?

يسعد مساكن و جمعة مباركة على الجميع ❤️❤️

رح بلش نزل كذا احصائية
اول شي الاحصائيات اللي ح ننزلها كلها لازم تستفيد منها
ومو مجرد أرقام تقراها قراية

تاني شي الغاية من هي الاحصائيات تعرف تحدد توجهك بشكل تقريبي من هلق
هل انا بدي بشري ولا اسنان ولا صيدلة
و هل انا بدي بنفس محافظتي ولا بغير محافظة
(مع الانتباه للمحافظات اللي معدلاتها عالية متل دمشق , طرطوس, حماه)

تالتا كل هي الاحصائيات بعلم الاحصاء تقريبية لأنو بالمعادلات في عنا مجهول
واللي هو معدلك الفصل التاني

لهيك من هلق بقلك افترضت افتراضين
الأول انو انت ح تجيب نفس معدلك بالفصلين
والتاني انو ح يرتفع معدلك شوي اكتر من التاني

ليش افترضت هالشي لأنو نسبة تفوق ال 85% من الطلاب ع مر السنوات
يا بيبقى نفس معدلو
يا بزيد
اما اللي بينزل معدلو ..فنسبتن لا تتجاوز 15%

يعني عامل الثقة اللي عم اشتغل عليه (بكرا بتعرفوا بمادتنا الاحصاء شو يعني عامل ثقة)
هو تقريبا 85%

النقطة الأخيرة اللي بدي نوه عليها
انو هلق بمناسبة صدور العلامات ح اعلن عن الانطلاق
لانو بلش الجد من لحظة صدور العلامات

موفقين شبيبة❤️❤️

@KoujahGenetics

كلمتين عالسريع لحتى ما نسأل عالعلامات بشكل مالو فايدة
https://t.me/KoujahGenetics/1488
حط معدلك هون لحتى بأسرع وقت اعمللكن تقدير للشغلات هي:
?العلامات اخفض ولا اعلى من السنوات الماضية
?هل معدل البشري رح ينخفض ولا لا
?هل فعلا كان هاد الفصل ضربة للطلاب ولا لا

أصدقائي العلامات أصدق شي ممكن يعطينا توقع عن السيناريو الجاية
بخصوص الفصل التاني

⭕️انضموا لحتى ما يفوتكن التحليل تبع الاستبيان:
https://t.me/KoujahGenetics

يسعدلي اوقاتكم دكاترة?‍♀️
متل ما قلتلكن رح بلش عرفكن ع مواد الفصل التاني ?
و رح نزل كل مادة ببوست لحالها ?
#اول-مادة ?التشريح
بدايةً كم كلمة عن هي المادة :
التشريح من احلى مواد الفصل التاني و هي مادة معدل بامتياز للطالب اللي بيدرسها صح?
شلون يعني يدرسها صح؟!
يعني انت ح تكون خيارات كتيرة لمصادر مختلفة بتشرح هي المادة (ما رح نرجع نحكي عن تحديد المصادر لانه عندكن تجربة مسبقة)
?المادة تعتمد ع دقة بالحفظ+تركيز+ ذاكرة بصرية 
?️و الحل هون انك تدرس و حدك الاطلس و كل شغلة تفتح تشوفها بعينك
و تراجع الفقرة ع الرسمة
?️اوعا ثم اوعا تروح ع شي مانك شايفه او عايده ع رسمة
?️حاول و انت عم تدرس ترسم شي تقريبي بايدك ما ضروري تكون دقيق المهم ترسخ بذاكرتك 
هي الطريقة بتخليك تهكر التشريح
?️الفصول اللي عندك ياها سهلة و مهمة فيما بعد لانه متل حجر الأساس
?️كتير مهم فكرة تخلص و تحل اختبارات
و بين الفترة و التانية ترجع عليهن لو بس مرور الكرام مع نظرة ع الأطلس
الأطلس رح يكون رفيقك الانتيم و انت عم تدرس تشريح  
?️برجع بقلك التشريح مادة حفظية و لكن حفظها ممتع المهم ادرسها ع انك دكتور و لازم تعرف بكل محل من جسم الإنسان شو موجود ما تدرسها ع انك طالب بدك تقدم امتحان لانه هيك رح تلاقي المادة غليظة
?️المصطلحات مهمة مهمة بري 8 (دفعتي العظيمة??) كان تقريب 50% مصطلحات فلا تستهين فيها
?️القصص كتير بتساعد انك تربط كذا شغلة بعضهن بطريقة ما تنتسى و صدقا في شغلات من التحضيرية حفظتها بجملة او قصة لهلا ما بنساهن و استفدت منهن هي السنة
?️المرجع الاساسي الكتاب و كتير مريح التعامل معه
?اي سؤال اتركه بالتعليقات
منتابع بالبوستات التعريفية عن باقي المواد? ....

الحمدلله ع سلامتكن اشاوسنا ?‍♀️
مبروك الخلاص ع خير و سلامة للكل شو ما كان وضعك و كيف ما تكون قدمت
بالعطلة يتساوى الفارش مع النيرد ?
كتير بهي الفترة بصير في حكي ع انه بدنا نبلش دراسة و شو مواد الفصل التاني و هالحكي هاد
انا رح قلك خود.من عندي كلمتين?
انت طالب طالع من البكالوريا و التكميلي متنهنه و فتت بجو جامعي و دراسي جديد و ضغط و تعب
اغلبكن من امتحانات العملي لحد يوم السبت و هو عايش تحت ضغط نفسي ثابت و يمكن كل يوم يحسه اصعب من اللي قبله
اللي بدي قوله إنه مخك تعب و جهازك العصبي تعب كمان
انت بحاجة انك تعطي حالك رياحة
جسمك متل البطارية فيك تبقى عم تستهلكها هلا بس بنص الفصل التاني بتطفي وقت غيرك بكون باوج طاقته
لهيك اشحن طاقة جسمك و ارتااح و ارجع رتب حياتك من اول وجديد ساوي كلشي بتحب تساويه انت بتستاهل و من حقك ترتاح و لا تفكر بسيرة دراسة ابدا
اللي انت فيه مجرد شعلة حماس بعد كم يوم بترجع بتتعب و بتندم انك ما ارتحت
و ع فكرة ع مر السنوات اصحاب المعدلات الأعلى مو اللي درسوا بعد ما طلعوا لا، اللي ارتاحوا و عطوا جهازهن العصبي فترة راحة
اوعك.تنجر ورا ومضة حماس مو بمحلها
لاحقين ع الفصل التاني
و كله بيتعوض باذن الله الشي معتمد عليك
و اكيد ما رح انساكن بوست توضيحي لمواد الفصل التاني ?
دمتم بخير ❤❤❤

#تجربة_تاريخ_بعلامة_99❤️
مرحبا يا أحفاد ماسويه وتيان طمنوني عنكن ?
باسبوع التاريخ لازم الكل ينعش مخو بشي دنب كلب أعور
و عينين بقرة عم تعرج
وهيك بتفيق الصبح بتلاقي حالك ...... ?

المهم ما علينا
اكتبولي عالبوت عن شو بتحبوا نصائح التاريخ من تجربتي فيها ⁉️
@AlaaKoujahbot