كَـــوم يالمـوعـود مـلـيـنـه الصـبـر
والصـبـر مـلـنـه بـكــثـر مانـنـتـظـر
-------------------------------

ملـنـه حـتـه الصبر واستاء الوضع
ويـاوكـت يالـغـايـب الـبـي نـنجمع
مصابنه بهـالـيـوم ابـد مـايـنـجـرع
حيث موسى اتـسمم وجبده انفطر
-------------------------------

اليوم جدك بالسجن جـبـده انـفـره
والـرشـيـد ابـســم دلـيــلـــه فـطره
والسم اويه ادماه يـالـغـايـب سره
وكَضه كل عـمره بزنازين الكـفـر
-------------------------------

بعـد ما كَضه السـنـيـن اللي مـضـن
يـنـتـقـل كل يوم من سجن السجن
من الاهل محروم وعـلـيـهـم يحن
ومادروا بيه انـكَـضه ابـسم الغدر
-------------------------------

والـمـحـبـيــن الـلــي تـنـطـر جـيته
كلهـا مـتحـضّـره الـيـوم الـشـوفته
من السجن سمعوا ابموعد طلـعـته
يم جـسـر بغداد بالخـمسه العـصـر
-------------------------------

طـلـعـت اكَـلـوب المُـحـبـه الوالعه
يـم جـسـر بـغـداد كـلـهـا اتـطــالعه
شافـوا الناعي اويه حراس اربعه
خـلوا أجـنـازه عـلـى ظـهـر الجسر
-------------------------------

اعله الجنازه التموا ابحيرة ظنون
الجـثـة الكـاظـم غــــــدوا يتألمون
ريت ذيج الساعه لوتعمه العـيون
عكَب موسى ابيش يـنـفـعها النظر
-------------------------------

يابو صالح يــسـتـعـر بـيـنـه اللهيب
عنه تدري شـكَال مـن شـافــه الطبيب
هـذا ماعـنـده عـمـام ولا حـبـيــــب
ولااهل هاليوم تـشـيـيعـه اتحـضر
-------------------------------

بهالمصاب اتملك الشـيـعـه الحزن
وثاره ياوسفه اويه جثمانه اندفن
عــود يـالـمـوعـود ياشبل الحسن
يمته بـيـمـيـنـك تسل سيف النصر
-------------------------------

خادم اهل البيت عليهم السلام
عمار العيساوي الكربلائي

طارش من سجن موسى اجه ويحمل بشاره
الجمعه الكاظم ايعاود عكَب طــول انتظاره
ومضمون الوصيه .. تلكَوا ابن الزجيه
--------------------------------

طارش من سجن موسى اجه وبشّر
يا شيعه بـعـد مــا حــاجـه نـتــنـطر
خبر عندي اليسمعه يفرح وينـسـر
الجمعه الملتقى وي موسى ابن جعفر

ومضمون الخبر عكس الخبر هذا اليذيعه
مضمون الخبر جثه يرد شبل الوديعه
بحجور المنيه .. تلكَوا ابن الزجيه
------------------------------------

طلعت شيعته اتاني عله المــوعـد
كلهم عين وحده وعالطريق اتصد
كل ظنهم عليهم موسى راح ايرد
ما يدرون اجــه ابتابوت متوســد

شافوا گبلت اجنازه ونعه ناعي المنيه
هذا البالنعش موسى امام الرافضيه
مات ابهالمسيه .. تلگوا ابن الزجيه
-------------------------------------

على جسر الحزن خلوا نعش موسى
والشيعه اجته ابحسره ملموسه
هذا ايشبگه ذاك ايشمه ويبوسه
وطبيب الشافه گال الحاله ميؤسه

گلهم سمموا جبده وسره السم ابدليله
مات الكاظم وما ظل بعد باليد حيله
ما ظل شي بديه .. تلگوا ابن الزجيه
--------------------------------

طبيبه شخّص الحاله ويهل دمعه
گلهـم جـبـدتــه بـسـمــوم متگطعه
وين اهله وبنينه خل تجي اتودعه
ما عنده عشيره وتحضر اتشيعه

گلهم موسى متعذب والاثار اشكثرها
بآثار الحديد اثبت يشيعه الكم عمرها
بآثار الاذيه ۔۔ تلگوا ابن الزجيه
----------------------------------

