الى الأمام الحسين عليه السلام

يظن نال الظلم منك وطالك
مايدري عمر زادك واطالك
ليوم الحشر من ادم وطالك
الزمن كله عمر لبن الزجيه

(نعي )إلى سيدي ومولای باب الحوائج الإمام موسى بن جعفر عليه السلام

من دار المدينه يهاجر الدين
لدار أهل الظلم بيدين سجان

يوادع أهله وأولاده الميامين
وتضج المدينه بضجة أحزان

وصيه الكم يبويه وهذا الوداع
ابوكم راح يرحل بيد طغيان

ترى بعد السفر ماترجع الروح
يبويه اتحزمو لهجمت العدوان

راح انطش يبويه وهذا الفراك
ونصبح غربه بويه أبين الأوطان
*حيف أعلى الزمان بأهله لو دار
صعب كلش زمانك لمن يدير

يسكن بالقصور أقوام ظلام
ويحط موسى بن جعفر بالمطامير

بطاموره الإمام وأهله غياب
لصوب أهله يويلي إعيونه ادير

مقيد بالحديد وسجن هارون
وعليه لا مو جديدة هالمسامير

من سجن لسجن دولابه دوار
من البصرة حد السندي تدبير

لحد ما كالو أعلى الجسر مسموم
الما عنده عشيره لنخوته اتغير
**كل يوم اعلى باب الحق يردون
أهل الجور بانواع العناوين

على موسى بن جعفر تحزن الروح
وتسيل ادموع من جور السلاطين

اويلي اعله الجسر خلوه مطروح
وين أهلك يويلي اصبحو وين

غريب أنت وعليك التمت جروح
ياوسفه يبن سيد الكونين
*محمد دعبل النوري

موسى بن جعفر عالجسر وقيوده  بيده
ها  الفاجعه  ظلت  على  الامه   شهيده    

بقيود الأسر     موسى اعلى الجسر
------------------------------------------
يكولون 
أمام   الرافضه  محد    يشيله
اويلاه 
ابعدو عنه  أهل الحمول الثجيله
يها الناس
أسير ابن النبي بس ماكو حيله
على الكاع 
جسد مطروح  وأنصاره قليله
----------------------------------------
للاسف جسمه على الأرض موسى بن جعفر    
محد يكلب ها الجسد من أهله يحضر

بيد أهل الغدر    موسى أعلى الجسر
------------------------------------------

بالسجون
غريب ابن النبي خلص حياته
عذابات 
كضاهه وي الظلم ولحد  مماته  
عذابات
جمعناه  وجرت  دمعة    رواته
يهارون  
طلع    بس   العذاب   بذكرياته
-------------------------------------
يا ظلم كلي  شحصلت  لمن  سجنته
أصبح صرح بعيوني اشوفه وماكو انته   

ماعندك عذر    موسى اعلى الجسر
--------------------------------------------
بالسجون
جثيره أرواح راحت من ادينه    
بالسجون
لكينه السجده والعبره الحزينه
بطوامير 
آسف  كاظم   الغيظ   مكيدينه
اويلاه 
على الساق  الشريف مرضرضينه
-------------------------------------
هذا  الإمام على البشر بالطاعه مفروض
الف الصلاة على الإمام الساكه مرضوض

وسفه اعلى الدهر  موسى اعلى الجسر
--------------------------------------------
حسافات 
ابن  حيدر غريب بلا عشيره
الف حيف
غريب وسممه البايع ضميره
اويلاه 
جنازه  على الجسر ياربي حيره
اويلاه 
على  المظلوم   جثمانه   اسيره
-------------------------------------
لا  اهله  يمه  تشيعه  و تحضر   وفاته
الكاظم يشيعه بالسجن خلصت حياته

