القصيده الى مولاي الإمام المهدي عجل الله فرجه الشريف

منو اول عشگ هوه. مـا حبيته بالـگوه
عـالفـطره عشـگناه. خيمة حُب شفناه

المهدي. المهدي

//////////////////////////////////////////

سلطان الحب وأجمل حب
بـيــك تــمـيـز درب الــرب
للـدنيه آنـتـه أوصـافـك أب
مـن اسـمـك گلبـي اتهـذب
(يالمهدي)

عنوان الكرم اسمه. أجمل عطـر نشتمه
دلال الدمـع هـايم. ليه الدنيه متحزمه

امير وتـاج الامروه. مـا حـبيـته بـالـگوه
المهدي. المهدي

/////////////////////////////////////

شيخ ومـن اطـباعه أتعلم
وانـه الـحـبـه مـا متـنـدم
دوم احـنـه بسـمه نشـيم
شمـس الله بنـورك تتيمم
(يالمهدي)

هاي البشر فرحانه. تنـدب هلاه ولهانه
مـولود هاشم بين صلىِ علهَ طه ويانه

سيد الجود والخوه. مـا حبـيته بالگوه
المهدي. المهدي

////////////////////////////////////

نـورك عـجـز نـور الگـمره
حرت بوصفك يبن الزهره
أبميلادك حـاير شرد اقره
ديوان انتـه وگـلي شكبره
(يالمهدي)

صار العزيز الغالي والفرح تارس بالي
والبهجه متفارگني. عنوان سأر اهلالي

جبير سوالفه تسوه. ما حبيته بالگوه
المهدي. المهدي

///////////////////////////////////

ثابت ضيك ويـه أنفاسـي
قبله ومتـريثه بحساسـي
من چفك متعمر ساسـي
وارث من طبع النبراسـي
( يالمهدي)

أحجي وسولف اني. هسه كتمل عنواني
بمـيلاد نور العتـره بيـه أنـخـتم قـرأني

حنين ورحتله فدوه. مـا حبيته بالگـوه
المهدي. المهدي

///////////////////////////////////

الشاعر علي الأكبر الكعبي

قصيده نزله الى الإمام الكاظم عليه السلام

يالكاظم يابو الرضا. يالكاظم يابو الرضا

///////////////////////////////////////

الدنيه من اضيج نتوجه اله
من تزوره يگـولك ميت هله
هوه حلال الشدد والمعضله
سيد الغـيره وأمير المرجله

////////////////////////////////////////

شيخ عالساده وجبير مراده
بخيره عايش أفتخر بمجاده
من أندبه بنيه ينـطي ازياده
عالكرم معروف من اجداده

//////////////////////////////////////

والنـعم منـه اهـلال الشيعه
عايش ويـانه وجوب نطيعه
نهجه عالاسلام احـنه نذيعه
أولو يگطعون النحر منبيعه

/////////////////////////////////////

كاظم الغيض نعرف عنوانه
هالبشر سلـطان فك بيبانه
والعجيبه هواي دين نطانه
الوادم منَ اطباعه تتنخانه

////////////////////////////////////

سابع العتـره تحيِر اوصافه
اليـزوره مـره أبـد مـا عافه
والسقيم ابحضرته يتشافه
بـاب للـحاجه رزق للـطافه

////////////////////////////////////

الشاعر علي الأكبر الكعبي

قصيدة الى سيدتي ومولاتي زينب عليها السلام

صلى الله عله ام الحسن
صلى الله عله ام الحسن

/////////////////////////////////

نبتدي المـجلس نسولف بالعزه
نعمة الله الخدمه أجمل معجزه
والاطـم عـالـزهـره الله مـجـوزه
والـدمع بالـعين رتـبـه امـطـرزه

حگي من احجيها // فاطمه سر بيها // دنيايه
ألگلب ضل ضامي //بيها تروه أيامي//الوفآيه

بالمئتم تلمنه جن وطن
صلى الله عله أم الحسن

///////////////////////////////

هالـمجالس نحـي بيـها كالذكر
فاطمه الزهراء ضلموها ابكسر
والمصيبه تسري بينه بكالعصر
هالـرزيه الي عمت عيـن الدهر

فاطمه أجمل سوره//بالحشر مستوره//معصومه
قبلت اهلي وناسـي//وأشهد بأنفاسـي//مضلومه

سلطانه وعجيبة هالزمن
صلى الله عله ام الحسن

/////////////////////////////

كوكب الإحسان درة المصطفه
التمـسـك بـيـها نـال المـعرفه
جـوهر الإسـلام ديـن العـاطفه
عالضلمها نصـير ليل وعاصفه

