Noyabr

Noyabr — parishon nigohlar,
Muzlagan yurakning nolasi.
Ruhini sukutga cho'ktirgan,
Noyabr — mehrning bolasi.

Balki dard qasrida hukmron,
Alamdan ipaklar to'qigan.
Noyabr — quyoshning botishi,
Ufqda kitoblar o'qigan.

Noyabr — yuzdagi ajinlar,
Otamning oqargan sochlari.
Bolam deb mehnatdan tolmagan,
Onamning ko'zdagi yoshlari.

Bo'g'izga tiqilar hayajon,
Noyabr — so'nggi so'z, so'nggi o'y.
Metroning oxirgi bekati,
Noyabr — baxt uchun bo'lgan to'y.

✍ Nafosat Totliyeva

Buxoro 03.11.2024

@NafosatTotliyeva
❤️🕊

Hamma armonlarda voz kechdim bugun,
Faqat intilaman orzular tomon...