خۆشم دەوێی!
هەرچەند دەزانم لەم خاکە؛
دڵدارانی تۆ نیشتمان،
ڕۆژێک
گوڵباران دەکرێن و
ڕۆژێکی‌تر بەردەباران…

من جوانترم لەگەڵتا؛
ئەخۆین بە یەک، وەک زرێبار بۆ مەریوان.

هەرگیز ئەو ڕۆژە لەبیر مەکە کە کەس بەزەیی پێت دا نەهات…

ناتوانم کەس تێبگەیێنم کە لە چ حاڵێک دام!
جۆرێکم کە تەنانەت ناتوانم بۆخۆشمی ڕوون بکەمەوە…

بێ چارەیی جۆرێکی تری مردنە…

نەبوونی تۆ لە برینی لێوم ئەچێت
لەکاتی پێکەنین ئەکولێتەوە

جاری وا یەکجێ بەبیرم دێتەوە چەندم بەڕاستی خۆش دەویستی و چەندت بەدرۆ خۆش دەویستم
بۆخۆم دەباڵ خۆم دا دەتوێمەوە

ژیان نازی کەس هەڵناگرێ…

هەر شتێک دڵت هەستی پێکرد،
ڕاستە!!

ژیان ڕۆژێکە
ئەوڕۆژەش ئەمڕۆیە،
ڕەنگە شتێک بە ناوی سبەینێ بوونی نەبێ!