النصرتج لبـينه // ومـحد اموصينه // معلومه
الكسر ومصابج// تبجي ليه احباج // ملـزومه

لأمصابج كـل عمري أون
صلى الله عله ام الحسن

/////////////////////////////

ثورت ام أحسين ميزان الهمم
أسست بجـروحه دولـه وعلم
والمبادء بالحـزن صـارت قيم
دمعه نزلت علأرض نبتـت زلم

أحنه دمع الزهره//ما نسينه العصره//المكتومه
ثارج اله انجيبه//وسر خدمتج هيبه//ومضمومه

بالشده اليذكرج ياطمأن
صلى الله عله ام الحسن

///////////////////////////////

ام حسن ام الكرامـه وبها شاره
قبـلت احسـاس وكتابا للغياره
أضمير المسـتعر ما تطفه ناره
متاني غائبـها اليطيفها الشراره

يعيد ثار الساده// وينتصر لجداده// مولانه
بيده شايل رايه// كاتب أجمل آيه// بدمانه

خل يضهر جهزنه الجفن
صلى الله عله ام الحسن

/////////////////////////////

الشاعر علي الأكبر الكعبي

شلون تمشين وأنه اشم ألهو أبريتج
والله محـتار ومـا أصدك حـان موتج
يازهراء يازهراء

———————————

حيرتي / وكسرتي. من بعد فگد الزجيه
لوعتي. /وهضمتي. گبـرج أحفـرته بديه

ولي يحفر گبره بيده گلبه ميت منصدگ
أنه كل روحي أم أبوها راحت وبأن الفرگ

راحت شمعت اسنين جن فأكد ضوه عيني
ول يسأل عله أخباري وداع الـزهره يآذيني

ب گلبي حسرات صار دار أحـزان بيتج
شلون تمشين وآنه أشـم ألهوه أبريتج

——————————-

فرحتي / وكَشختي ذبلـت ويـأم الحسن
عشَرتي / ونضرتي. خيـم أبعينـي الحزن

عشرت القـران آيـه وآنـه فـارگت الحـمد
بسمله وكسرو ضلعـها بالضلم للرب ترد

راحت ياهلي وناسي بين كلشي بحساسي
وآنه الضاعت أمنيته. بانـت جمره بنفاسي

بروحي لوعات وما اضن مره نسيتج
شلون تمشي وآنه أشـم ألهوه أبريتج

——————————

سكَأنتي / بصفاتي. وريت ضل بيه الألم
حَسرتي / ودمعتي. وسـالـوف بيــها دم

محسن وذيج الرزيه شيـبت حـته الدهر
بالـوصيه وبالحـبال وشـد أعيـون الـقدر

مكيده وطفو الگمره وراحت بالدمه الزهره
تشكي بالجره اعليها وأَنه كلّـمها بالصطره

صحت هيهات والوكت عجل منيتج
شلون تمشي وآنه أشـم ألهوه أبريتج

—————————-

وگآفتي / بحياتي شمعه من شحت ضوه
بَجيتي / عله بيتي. الـي بيـه عشـنه سـوه

وبرحيلج كلشي اضلم سافر اوياج الصبح
ومن اذكرج بسوالف أنتـي يا اعضم جرح

راحت أعذب إنسـانه بيـها الدنيـه حيرانه
شالت والدمه بجفها جفتنه وحيل حزانه

شيوصف الحال وأنه حاير مـن أجيتج
شلون تمشين وآنه أشـم ألهوه أبريتج

—————————

بديتي / وربـيتي. خيـمه متـروسه ستر
بقيتي / وجنيتي لشـرف ضـلع وجـمر

والبقيه في حياتج تجـرح احساس الگلب
من يواسيني برحيلج ونتي مصباح الدرب

شحجي ولحجي شثگله. ماتت قبله عالقبله
خلـت دمعتـي بـخـدي. مثل الفارگـوه أهله

عتبـت الليـل حـلـم بـي اذكـر اذيتج
شلون تمشين وآنه اشم ألهوه أبريتج

الشاعر علي الأكبر الكعبي

ليآلي الفاطميه (موشح)

اليل نفس ليـل وبليس الحكم
شاع صيـت الموت ونور نضلم
سلـبو الحـق الـذي نـصه انفهم
حيـدر القـائد وأميـر المؤمنين

حيـدر القران وفضـال السـمه
ختاره رب لـكون حماي الحمه
وسألمه الـدنيه وعليه اموالمه
نعـمـة الله وعــالـم يـكـرهـونه

غيض من النفس مو صح الأمر
هيج ينصـاغ وعليه نعـلن خطر
حرگو داره وخـله يسعر بالجمر
بالـوصـيه مـوصـه عــل يـجـراله

