⚡️⚡️⚡️Термизда ўз қизининг кийимларини ечиб, унга секс тегажоғлик қилган 50 ёшли ота 10 суткага қамалди. Қизсевар қавм...

⚡️⚡️⚡️Тошкентда келинига сексуал шаҳвоний шилқимлик қилган қайнота 5 суткага қамалди. Келинсевар қавм...

ҚЎШКЎПИР ЗАМҲОКИМИ ПОРА БИЛАН ҚЎЛГА ТУШДИ

Хоразм вилояти Қўшкўпир тумани ҳокимининг қишлоқ хўжалиги бўйича ўринбосари фуқарога қишлоқ хўжалиги ерини олиб беришни ваъда қилиб, пора сифатида 25 минг АҚШ доллари ва 50 миллион сўм олаётган пайтда ушланиб, қамоққа олинди.

Қизиғи шундаки, бундан 5 ой олдин худди шу лавозимда бўлган бошқа бир ўринбосар ҳам ўхшаш жиноят содир этган. У фуқародан 50 минг АҚШ доллари пора олаётган пайтда қўлга олинган ва қамалиб кетганди.

Бу наҳс ўринга энди ким келаркин? Қўшкўпирда қамалишга тайёр порахўр камикадзелар борми?

💬Telegram |📱Facebook |
🐦Twitter |📱Instagram | ▶️YouTube

"ИНСОН" ИЖТИМОИЙ ХИЗМАТЛАР МАРКАЗИДА КОРРУПЦИЯ ҲЕЧ ҚАЧОН БАРҲАМ ТОПМАЙДИМИ?

Шофрикон тумани ижтимоий ҳимоя тизимида можаролар тинмади. Ижтимоий ходимларни дам олиш куни мажбурий меҳнатга жалб қилган мутасаддилар ўз хатосини инкор этмоқда.

Бу борада Элтуз эълон қилган мақоладан сўнг Бухоро вилояти Камбағалликни қисқартириш ва бандлик бош бошқармасидан” текширувчилар келиб дам олиш кунида ишлаш мажбурий меҳнат эмас, ёзилмаган қоида эканини таъкидлаган.

"Майли, дам олиш кунида ҳам ишладик. Бунга рози бўлдик. Лекин миннатдорчилик ўрнига бизга босим ўтказиб ишдан бўшатишяпти. Умуман ишга келмайдиган, ўз вазифасини бажармайдиган ходимлар эса моддий мукофот билан сийланади, уларга ноқонуний иш ҳақи ёзилади", дейди марказ ходимларидан бири.

Тизим вакиллари мутасаддилардан Шофрикон тумани "Инсон" ижтимоий хизматлар марказининг молиявий фаолиятини жиддий тафтиш қилиб, коррупция ва бюджет талон-тарожига чек қўйишни сўрамоқда.

💬Telegram |📱Facebook |
🐦Twitter |📱Instagram | ▶️YouTube

⚡️⚡️⚡️Бу гал трендда пойтахтлик автобус ҳайдовчилари... Тошкентдаги автобусда «аёллар — олдинда, эркаклар — орқада» ёзувли постер пайдо бўлди. «Тошшаҳартрансхизмат» уни 2 йигит ёпиштириб, ҳолатни видеога ҳам олгани акс этган камера ёзувларини эълон қилди. Бу каби постер аввалроқ Самарқандда автобусда ҳам учраганди.

ТЫ КТО ТАКОЙ? ДАВАЙ, ДОСВИДАНИЯ

Тараканни биттасини ўлдирсанг, ўрнига юзтаси келади. Ўзбекистондаги амалдорлар ҳам ашнақа. Йил бошида камайтирилса, йил ўртасига келиб яна урчиб кўпайиб кетади.

Хуллас, мавжуд амалдорларнинг беш фоизига "давай досвидания" дейиладиган бўлди.

Ўзбек халқининг бахти тўкис бўлиши учун эллик учминг беш юз олтмиш мулозим етади дейишди. Менимча, шунинг ярмиям кўп. Қашшоқлик вазирлигида кўпайиб бойиб ëтган 1416 мулозимнинг кавуши тўғирланди. Минэкономфинда 580, Мин инвестда 336, Минэкологияда 273 ва Минюста 208 киши курсидан айрилиб, ишсиз қолди.

693 божгир ва хотин қўмитадаги 434 амалдор ҳам ишдан бўшайди.

Ўзбекистон одам бошига энг кўп идора бўлган қашшоқ мамлалат.

Масалан, бой Швейцарияда 8 вазир бор¸ қашшоқ Ўзбекистонда эса 21 вазирлик¸ 14 қўмита, 26 агентлик ва 9 инспекция ва яна ашинча кераксиз маънавият идоралари бор.

💬Telegram |📱Facebook |
🐦Twitter |📱Instagram | ▶️YouTube

ИЗОҲГА ИЗОҲ

Хабар мазмуни: Навоий Педагогика институти декани талаба қизларни очиқчасига бузуқ деб ҳақоратламоқда
Изоҳлардан бири: “Яна феминистча мақолами?”