ترك طوگ الحديد آثاره ابجسمه
وتأثر هالجسم من كثرة الظلمه
صار سنين ثغره امفاركَ البسمه
ولا واحد يزوره ومحـد ايكلمه

ابزنزانه گضه اسنين العمر محد يزوره
ظلمه وتنجلي هالظلمه من يتلاله نوره
بانواره الضويه ۔۔ تلگوا ابن الزجيه
--------------------------------------

اثـــار العبـــاده ابوجها يالسامــع
خلّص عمره موسى ساجد وراكع
لبــدور الامـامـه هالبـــدر سـابــع
وباهل العصمه موسى يصبح التاسع

امن اهل بيت النبي والهم نعرف القتل عاده
مسموم ابسجن والليله سجدتله الشهاده

-----------------------------

خادم اهل البيت عليهم السلام
عمار العيساوي الكربلائي

يبن جعفر يموسى.. يبن جعفر
--------------------------------

اليوم ذكرى امصيبتك
بيك حفّت شيعتك
جددَتلك بيعتك
منّـــتغير يموسى . منّــــتغير
--------------------------------------

اليوم عهد انجدده
وما نهاب امن العده
والله لو رادوا فده
ننطي منحر يموسى .. ننطي منحر
------------------------------------

ادروع نوكف بالصحن
ما نخاف اهل الفتن
خل يلاوينه الزمن
لا ميكدر يموسى .. لا ميكدر
-----------------------------------

امحبتك يابو الرضا
ما تلمها ارض وفضه
احنه احنه الرافضه
اتباع حيدر يموسى .. اتباع حيدر
-----------------------------------

رافضيه ونفتخر
لاجلك انضحي العمر
وشاهد اعلينه الجسر
وبينه يفخر يموسى .. وبينه يفخر
----------------------------------

خل تكيد الناصبه
ما تنول التطلبه
من طبايعنه الابه
ونرفض الشر يموسى .. نرفض الشر
--------------------------------

وبينه يالكاظم جمر
عالدليل المنفطر
الثارك احنه ننتظر
المهدي يظهر يموسى.. المهدي يظهر
--------------------------------------

كلنه ننطر طلعته
انروح فدوه االشوفته
سيف كلنه ابيمنته
وبينه يثأر يموسى.. بينه يثأر
-----------------------------------

خادم اهل البيت-عليهم السلام- عمار العيساوي الكربلائي

وصيت بدمع جاري .. إن الأمر للباري
أوصيكم كتاب الله والعتره
هاي اوصيّتك ان نفعت الذكرى
. . . . . . . . . . . . . . . . . . . . .

كبل لا تغمض اعيونك وصيت ابأمر حتمي
وردت تكتب يبو الزهره كتاب اموثق ورسمي
ردت اتكول اهل بيتي نفسي ومهجتي ودمي
كالوا ( يهجر ) ومنها أصبح كل كلب مدمي

يهجر . منهو ايدها .. والمصحف شهد ضدها
(ما ينطق ) صريحه و واضحه العبره
هاي اوصيّتك ان نفعت الذكرى
. . . . . . . . . . . . . . . . . . . . . .

يطه ما رعوا كدرك ولا تاريخك وصيتك
واول أمر من عدهم بي ظلموا اهل بيتك
ومن قروا هجوم الدار عمدا خلفوا اوصيتك
والظالم هجم رايد يلجم كلب حنيتك

يدري ابفاطمة عيونك .. بس رادوا يأذونك
(مني بضعةٌ) كايلها عالزهره
هاي اوصيّتك ان نفعت الذكرى
. . . . . . . . . . . . . . . . . . . . . .

لمن هجموا اعله الدار سنوا للظلم دستور
ومن الهجمه خلف الباب لاذ امن الظلام النور
رادوا ينطفي هالنور حركوا بابها المستور
ومن العصره والدفعات وكعت والظلع مكسور

اول حمله نفذوها .. بيها الزهره اذوها
(ياذيني اذاها) كلت كم مره
هاي اوصيتك ان نفعت الذكرى
. . . . . . . . . . . . . . . . . . . . . .

هوت مكسورة الأضلاع ومجوايه من النار
وسكط محسن من الاحشاء من ظرب العده الاشرار
شنو الذنب اللي جانيته حتى يصير بيها الصار
جف العبد يسطرها بغض بحيدر الكرار

من كد شدة السطره .. عين ابنيتك حمره
( روحك بين جنبيك ) وتجر حسره
هاي اوصيّتك ان نفعت الذكرى
. . . . . . . . . . . . . . . . . . . . . .