ومنين الصبر        موسى اعلى الجسر
-------------------------------------------

يهارون
الخالق وصى بالقربى ووصاله
عجب ليش
ظلمت الكاظم وأهله وعياله
يظلام  
عليمن  ينسجن  ابن  الرساله
خطر  صار
لأن  ابن  النبي  الظالم  يناله
--------------------------------
أدو   بني   العباس   أدوار   الخيانه
ما حفظو  القربى  ولا  حفظو أمانه

بس تركو  امر    موسى اعلى الجسر
------------------------------------------*

محمد النوري

استشهاد السيدة فاطمة الزهراء عليها السلام

نعي

نسمة هوى من البيت راحت
ناحت عليها الدار ناحت
دمعة عزيز وكوه طاحت
يامن يرد دمعات العيون

بلا ام يصير البيت ظلمه
والماله ام عيونه تعمه
زينب بصوت تنادي يمه
رحتي وتركتيني للظنون

فجه جبيره ومن يسدها
الام من اتفارك ولدها
بالبيت منهو يضل بعدها
على اولادها الوادم يحنون

شافت هظم روح الزجيه
من الصحابه الراشديه
لا راشده ولا من حميه
للزهره ماجانو يودون

نور الجنان وسر الاسرار
بنت النبي الاحمد المختار
وليه ولوها وحاطو الدار
على بابها غفله يهجمون

محمد دعبل النوري

قناة قصائد محمد النوري
https://t.me/RAHNTZAHRAHOSAN

يالشايل على اجتافك وصيه
ادفنها بليل لو جتها المنيه

راحت فاطمه وجهلو أمرها
مظلومه وتجر حسره باثرها
تدفنها وبعد تخفي قبرها
توصي ولا تدلي الناس بيه
--------------------------------------------

ادري بحملك الما شالته اجبال
يابو تراب يا صراع الاهوال
ادفن فاطمه الزهرا أعلى هالحال
لبوها تروح مظلومه الزجيه
-------------------------------------------
ماريد الجرحني وبجى العيون
ولاريدن اعداي ويه اليشيعون
كبري بلايه شاهد خلي يكون
على الصار وجرى بهاي الرزيه

---------------------------------------------
بنت المصطفى الوصى عليها
شسوت امته من بعده بيها
دفعو بابها وروعو بنيها
ماتت غاضبه أعلى أهل الرديه
--------------------------------------------
لا  راعو  موده  ولا  قرابه
ولا راعو نبي الجانو اصحابه
وكفو بالحطب هددو بابه
يحركونه على اهله بلا حميه
--------------------------------------------

محمد دعبل النوري

قناة قصائد محمد النوري
https://t.me/RAHNTZAHRAHOSAN

قصائد استشهاد السيدة فاطمة الزهراء عليها السلام

فوك الكسره  وضلع الزهره
لازم تصبر عن مايجرى

هاي الوصيه وهذا ما يجرالك
رايح تصير الهجمه صوب عيالك
وصى النبي صبر يحيدر  حالك
لو شفت بابك يحركونه اكبالك

بعدي بفتره   تصير الغدره
لازم تصبر عن مايجرى
---------------------------------------
اعظم رجل شال الجروح بكثره
عجزت الدنيا بكل زهوها اتغره
احتارت همم كل الجحافل بامره
شسوت بحاله من نظرها الزهره

حيدر حيدر   ضل اتصبر
لازم تصبر عن مايجرى
----------------------------------------

أول جرح يهجر محمد كالوه
ثاني جرح ضلع الزجيه يكسروه
ثالث يطيح الطفل منها يسكطوه
اعظم جرح نهج الولاية يرفضوه

بيت الزهره   ينكر قدره
لازم تصبر عن مايجرى
----------------------------------------

بعدي يحيدر تقاتل أعلى التاؤيل
مثل أبن عمك قاتل أعلى التنزيل
مهما يكن لو رادت الدنيا تميل
تصبر واذكرك عالصبر رايد حيل

تهمل عينك.   تلزم دينك
لازم تصبر عن مايجرى
------------------------------------------

