معقولة ما أيست ..؟
يا گلبي معقولة ؟
سطعش مترة بـرمل
تحفر إبير الهوه
ابهيمة والوحدك " شيطلعك وما نبع "
چا خلگك شطولة ؟!

الماشي عليهن گبل .. غيرهن وتنسعد
اترك بعد كل حچي،
واترك طريق البچي
والضحكة مشمولة ..

-الكبير سمير صبيح

شتريد يا ليل البعد ما نحمل الآه
فرگ الماي إمن النهر بس لا آنه وياه !
يصعد وينزل بالنبض
حبه على گلبي انفرض
يردوني أنساه !!
وشلون أنساه !!
لا يليل أشكد ليالي تنطريته
أشكد كتبت أسمه بخيالي أشكد قريته
وكل البراعم فتحت
ولشوفه روحي فرفحت
ويطيب طرواه
يردوني أنساه !!
يا نجومي يالبعيده
حزنه حزني وعيدي عيده
وبطيفي لو مره حضر
تضوي الليالي بلا كمر
والعيد ملكاه
يردوني أنساه !!

-كاظم إسماعيل الكاطع

تصوريني ..
وشال زيبگ ، حطني وكتي بظهر مهرة
اترهرز بماعون صيني

- محسن الخياط

‏نظراً لما يمر به فؤادي من حنين
أرجوك أعلني زيارة طارئة

-بلال راجح

وحسافة الچـف رﭼـيـﭻ وما يشابـﭻ ..

-صاحب الضويري

حسافة?****

نميل أحيانًا لكتابة أسمائنا على زجاج سيّارة ، أو نقشها على طاولة ، أو حفرها على جِذع شجرة ، أظنّ أنّنا جميعًا نتقاسم خوفًا مشتركًا ، الخوف من أن نُنسَى.

-نيكيتا جيل ، كاتبة وشاعرة بريطانية

وعلگ ع الوجه
ضحكة
وامل
بالروح
بزوايه العين كافي اچم حزن راكن

وفك باب القفص
خل الاحلام تطير
وانت من الطفولة شچم حلم ساجن

ووخرهة الستارة
الشمس خل تفوت
ولتخلي الجروح إتبين الباطن

اشتري وبيع بحياتك واخسر ولتخاف
المهم سوي التريده وجازف وراهن

-سمير صبيح

و بياض گلوبنه إعِله الروح غيّم ..

-أيهاب المالكي

أنصِت لقلبّي ‎فقد بحت الضّربات ‎

-مظفر النواب

هي حظوظ ،،
والطيب يرد خسران ..
من ذيچ الاحلام الچان بانيها !

-احمد عاشور