منعوها البواجي اعليك وكامت تخنك العبره
وبيت الأحزان تنوح لأجلك فاطمة الزهره
من الحزن والآلام ماتت والغصص كثره
ماتت والوصيه تعيش للعالم بقت ذكرى

يالهادي اللي اذوها .. ما رادت يدفنوها
الآمن خوف ما يتأمن ابعمره
هاي اوصيّتك ان نفعت الذكرى
. . . . . . . . . . . . . . . . . . . . . .

خادم اهل البيت عليهم السلام
عمار العيساوي الكربلائي

انتي الشفيعةُ كيفَ يُكسرُ ظلعكِ
انتي الوديعةُ واستباحوا دمعكِ
في فتوةِ الرجس .. من يقتلُ الشمس
. . . . . . . . . . . . . . . . . . . .

انتي ام ابوها ومهجة الكرار
يعني انتي القسيمة ابين جنه ونار
شلون ابابج اجتمعوا بني الكفار
ودفعوها عليج وصابج البسمار

لرضاكِ ربَ الكونِ راض ٍ فاطمه
يغضب اذا قلتي انا متألمه
قدسيةُ النفس .. من يقتلُ الشمس
. . . . . . . . . . . . . . . . . . . .

اله الكون لاجلج خالق الأكوان
واعليج اهجموا عبّادة الاوثان
سنّوا للظلم منهج بني الشيطان
رادوا ما يظل طاري البني الرحمن

لن يُطفِؤا نورَ الجليل بفعلِهِم
يأبى الالهُ لنورهِ من جهلهم
حقدٌ من الامس .. من يقتل الشمس
. . . . . . . . . . . . . . . . . . . . . . . . .

انتي الزهره جنتي بلوحة المختار
انعجب بيج الدهر دك بالصدر بسمار
انتي الجوهرة يا مجمل الأسرار
خدم خيبر اجوا يمج الطلب الثار

لم يجرأوا ان يقربوا من حيدره
فيكِ أرادوا كسرةً في خاطره
بئسً لهم بئس .. من يقتل الشمس
. . . . . . . . . . . . . . . . . .   . . .

مو كسرة ضلع صابوج بل كسرين
وكل كلب انكسر وياج يأم حسين
كلشي انصاب الج يا علة التكوين
كلشي يحن . بس اهل الحقد متلين

تلكَ العصابةُ حقدها متنفذُ
حينَ اعتلت في وجهكِ يدُ قنفذُ
حورية الانس .. من يقتل الشمس
. . . . . . . . . . . . . . . . . . . . . .

انتي بطيحتج طاح القلم واللوح
وعرش الله المصابج فاطمه مجروح
الهم الحيدر ابأفق الزمان ايلوح
وبوسط الجنان اعليج كلشي اينوح

والبابُ ايٍ والظلوعُ تكسرت
ولهولِ ما حدثَ الجبالُ سُيرت
حزنٌ بكى القدس .. من يقتل الشمس
. . . . . . . . . . . . . . . . . . . . . . . .

باجر فاطمه ثارج يرد اردود
وجرحج يلتأم من يظهر الموعود
تحت راية المهدي الشيعه كلها اجنود
بعد الثار نبني المرقد المعهود

يا محورَ الدُنيا لكِ الكلُ انحنى
ان لم أكن عبدا لكِ فمن انا ؟
إذ يبتدي الدرس .. من يقتل الشمس
. . . . . . . . . . . . . . . . . . . . . . . .

خادم اهل البيت عليهم السلام
عمار العيساوي الكربلائي

رد باربعين حسين ظعن السبايا
وجابر لكوا موجود ينعى الضحايا
أدى السلام .. كبال الإمام
. . . . . . . . . . . . . . . . . .

رجع ظعن السبي للطف وتقدمهم ابو الباقر
شافوا عالقبر ناعي ينوح ويكسر الخاطر
دنه السجاد من عنده لكاه امعفر وغابر
كرّب وابتده يحاجيه السلام اعليك ياجابر

رد السلام وكام يقبل امامه
ودموعه لجل حسين خطن علامه
بدء الكلام .. كبال الإمام
. . . . . . . . . . . . . . . . . .