Изоҳга Элтуздан жавоб: Феминизм аёлларнинг жамиятдаги тенглиги дегани. Тенгликдан қўрқманг. Аёлларнинг ижтимоий тенглиги эркакларни "сиқиш" эвазига бўлмайди. Агар шу декан талаба йигитларни “ҳароми” деб ҳақоратлаганда ҳам Элтуз албатта хабар берган бўларди. Лекин сиз "яна эркакпарвар мақолами?" демасдингиз.

Масалага кенгроқ қарайлик, Ўзбекистонда аёллар тенглиги деганда эркаклар фақат хотинини тушунади. Шунинг учун аёллар ҳуқуқи, тенглиги ҳақида гапирганларни ёқтиришмайди. Кўплаб эркаклар аёл тимсолида фақат хотинини кўради. Аёл дегани она, опа-сингил, қиз фарзандни ҳам ўз ичига олади. Қизингизга ёки онангизга раво кўрмаган ҳақоратни жамиятнинг бошқа аёлларига муносиб деб билманг.

Эркак сифатида эркак кишини ҳимоя қилишингизни тушунса бўлади. Лекин жамиятдаги ҳар бир аёл кимнингдир фарзанди, опаси, синглиси ёки онасидир. Бугун ҳақоратчи эркакни ҳимоя қилиб бу мақолани феминистча деб атайсиз. Ўн йилдан кейин бирор декан, раҳбар ёки эрка куёвингиз сизнинг қизингизни кўчада "бузуқ" деса фикрингиз кескин ўзгаради.

Сиз оқ ювиб тараб ўстирган қиз фарзандингиз, сизни жуда севадиган қизалоғингиз келажакда ўзи истаган соҳада ўқиши, ишлаганда ҳам ҳуқуқлари тенг таъминланиши, оилада калтакланмасдан, хўрланмасдан, “ота-онангни фалон қилай” деган қўпол сўкиш эшитмасдан эркин яшаши муҳим. Аёллар ҳуқуқига мана шу нуқтаи назардан қараш лозим. Аёл ҳуқуқи деганда фақат бугунни, фақат хотинни ўйлаб хулоса қилманг.

💬Telegram |📱Facebook |
🐦Twitter |📱Instagram | ▶️YouTube

ТЕРМИЗДА САЙЛОВ НАТИЖАЛАРИ ЎЗГАРТИРИЛМОҚДА

Бугун Элтузга Термиз туманидаги сайлов жараёни бўйича жиддий шикоят келди.

Мурожаатчиларнинг таъкидлашича, тумандаги сайлов участкаларси раҳбариятига юқори доиралардан ҳақиқий ғолибларни эмас, "бошқа номзодларни" ўтказиш буйруғи берилган.

Мурожаатга кўра, туман сайлов комиссияси раиси овозларни ҳисоблаш жараёнини бекор қилишни буюрган ва бюллетен қопларини очмасдан топширишни талаб қилган.

Комиссия раиси буйруғига биноан, баённомаларда овозлар сони ўзгартирилган ёки талабга биноан тўлдирилган.

Айрим ҳолларда, кам овоз олган номзодларнинг баённомалари бўш қолдирилган ҳолда қабул қилинган.

Сайлов участкаси раисларига бу кўрсатмаларни бажариш мажбурий экани айтилган ва улар туман комиссияси раисининг буйруғига амал қилишган.

Мурожаатчилар масъулиятсиз амалдорларнинг бу ҳаракатлари юзасидан республика раҳбарларидан адолат ва ёрдам сўрамоқда.

💬Telegram |📱Facebook |
🐦Twitter |📱Instagram | ▶️YouTube

Қозоғистоннинг Олмаота шаҳрида 23 октябрь куни фарғоналик шоир, ёзувчи ва эссеист Шамшод Абдуллаев оламдан ўтди.
1957 йилнинг 1 ноябрида Фарғонада туғилган Шамшод Абдуллаев рус тилида ëзган авангардчи шоирлар орасида ўтган асрнинг 80-90-йилларида шакллантирилган “Фарғона поэтик мактаби”вакили.
Миллати ўзбек бўлишига қарамай, рус тилида ижод қилган Шамшод Абдуллаев бир неча шеърий тўплам ва прозаик асар муаллифи бўлиб ҳисобланади.
Асарлари бир неча тилга таржима қилинган фарғоналик шоир, “Фарғона.ру” қайдича, Андрей Белий номидаги мукофот (1993 йил), “Знамя” журналининг эссеистика бўйича мукофоти (1998 йил), “Глобус” мукофоти (1998 йил), Россия шоирлари орасида икки марта шеърият учун мукофот (2006 ва 2013 йиллар), Францияда рус тилида чиққан “Окно” журнали мукофоти (2011 йил), Иосиф Бродский жамғармаси мукофоти (2015 йил) ва бошқа мукофотлар соҳиби бўлган.
Шамшод Абдуллаев Тошкентда “Звезда Востока” журналига (“Шарқ юлдузи”нинг русчаси) муҳаррирлик қилган.
Нашр Ўзбекистон расмийларининг босимига учрагани ортидан Шамшод Абдуллаев мамлакатдан чиқиб кетган.