هدو اعـله الـدار اصحاب النبي
بعـد مــا فــارگـهم الــحر الأبي
وجــازو المخـتار بفـعال السبي
بالـحرك والـسوط تـرمه أعياله

تبت أيد أهل السقيفه الكآفره
هجمو اعله الدار بيـها هالمره
والعـجب بالـصار ضـلت حايره
سيده ومعـصومه هالضـربوها

الشاعر علي الأكبر الكعبي

نستقبل الزوار هـله ومـية هله
نستقبل الأحرار الجوي الكربله
هله وميت هله

——————————-

نحسـب أوقات الزياره. مثـل دگـت گلوبنه
وننـطر الرايــات تجـبل. گاصـده المحبوبنه
لجله ننصبها المـواكب والضـمير ايگـودنه
حسين يستاهل خدمته. وليه تبقه اعهودنه

آنـه وشيبـت الـخدام ناوين
نخدم كل سنه زوار الحسين

خدمة المشاي عشگ ما اجمله
نستقـبل الزوار هـله وميـة هله

——————————

نخـدم بـروح وتـفـاني. ومــا نــزل ونـغـاير
حسين علـمنه الثـبات. وعـاش يوم العـاشر
ولمشـي عنـوان غـيره. والخـدامـه أتكــابر
صـحنه كلـنه بهالنداء شـكد نحـب الـزاير

صحنه يا هله وملهوفه النفاس
محروسـين بالله وصيت عباس

تحوي سر وغايه عجيبه المنزله
نستقبل الزوار هله ومـيـة هله

——————————

حسين ديـوانه جبير. وحـنه أهـله وناسه
كل سنه الـزوار تطلع تحـتــمي بـعبـاسه
نخدم بهمه وتفائل. وألـوفه بـاحـساسه
حسين قبله للخدامه. وبـيــنه رآفـع راسه

الزاير خـل يسـولف عن مكارمنه
حسين واهله يتمشون وي دمنه

گلشي بيه ينادي اجتـي القافله
نستقبل الزوار هله وميت هله

——————————

هالأرض نفرشها سفره. الخـدمت المـشايه
وهالوصف كلش ثگيل ومـا تعَـبره حـجايه
بالفـعل نثبـت حجينه وتعـرف اصل الغايه
حسين منـبع للكرامه. ويسـوه إلـف أولايه

حبيب اروح تاج وخيمه يجمعنه
وتدوم الخـدمه كـون ولا يفرگنه

المشه هنـياله نقدم كلشي اله
نستقبل الزوار هله وميت هله

——————————

الشاعر علي الأكبر الكعبي

يالتلوموني خلوني مجنونه. يالتلوموني ضـايع بـدونه
عله الحسين روحي هامت. عله الحسين يضدني شامت
_______
مدرسة حب الحسين البيها أتعلم
كالمقايس العشگ وعليه مـا اندم
أربـه بيهه بكالتـفاني بجوده أتقين
ولعـرف حـگـه وتمـيز بيـه نتشـيم
انـه اعشكت صيت الولي فدوه رحت انه وهالي
هـذا الگلب نبـضه ارتـفع يهوه الحسين ابن علي

نلبس الأسود خل يشوفونه. يالتلوموني خلوني مجنونه

———————

يا سـلام الله علـيه وكلشـي يبراله
عالخدمة عايش انـه وصاير بجاله
هو خيمتنه الجبيره وتعبـي يحلاله
من اسولف عالكرامه ينطي بچماله
منه الشمس تأخذ ضوه بيـده صبـح حتـه ألهـوه
هاذا الوصـي احله وطـن ويه النفس يمشـي سوه

صيته عنواني والكل يعرفونه يالتلوموني خلوني مجنونه

———————

بخيره عايش وبخدمته ناذر اسنيني
من يهال عاشور حزنـه لطمه تحيّني
صرت سـلطان بخدمته يل تحاجيني
وسكب الدمعه الزكيه ب اه يحسيني
هاذا الدمع دمع المحب اعله البـقه فـوگ الترب
ننصب عـزه ونعلن حزن وندگ حداد اعله الدرب

ونجزع بدمنه ولكل يشوفونه يالتلوموني خلوني مجنونه

———————

خل يلوموني الحجو ما غير اطباعي
أنه ليه وكلشي يشهد حته أسماعي
وليكابر حتـه اعـوفه مـال ألـه داعي
حسين قـران الضـمير وآيت ارجاعي
بعلو النجم يمه صرت. مثل الگمر ضاوي عشت
وبخدمته شنهو القصر جنـه وأرض بيـده شفت