يكله أخبرني عن حسين روح الهادي والزهره
يكله اتوزع اعله الكاع سيوف الكافره توذره
يجابر منته ما تدري بعضيدة انكسر ظهره
يم النهر لمن طاح عمي بولية الكثره

ظل محني ظهر حسين طايح يشوفه
راسه بعمد مصيوب وكطعوا جفوفه
مرمي بسهام .. كبال الإمام
. . . . . . . . . . . . . . . . . . .

يجابر ما شفت حاله لمن ودع الاكبر
تغير لونه لوليده وكل شهكة نفس كبر
انهد حيل الابو من شاف من مهره علي تكور
نالوا من فؤاد حسين يشوف وليده يتوذر

وآنه لعضيدي انباد بمصابه حيلي
وحال الابو اعله الصار كطع دليلي
صارت ظلام .. كبال الإمام
. . . . . . . . . . . . . . . . . . .

يجابر طاحت الانصار واخوته وكل بني عمه
ووكف بين العده بوحده وعينه تصد على اخيمه
صبح مرمى النبال الجيش ومملي اسهام كل جسمه
ورمية حرمله ابكلبه طلع ثلثين وي سهمه

ياجابر ابهالحال وبهالرزية
عينه اعله زينب خاف تطلع سبيه
بحرك الخيام .. كبال الإمام
. . . . . . . . . . . . . . . . . . .

انكطع راس الابو وخلوه على راس الرمح عالي
والخياله عالجثمان كامت تسحك اكبالي
يجابر بعض حال حسين هذا وبعض من حالي
وحيد آنه اويه عمتي انلم نساء العيله واطفالي

من انظر النسوان فوك الهزيله
وحدي وعليل اشلون احميلي عيله
كلبي المُظام ..كبال الإمام
. . . . . . . . . . . . . . . . . .

يجابر بالسبي رحنه ورجعنه بروس وبايتام
ورقيه اللي فكدناها هناك ابخربة اهل الشام
اريد اشكي الابوي حسين عن الهظم والآلام
وعن الجامعه والكيد وشماتت عسكر الظلام

كاطع طريق اطويل بين البوادي
وسهم الشماته يصيب لبّت فؤادي
هذا الختام .. كبال الإمام
. . . . . . . . . . . . . . . . . .

خادم اهل البيت عليهم السلام
عمار العيساوي الكربلائي

اروي المقتل .. من فوك التل
شفت بعيني شصار بجسمه
وشفت الخيل الطحنت عضمه
اروي المقتل .. من فوك التل
.. .. .. .. .. .. .. .. .. .. .. .. ..

صعدت التله لمن طاح ابو الاكبر
من مهره شمس عالارض يتكور
اوكفت وعيوني كام تصور المنظر
خيول ارماح نبل وسيوف والعسكر

تراب امعفره .. فوك الغبره
واجبينه احجارة امصوبينه
وبكلبه امثلث رامينه
اروي المقتل .. من فوك التل
.. .. .. .. .. .. .. .. .. .. .. .. ..

من عالتل اشوفه اموسد الغبره
وسهام العليه ما تنحسب كثره
تطبرة سيوف والطبره بأثر طبره
ومن كد الطعن جثته متوذره

توزع جسمه .. وينزف دمه
وسيوف التسجد بجروحه
توضت من قدسية روحه
اروي المقتل .. من فوك التل
.. .. .. .. .. .. .. .. .. .. .. .. ..

شفت شمر الخنا جاثم على صدره
ويرفسه ويشتم امنا فاطمه الزهره
على وجهه يكلبه ويبتدي اينحره
وكطع راس الحسين وحزٓه من ظهره

وعيني تشوفه .. الراس ايطوفه
بين اجنوده ايطوفه بأيده
والدم يكطر من اوريده
اروي المقتل .. من فوك التل
.. .. .. .. .. .. .. .. .. .. .. .. ..

طاف ابراس اخوي ويفخر ابذبحه
ويتباها بوريده من وكز رمحه
شال الراس عالي وعسكره ايفرحه
وابو الاكبر مصاحف تنزف ابجرحه

شافت عيني .. ذبح حسيني
والشمر امن ارسل حراسه
باكوا حتى اعمامة راسة
اروي المقتل .. من فوك التل
.. .. .. .. .. .. .. .. .. .. .. .. ..

