ودريت
‏إني أحبك كثر رمشة كل عين
‏وإن كل الأرض عندي
‏كلها سورك و بابك
‏و دريت
‏إني عشانك كل ما فيني يلين
‏وقمت أقبل راس حظٍ
‏أكرمني وجابك
❤️

أوعدك كان حضوري مسبب إزعاج
بودّعك وأغيب والغي حضوري
ماني بفاتح باب قلبي للإحراج
ولا أحب أكون إنسان ماهو ضروري
يوم انت كنت لظلمة أيامي سراج
ماخافت الخطوات حزة عبوري
ببعد وأنا ادري ما ورى بعدك علاج
"والهجر والله ماهو من دواعي سروري"

‏الشِعر ما يعطي القداسة للإنسان
‏والفن ما يصنعك قيّم لحاله
ياحظه إللي عنده إحساس وإحسان
‏متكاملٍ بين الشِعر و الجمالة

وان قاشروك الناس فيني صدّ بي
غص بي بحور مايقدر غبها
راضي ومتغاضي وسو اللي تبي
تسلّ روحي فالهوى وتصبها❤️

شفت النجوم اللي تخاوت مع الليل
أضرب عددها في عددها وزدها
وأحسب خطوط الطول والعرض بالميل
وأجمع شعوب الأرض وادبل عددها
وأكتب رقم بليار بليار.. تدبيل
بليار في بليار وأدبل عددها
وأحسب عدد ما سبح العبد بالليل
وما دارات أيام السنة في مددها
شوف النتيجة بعد هذي التحاليل؟
ذي قيمتك عندي وهذي عددها

ركعة الوتر ، تضيء كل شيء فيك إنطفئ .

فإذا ذكرتُ فناءَ دُنيانا الَّتي
لا لفظها يَبقى ولا مَعناها
خفَّ الأَسى عنّي وهان عليَّ ما
أَلقاه من أَهوالها وَبَلاها!
يَهوى الأَنامُ بها البقاءَ وإنَّما
شاءَ الإلهُ بقاءَهم بِسواها
ما هذه الأَيّامُ غيرُ مراحلٍ
تُطوى وأَنفاسُ النفوس خُطاها
حتّى إِذا بلغت نهايةَ سَيرها
أَلقَت عَصاها واِستقرَّ نَواها.

فدوة عيونك لو غدت روح مغليك
وش عاد لو راحت لعينك عشاير
ابيع ما يغلى على الكون و اشريك
و اسوق لَى جتني علومك بشاير
و ازعّل جميع الناس بالحيل و ارضيك
و اصبر ولو دارت علَيّ الدّواير
و آخذ من ايّامي لك ايام واعطيك
وان راح عمري لك فلا هو خساير
احب انا شوفك و صوتك و طاريك
دايم وفكري فيك هايم وحاير
بالصمت اهوجس بك و بالصوت اناديك
و الله عليم البيّنه و السّراير
انا و قلبي و الهوى بين اياديك
عندك مفاتيح الهنا للضماير
من روحي احبك ومن روحي افديك
يامن غرامه و الحسن فيه ثاير

جعل دارٍ ضمت خطاك تسقيها المزون
‏جعلها من صادق الغيث شق ٍمن سما

تمشي على جرّة ظنوني رجولي
‏أحب دون أسباب وأصد لأسباب

‏مهما يمر العمر قلبي طفولي
‏وظني بعيني ينقرا مثل الكتاب

‏لا أحدٍ بمثلي لا ولا أحد بحولي
‏لو يشبهوني عمدًا الأصل غلّاب

‏حلفت أحقق للأماني وصولي
‏لو بيني وبين الرجا تلة أرقاب