من بعدي عينك رايح تشوف وجوه
الحق ينترك والباطل همه يتبعوه
دين الكرامه والشرف مايردوه
العدهم صنم ذاك الصنم ماينسوه

عجل وعبده   تصير الرده
لازم تصبر عن مايجرى
----------------------------------------

محمد دعبل النوري

قناة قصائد محمد النوري
https://t.me/RAHNTZAHRAHOSAN

لكعد على درب اليروحون
لصوب الحسين وتجري العيون

هم شفتو زبنب مرت اهناه
ونادت على الخوان ويلاه
الظعن مر ومحد وياه
لو زلم جانوله يحامون

هم شفتو زبنب صوبه راحت
تعبانه لو هم استراحت
تمشي بصمت لو نوح ناحت
لحسين وعياله ينوحون

زينب نفسها المشت للشام
لو غيرتها اهموم الايام
صح هيه تمشي ورافعه الهام
بس بالقلب خوان يحجون

لكعد واعدهن خطوه خطوه
واشكثر بيهن شوك خوه
من زينب الردت تلوى
لخوانها ومتغير اللون

لكعد على درب المحنه
البيه اشم ريحة الجنه
لحسين فدوه وكل اهلنه
الوهب دمه وعمر الدين

محمد دعبل النوري

قناة قصائد محمد النوري
https://t.me/RAHNTZAHRAHOSAN

زينب بعد العودة من الشام الى كربلاء

انه جيتك  وارد اذكرك بالكفاله             
جيت اذكرك بالخدر ذاك ودلاله

الحزن ويه الهظم هدملي حيلي       
ولالي صوت واستغيثك ياكفيلي            
انه جيتك.  انه جيتك ----------------------------------------     
انه جيتك 
ياللي ودعتك صريع اعلى  الوطيه      
انه جيتك
 وارد اسولف هضمي لهل  الغاضريه     
جيت اكلك
كوم شوف اختك ترى ردت  سبيه
جيت اكلك
كوم شوف شباقي من   الهاشميه

شوفه شمسوي الدهر بيها بعذابه            
من  خرابه  يذبها ويحطها بخرابه

لاغيور الينتهضلي وينتخيلي                
ولالي صوت واستغيثك ياكفيلي
   انه جيتك     انه جيتك -----------------------------------------      
ارد اناشديالبقيتو اعلى الترب والكلب يلهب
ارد اناشد 
هم سألتو ليا مصير تروح   زينب       
هم سالتو
ياهو اليحاميها زينب والهه يغضب       
هم سالتو
تشكي المن لوصفت مهضومه زينب

ياهو اليحاميها من كوم الولوها              
ومن  يسكتهم  لون كالو سبوها

من يجاوب مابقالي بس عليلي
ولالي صوت واستغيثك ياكفيلي
     انه جيتك    انه جيتك
-----------------------------------------        
والله صعبه
حرمه مابين العدى تمشي بضعنها
والله صعبه
 هاي مسبيه تكول الناس عنها
بعد اصعب
 لا ابوها و لااخوها و لاابنها
بعد اصعب
يمها ويزيلون كل همها وحزنها

انه كل هذا واعيش باشد حاله               
اذكر  العباس   واتذكر   خصاله                        
باللهيب يعيش كل لحظه دليلي
ولالي صوت واستغيثك ياكفيلي
     انه جيتك    انه جيتك
-----------------------------------------         
يازمانيليش اخذت اخواني مني وعذبتني
يازماني
والسياط بلاذنب تجوي اعلى متني
والله  محنه
  عيال اخوتي بهالمسيره  المتني
المتني 
طفله لحسين تركت ضعني ودهتني

انه اداوي جروحي بهمومي وعذابي
اشتكي وبس الصدى  يرجع جوابي

ابتعد عن الجرح والكاه جبيلي
ولالي صوت واستغيثك ياكفيلي 
   انه جيتك       أنه جيتك
--------------------------------------------------- هايخوتي
شو اصيح وشو ولا واحد سمعني
هايخوتي
انه جيت وهذا جبته وياي ضعني
يالغيارى
جيت اعاتبكم على دهري الفجعني
يالغيارى 
شوخذوني  اعداكم  ومحد  تبعني