ظل فوك الترب عاري بهجير الحر
وفوك اجروحه صدره بخيل يتكسر
ابن طه النبي من سورة الكوثر
كل الصابه بغضاً من علي حيدر

بغضوا حيدر .. اهل المنكر
واخذوا ثارات امن اوليده
وبغضاً كطعوا خنصر ايده
اروي المقتل .. من فوك التل
.. .. .. .. .. .. .. .. .. .. .. .. ..

عطشان وثلث تيام ظل مرمي
وجسمه المنسلب من النحر مدمي
كلت لو يمه ابقى لو يظل يمي
رحت مجبوره كتله اعذرني يبن امي

عفته امترب ... جسمه امسلب
مصاب حسين الهدم حيلي
عاش وياي انهاري وليلي
اروي المقتل .. من فوك التل
.. .. .. .. .. .. .. .. .. .. .. .. ..

خادم اهل البيت عليهم السلام
عمار العيساوي الكربلائي

عريس عايف حنته واتحنه بالدم
من سمع هل من ناصرٍ گلبه امتله بهم
هاي المواقف تنحسب
تاريخ بالدم ينكتب
. . . . . . . . . . . . . . . . . . .

من سمع هل من ناصرٍ عمه ينادي
ناده يعمي كطّعت مهجة فؤادي
ارخصني اطلع للحرب وافني الاعادي
خليني كبلك آنه توليني الهنادي

هذا آنه لابس لامتي بوجه المنيه
ظلت اليه امن الحسن أجمل هديه
وياك انه بنفس الحزب
تاريخ بالدم ينكتب
. . . . . . . . . . . . . . . . . . .

التاريخ فاتح صفحته من مبتداها
غيرة وبساله ومرجله جاسم ملاها
شجرة العزة بكربله بالدم سكاها
والعمه وافه بركبته وروحه نطاها

صفّن التاريخ وكتب هاي الرساله
شاب ورعب سبعين الف قوة وبساله
آلاف منه ترتعب
تاريخ بالدم ينكتب
. . . . . . . . . . . . . . . . . . .

خاض الملاحم والعده فرّت أمامه
وكل الملامح راسم اعليها ابتسامه
فازع الدين المصطفى ونصرة عمامه
وامتثل جندي وي ركب عمه وامامه

جندي بألف قائد وكف مابين الجنود
واتمنه لو جان الحسن بالحومه موجود
ويشوف جاسم بالحرب
تاريخ بالدم ينكتب
. . . . . . . . . . . . . . . . . . .

وضّح درس للمرجله بأول شبابه
طلك الدنيا لجل دين الله وكتابه
( ان تنكروني ) من خطب واضح خطابه
رغم العدد والخيل وسيوفه وحرابه

اتبسم مثل حيدر علي وفقارة بيده
وناوي عليهم لو حمل عسكر يبيده
للحرب قرر يكتسب
تاريخ بالدم ينكتب
. . . . . . . . . . . . . . . . . . .

دنك يشد شسع النعل ماهمته اعداه
وبالغدر طبروا هامته وداروا من اكفاه
لمن وكع صوته نده ادركني يعماه
وللموت صارت زفته امحنه من ادماه

بين الخيم عمه وسمع من ناده صوته
وحسين ( جابه ومدده مابين إخوته )
والدمعه عالخد تنسجب
تاريخ بالدم ينكتب
. . . . . . . . . . . . . . . . . . .

خادم اهل البيت عليهم السلام
عمار العيساوي الكربلائي

انصارك بالطف سيف ايمينك
يحسين وفدوة نروح العينك
الاخر لحظه وياك امضحين
يا دنيا التسوة بدون حسين
. . . . . . . . . . . . . . . .

ذوله احنه انصارك . يحسين وكلنا سيوف وياك
منعيش ابدونك . ويا دنيا اللي اتلمنه ابلياك
جينه انضحيلك . ودمانه انضحيها اويه ادماك
محد يوصلكم . انصارك احنه و عد عيناك

يحسين شحده اليوصل حدكم
ننطي أرواح وما نتعذركم
بالدم انصار الك اموقعين
يا دنيا التسوة بدون حسين
. . . . . . . . . . . . . . . .

جينه لارض الطف . ذبينه دروع وشلنه سيوف
حيدر علمنه . عالحك ما نعرف اسم الخوف
تشتد . نتبسم . وبالحومه اعله الموت احنه نطوف
ما دامك قائد . سيوف احنه وحولك كلنا نحوف

نتكطع كلنا ونهتف بسمك
وتسيل ادمانه ويسلم دمك
كبلك خل نوكع متوذرين
يا دنيا التسوة بدون حسين
. . . . . . . . . . . . . . . .