آنه احبنه وأهـلي يهـوونه يالتلوموني خلوني مجنونه

———————

حسين مولاي وإمامي وعالمي ثاني
ارد أسولفهه بصراحه أنسان سواني
ومن خدمته عللخدامه ملك خلاني
والله حيرني وعجيبه كلشـي انطاني
بيه ابتدي بأجمل وصف. مـن الألـف لأخـر حرف
مـا تـنـعـرب يـا سيـدي. أترف حچـي بيك نعرف

بيه ضال رسمه يالتعادونه. يالتلوموني خلوني مجنونه

الشاعر علي الأكبر الكعبي

ابوذيات

السيده فاطمة العليله (ع) تقول:

يرد لبيتي ياريته  شملكم
شحلات  ايامنه ذيجه شملكم
ادور بس اثر بالباب  شملكم
اسند كلبي بيها بكل مسيه

السيده زينب (ع) تقول :

بسيف الشمر من حسين شيبات
اخو الما فزع من الخيم شيبات
عيالك بالدرب شي مات شي بات
بخرايب والنذل  حارس علينه
اتجهنه بصوتنه انادي  علينه
فوگ ارماح بس راسه  علينه
وبقه طول الدرب عينه لرقيه

الشاعر كرار حيدر الساعدي

سافرو واضل اثر هلي تعطلو اوما رجع علي
هلي بيا ديره ماشين. وعليه گرب البين.
سافرو. سافرو.

///////////////////

سافرو من هـال مدينه وضلت ادموعي جريه
والوكت سيـف انتـضاره وانجرح بيـه كالمسيه
وأكتب اشـوآگي لخوتي. بالكـت اتخـف الـرزيـه
ولجـواب عيونـي تنـطر. مـا رجـع مرسال الـيه
شعتب والدمع خلص عله الفرگه.
اشم اعذب هوه لو حانت الملگه.
راحو وبـس بقـيت. شكد ليهم بجيت.
صحتهم هم تجون. عله الدنيه شكيت.

شحجي وضاكت العين.
هلي بيا ديـره مـا شين.

///////////////////////////

لان بـقـت بـس ذكريـاتي شكد عله ذكره بجيت
وأصـبر بــداري واعـايـن. عالدرب بـس انحنـيت
وعاشت الوحده بصفاتي. بكل صلاه الهم دعيت
ولـيـت يا لـيـت التـمـنـي. كـون ويـاهـم مشـيـت
بقيت الحالي بس ادموعي سجابه.
يموت بحسـرته الي فـارگ أحبـابه.
بعـد ماكـو كـلام. مشه وحي السـلام.
يروحي كلشي راح. حـرت وشلـون انام

يگلبـي راحـو الـويـن
هلي بيا ديره ماشين
/////////////////////////

شكد دعيت يرد اثرهم ويـه اهلي كلشـي راح
من بعدهم كللـيِ لوعهَ ليـلي غطه أعله صباح
ومن هذاك الليل احلم جنه طير بس ابلا جناح
شفته طايـح عالشـريعه ومنه عطـر الخـوه فاح
ولن ذاك الكمر بعيونه السهام
ونضر والحرگ متوسط للخـيام.
خفت من المشهد. ومـا بقـالـي احـد
وحرت موقف هزني لــن عمي امـدد

عليله وداعت احسين.
هلي بيا ديره ماشين.

////////////////////

اوّاعـدوني يـردلـي الاكبر من بُعـد ذيـج الماسفه
وگلبـي بـ اشـوگه ينـاطـر. وبـ حـلم شفت التـرافه
نـوره طايـح جـنـه گمـره. يابسه وذبـلت شـفـافه
ومن نهدها الدنيه صارت. غيمه سوده ويا حسافه
انـه بعازت اهـلي وشبقه ابحـالي.
عشت ابحسره بس القهر جتالي.
عشت ليل وصبر وسوالف عالكسر.
شو مهدود حيلج. شكيت أمنل هجر
جرح مألجوم للسنين
هلي بيا ديره ماشين.

///////////////////

وانتضر جمره بدليلي. مثل الـي مفـارگـله ديـره
وأنشـد الجيران عـنهم. فرگة اهلي شگد جبيره
ولن دريت بداري موتي. بـانــت للحـضـه الأخـيـره
بله هـم سامعـلي مـره بالقـصـر هـَجــرو أمـيـره
صارت كسرتي ويه النفس تصعد.
اداوي اجروحي بس ناري ولا تبرد.
احس حان المامت. وبـيـه النـايـبـات
مـا ضـلتـلـي روح. جزت ويه الخوات.

خبر عـدليـن ميـتـين
هلي بيا ديره ماشين

✍️الشاعر علي الاكبر الكعبي