ليش خليتوني واعداكم تجرني             
وما تبعتوني ولاواحد حضرني

ماعرفت لياكتر تالي سبيلي
ولالي صوت واستغيثك ياكفيلي
      انه جيتك      انه جيتك
------------------------------------------------- محمد دعبل النوري
     .  
قناة قصائد محمد النوري
https://t.me/RAHNTZAHRAHOSAN

القصيدة الى ابي الفضل العباس عليه السلام

طيح عمود الخيمه
ومصيبته عظيمه
الكمر طاح   الكمر طاح 

لمن سمع صوت ارتفع
الحك يخويه ليه
كام وفزع لمن وكع
بالحومه شاف أخيه
ذاد الرجال بصارمه
وراواهم المنيه
عباس شافه على الأرض
البيك ريته بيه

قلة يخويه الحيله
ومصيبتك ثجيله
الكمر طاح  الكمر طاح 
--------------------------------------------*

يم النهر  غاب الكمر
جامد دماه بعيونه
قلبي انفطر  ظهري انكسر
هالساعه راح أخونه
راح الوفه  والعاطفه
وبطيحته فجعونه
ما ظل علم فوك الخيم
طاح العلم ومتونه

وتشمتت عدواني
وتراكمت أحزاني
الكمر طاح  الكمر طاح 
--------------------------------------------*
رد للخيم  يحمل الم
محني الظهر لمصابه
كباله الحرم يتسائلن
عباس شنهو غيابه
جاوب وصوته مختنك
سهم المنيه صابه
مكطع بقى عالمشرعه
رد بس اخوه ماجابه

مستحي من اطفاله
ماخله اخيه شاله
الكمر طاح   الكمر طاح
-------------------------------------*
راح الشهم طاح العلم
ياخويه يابو الغيره
هذا المخيم ينتظر
وعيونهم اسيره
هاي الرجال اتدافعت
صوب الخيم جثيره
الحكها ياراعي اللوا
زينب تراها بحيره

ياخويه وينك وينك
زينب ردت جفينك
الكمر طاح    الكمر طاح
-----------------------------------------'*
المن عفتنه يالكمر
خلافك نظل حيارى
ظل الحسين لوحده
وانت الجنت مغواره
ظهره انحنى من طيحتك
يا سيد الغيارى
هدمت زينب روحتك
كلبي انجوى بشراره

تتركني ليش بحيره
ياخويه يابو الغيره
الكمر طاح   الكمر طاح
-------------------------------------------*

محمد دعبل النوري

قناة قصائد محمد النوري
https://t.me/RAHNTZAHRAHOSAN

( أبو ذيه ) نعي إلى العقيلة زينب عليها السلام

طشني الدهر باحزانه ولم باي
وهم حسين حوطني ولم باي
اجيتك ابره لظعوني وألم باي
أدور إخواني أصحاب الحميه

يوم العاشر ودهري جفاني
تهل حسره على إخواني جفاني
يريت وكون متفصله جفاني
عليه ولاشفت ذيج المسيه

الدهر ياحيف لخواني ولاهم
وسلط شمر بضعوني ولاهم
يريت الموت صوبني ولاهم
يصوب زينب وروح الزجيه

من الهم ذبح أبو اليمه كفلنا
واخيي ظل عالشاطي ال كفلنا
غرايب بينهم محد كفلنا
ولا واحد كفل ضعن الزجيه

محمد يارسول الله ولونه
اعداك وضيعو دينك ولونه
لون حيدر حظر زينب ولونه
اجه لحسينه ما أصبح سبيه

محمد دعبل النوري

قناة قضائد محمد النوري
https://t.me/RAHNTZAHRAHOSAN