خل يوذرونه . ما نهتم ما زال انت بخير
يا خير الدنيا . يالبيك امأمن حتى الطير
طبعك متفرّد . ما يتكرر باطباع الغير
يا منبع رحمه . حتى الأملاك بهاي تحير

حبيناك وما نتبع غيرك
يمغرك الدنيا بفضلة خيرك
بحبك انصارك متوحدين
يا دنيا التسوة بدون حسين
. . . . . . . . . . . . . . . .

عاهدنه ابدمنه . وما يغله الدم لو دمك سال
يحسين ارخصنه . كبلك نتكطع كلنا أوصال
خل يسلبونه . ونتسلب ونظل فوك ارمال
خيل ترض بينه . والروس ايشيلوها ابعسال

دونك لو كل لحظه ايكطعونه
ونرجع نحيا وهم ايوذرونه
للموت انروح وفرحانين
يا دنيا التسوة بدون حسين
. . . . . . . . . . . . . . . .

نتواصه بنصرك . ابداً ما نتخاذل يحسين
والآخر لحظه . نندب بسمك ياروح الدين
انصارك لكن . بحبك نتجمع متخاوين
لو مثل اعضيدك . نتمنى انضحيلك جفين

هان الموت النه دون اخيامك
و نيتم أبناء اتواسي ايتامك
نفديلك يا سيد الكونين
يا دنيا التسوة بدون حسين
. . . . . . . . . . . . . . . .

خادم اهل البيت عليهم السلام
عمار العيساوي الكربلائي

صريخٌ و دويٌ ما الذي يجري
صغارٌ وكبارٌ دمعها يجري
كأن الكونَ فيهِ ليلةُ الحشرِ
. . . . . . . . . . . . . . . . . .

اشوف الدنيا كلها اتغبّرت بالهم
ويم المسجد انظر للخلك تلتم
اناشد والكلب بالحسرة يتألم
مصلاية علي ليش اكتست بالدم

تكادُ الارضُ فينا تنطوي قهرا
وشبّت بالصدورِ لهبتَ الجمرا
وليلٌ مضلمٌ فيه اكتسى الفجرِ
كأن الكونَ فيهِ ليلةُ الحشرِ
. . . . . . . . . . . . . . . . . .

اناشد والجواب اتعسر اجوابه
واحس كل الخلك بالحاله مرتابه
هتف صوت المنادي بالسمه اخطابه
علي . سيف الكفر وي سجدته صابه

عليٌ صابهُ سيفَ الردى غدرا
وسمٌ في دماءِ المرتضى اسرا
طفى الشرُ ونالَ هامةَ الخيرِ
كأن الكونَ فيهِ ليلةُ الحشرِ
. . . . . . . . . . . . . . . . . .

وانظر للوصي جابه الحسن وحسين
ما يگوة المشي وما تحمله الرجلين
سيف الصوبه طر هامته نصين
ويه اصوابه متهدم عمود الدين

وصيُ اللهِ سيراً صارَ لا يقوى
مصابٌ هدَ ركنَ الدينِ والتقوى
الا يا لوعةً وسطَ الحشا تسري
كأن الكونَ فيهِ ليلةُ الحشرِ
. . . . . . . . . . . . . . . .

اشد موقف حصل واتشاهده عيوني
من كلهم علي يولادي اسمعوني
كبل ما نوصل الداري تنزلوني
زينب لا تشاهدكم تحملوني

ويخشى ان تراهُ زينبَ الكبرى
وتجري دمعةً بالمقلةِ حمرا
لها كم دمعةً مخفيةً يدري
كأن الكونَ فيهِ ليلةُ الحشرِ
. . . . . . . . . . . . . . . . . .

يداري ابنيته واتحمل آلامه
ولا رايد تصب مدمعها كدامه
علي يدري بدهرها محزم احزامه
بيوم حسين اخوها وحركة اخيامه

سيجري دمعها في الطفِ مدرارا
لإقمارٍ هوت والدمُ انهارا
ويبقى دمعهى (حينٌ من الدهرِ)
كأن الكونَ فيهِ ليلةُ الحشرِ
. . . . . . . . . . . . . . . . . .

خادم اهل البيت عليهم السلام
عمار العيساوي الكربلائي